Lajmet

Ministri i Jashtëm i Egjiptit viziton Sirinë për herë të parë që nga viti 2011

Kjo po shihet si shenjë e ngrohjes së lidhjeve midis Presidentit Bashar al-Assad dhe shteteve arabe.

Published

on

Ministri i Jashtëm egjiptian, Sameh Shoukry, ka mbërritur në Damask në atë që është vizita e parë e një të dërguari të lartë egjiptian në Siri që nga fillimi i luftës civile në vitin 2011 dhe një tjetër shenjë e ngrohjes së lidhjeve midis Presidentit Bashar al-Assad dhe shteteve arabe.

Sipas agjencisë shtetërore të lajmeve siriane (SANA), Shoukry u prit në aeroportin e Damaskut nga homologu i tij sirian, Faisal Mekdad.

Al-Assad ka përfituar mbështetja arabe për Sirinë që nga tërmetet e 6 shkurtit që vranë më shumë se 50 mijë njerëz atje dhe në Turqinë fqinje.

Në fillim të këtij muaji, presidenti i Egjiptit, Abdel Fattah el-Sisi foli me al-Assad me telefon për herë të parë më 7 shkurt.

Të dielën, një delegacion i udhëheqësve parlamentarë arabë, përfshirë kryetarin e parlamentit të Egjiptit, Hanafy al-Gebali, u takua me al-Assad në Damask.

Më herët, pas tërmetit, edhe ministri i jashtëm i Jordanisë, i cili dikur mbështeti opozitën siriane, vizitoi Damaskun për herë të parë që nga fillimi i luftës civile.

Siria ishte kryesisht e izoluar nga pjesa tjetër e botës arabe pas shtypjes vdekjeprurëse të al-Asadit kundër protestave që shpërthyen kundër sundimit të tij në vitin 2011. Liga Arabe pezulloi anëtarësimin e Sirisë në të njëjtin vit dhe shumë vende arabe i tërhoqën të dërguarit e tyre nga Damasku.

Emiratet e Bashkuara Arabe, të cilat filluan të normalizojnë lidhjet me al-Asad disa vite më parë, kanë dërguar ndihma në Siri që kur ndodhi tëmreti. Arabia Saudite dërgoi gjithashtu avionë që transportonin ndihma në Siri, për herë të parë në më shumë se një dekadë./UBTNews/

Lajmet

​Yildiz: Nuk më pëlqen të krahasohem me Del Pieron

Published

on

Sulmuesi turk, Kenan Yildiz është gati për përballjen e madhe të Ligës së Kampionëve mes Real Madridit dhe Juventusit.

Yildiz që mban fanellën me numrin 10 te bardhezinjtë, foli për emocionet e tij në një intervistë për faqen zyrtare të UEFA-s, ku pranoi se është i motivuar nga pritshmëritë që ka publiku, por shtoi se nuk i pëlqejnë krahasimet.

“Jam vetvetja. Nuk dua të krahasohem me askënd.”, tha Yildiz.

Lidhur me ndeshjen në stadiumin Santiago Bernabeu, ai u shpreh:

“Është fantastike. Çdo fëmijë ëndërron të luajë në atë stadium. Tani kjo ëndërr është bërë realitet. Shpresoj të zhvillojmë një ndeshje të madhe.”/S.K/KP/

 

Continue Reading

Lajmet

​Deco: Nuk sjellim lojtar të rinj në janar

Published

on

Shefi i Barcelonës, Deco, thotë se nuk ka gjasa të shtojë lojtarë në skuadrën e tyre në janar dhe këmbëngul se ata do ta blejnë vetëm nëse detyrohen të shesin një lojtar gjatë merkatos së dimrit.

“Nuk e shoh nevojën për afatin kalimtar të janarit për momentin. Asnjë lojtar nuk ka kërkuar të largohet.”, ka thënë Deco.

Deco komentoi gjithashtu edhe për figurën e Lamine Yamal.

“Shpesh kemi tendencë të përqendrohemi te individualizmi, por është skuadra që fiton. Po flasim për një lojtar shumë të pjekur, një lloj tjetër lojtari që mund të përcaktojë një epokë. Duhet ta lëmë të qetë”, tha ai.

“Konteksti i tij ishte i ndryshëm; ai iu bashkua një ekipi që tashmë ishte fitues, me lojtarë të moshës 25 dhe 26 vjeç, dhe rritja e tij ka qenë më normale dhe progresive”, shtoi ai./S.K/KP/

Continue Reading

Lajmet

Drejtori i policisë ndan 19 vetura për policët e lagjes

Published

on

By

Me synim për rritjen e efikasitetit në punën e policëve të lagjes, Drejtori i Përgjithshëm i Policisë, Gazmend Hoxha ka ndarë 19 vetura të reja Hybride, për mbulimin e zonave sektoriale, në të gjitha drejtoritë rajonale.

Lajmin e ka bërë të ditur Policia e Kosovës përmes një komunikate zyrtare.

“Përmbushja e objektivave të Strategjisë së Policimit të drejtuar nga Inteligjenca dhe Policimit në Bashkësi, si dhe forcimi i qasjes proaktive ndaj kërkesave të qytetarëve tashmë mundësohet më lehtë dhe më shpejt, falë pajisjes me automjete zyrtare”.

“Kjo edhe një herë dëshmon përkushtimin e menaxhmentit të Policisë për një qasje gjithnjë e më proaktive ndaj komunitetit, për forcimin e bashkëpunimit dhe komunikimit me qytetarët, si dhe për rritjen e mëtejme të besueshmërisë dhe transparencës institucionale”, shkruhet tutje në komunikatë./EO

Continue Reading

Lajmet

​Ish-lojtari i Real Madridit pëson goditje në tru

Published

on

Ish-futbollisti holandez, Royston Drenthe, ka pësuar një goditje në tru dhe aktualisht ndodhet nën kujdes mjekësor në spital.

“Të premten e kaluar, Royston Drenthe pësoi një goditje në tru. Ai po trajtohet dhe është në duar të sigurta. Familja e tij kërkon paqe dhe privatësi gjatë kësaj periudhe, për t’i mundësuar shërimin e plotë,” thuhet në njoftimin e klubit në Instagram.

Drenthe, i cili u konsiderua një prej talenteve më premtues të futbollit holandez, nuk arriti të përmbushte pritshmëritë pas transferimit te Real Madridi. Gjatë karrierës së tij ai ka luajtur në Spanjë, Angli, Rusi, Turqi dhe Emiratet e Bashkuara Arabe, ndërsa futbollin aktiv e përfundoi në Holandë në vitin 2019.

Lajmi është konfirmuar edhe nga FC Der Rebellen, ekipi i ish-lojtarëve profesionistë ku bën pjesë edhe 38-vjeçari.

Pas tërheqjes nga futbolli, Drenthe iu përkushtua muzikës dhe prej vitit 2023 punon si komentator në kanalin holandez Ziggo Sports./S.K/KP/

Continue Reading

Të kërkuara