Aktualitet

Ministri Aliu thotë se shqetësimet e banorëve të lagjes “Kalabria” për planin rregullues po i trajtojnë me prioritet

Aliu ka thënë se shqetësimet e banorëve lidhur me planin rregullues do t’i trajtojnë me prioritet dhe seriozitet.

Published

4 years ago

March 16, 2022

UBT news

Pas protestës së banorëve të lagjes “Kalabria” në Prishtinë para Ministrisë së Mjedisit, Planifikimit Hapësinor dhe Infrastrukturës për mos shfuqizim të planit të hollësishëm rregullues që u miratua në nëntor të vitit 2021 nga Kuvendi i Komunës së Prishtinës, ka reaguar ministri i MMPHI-së, Liburn Aliu.

Aliu ka thënë se shqetësimet e banorëve lidhur me planin rregullues do t’i trajtojnë me prioritet dhe seriozitet.

Ministri Aliu ka treguar se përfaqësuesit e lagjes “Kalabria” janë pritur në takim nga zyrtarët e MMPHI ku kanë diskutuar rreth Planit Rregullues dhe vendime që janë marrë në të kaluarën.

“Zyrtarë të lartë nga Ministria e Mjedisit, Planifikimit Hapësinor dhe Infrastrukturës kanë pritur në takim përfaqësuesit e lagjes Kalabria, me ç’rast kanë dëgjuar shqetësimet e tyre dhe kanë diskutuar rreth Planit Rregullues të Hollësishëm si dhe vendimeve që janë marrë në të kaluarën. I sigurojmë qytetarët e lagjes Kalabria se këtë çështje jemi duke e trajtuar me prioritet dhe me seriozitetin e nevojshëm”, ka thënë Aliu.

Tutje ai ka theksuar se shqetësimet e tyre do të trajtohen bashkë me institucionet e tjera qendrore dhe lokale.

“Për më shumë, shqetësimet e tyre do ti trajtojmë bashkë me institucionet tjera qendrore dhe lokale, për shkak se ligjshmëria e vendimeve komunale trajtohet në bazë të Ligjit për Vetëqeverisje Lokale”, ka përfunduar ministri Aliu.

Banorët e lagjes “Kalabria” në Prishtinë të martën para Ministrisë së Mjedisit, Planifikimit Hapësinor dhe Infrastrukturës(MMPHI) protestuan duke kërkuar nga ministri i këtij dikasteri që të mos shfuqizohet Plani Rregullues për këtë lagje, meqë sipas tyre shfuqizimi i këtij plani, e pamundëson mbulimin e lumit dhe punimin e rrugës “A”.

Me pankarta në duar me mbishkrimet “Mjaftë jemi të dëmtuar, duam drejtësi”, “Jemi qytetarë, trajtona të barabarte”, “Çka do të bëhet me rrugën A”, protestuesit qëndruan rreth një orë pranë objektit të MMPHI-së.

Kronikë e zezë

Arrestohet i dyshuari në Gjakovë për vrasje dhe pjesëmarrje në rrahje

Published

12 minutes ago

May 7, 2026

UBTNews

Policia e Kosovës në raportin e saj njëditor njofton se pas një punë hetimore për vepërn penale, “vrasje- pjesëmarrje në rrahje” është arrestuar i dyshuari në Gjakovë.

I dyshuari është intervistuar dhe me vendim të prokurorit të rastit është dërguar në mbajtja për 48 orë.

“Pas një pune hetimore në lidhje me rastin është identifikuar dhe arrestuar i dyshuari i dytë mashkull kosovar dhe i njëjti pas intervistimit me vendim të prokurorit dërgohet në mbajtje për 48 orë”, thuhet në raport.

Aktualitet

Irani po shqyrton propozimin e SHBA-së, ndërsa Trump thotë se lufta do të përfundojë shpejt

Published

25 minutes ago

May 7, 2026

UBTNews

Presidenti i SHBA-së, Donald Trump, ka parashikuar se lufta në Iran do të “përfundojë shpejt”, duke shtuar se shumica e njerëzve e kuptojnë synimin e tij për t’i dhënë fund ambicieve bërthamore të Teheranit. Këto komente vijnë pasi Irani deklaroi se propozimi amerikan për t’i dhënë fund luftës është ende duke u shqyrtuar, raporton BBC.

Mediumi amerikan Axios ka raportuar se Shtëpia e Bardhë beson se po i afrohet një memorandumi mirëkuptimi me 14 pika, i cili mund të shërbejë si kornizë për negociata më të detajuara bërthamore. Megjithatë, një anëtar i lartë i parlamentit iranian e ka cilësuar këtë si një “listë dëshirash”, ndërsa zëdhënësi i Ministrisë së Jashtme tha se Teherani do t’i ndajë qëndrimet e veta mbi propozimin amerikan përmes ndërmjetësve pakistanezë.

Ministri i Jashtëm i Pakistanit u shpreh se vendi i tij po bën përpjekje që këtë armëpushim ta shndërrojë në një fund të përhershëm të luftës.

Sipas raportimit të Axios, ky memorandum njëfaqësh përfshin pika si pezullimi i pasurimit bërthamor nga Irani, heqja e sanksioneve dhe rikthimi i lëvizjes së lirë në Ngushticën e Hormuzit.

Burimet e cituara pohojnë se shumë nga kushtet e parashikuara do të varen nga arritja e një marrëveshjeje finale. Edhe agjencia e lajmeve Reuters ka konfirmuar ekzistencën e këtij propozimi, ndonëse ai nuk është bërë ende publikisht i ditur.

Gjatë një aktiviteti virtual elektoral të mërkurën mbrëma, Trump u shpreh optimist para republikanëve në Georgia se lufta do të mbyllet së shpejti, duke theksuar se ishte veprim i drejtë ndalimi i Iranit për të poseduar armë bërthamore. Ai shtoi gjithashtu se SHBA-ja ka pasur bisedime shumë të mira me Iranin gjatë 24 orëve të fundit dhe se një marrëveshje është e mundshme, duke nënvizuar se vështirësitë për amerikanët, si çmimet e larta të karburantit, do të jenë afatshkurtra.

Lajmet

Disa persona të arrestuar brenda një dite për raste të dhunës në familje

Published

33 minutes ago

May 7, 2026

UBTNews

Në raportin 24-orësh të Policisë së Kosovës janë regjistruar pesë raste të dhunës në familje. Rastet e raportuara janë në Fushë-Kosovë, Gjakovë, Malishevë dhe në Viti.

Në rastin e parë në Fushë-Kosovë, një person është në kërkim nën dyshimin se kishte sulmuar fizikisht viktimën grua e më pas i ka dëmtuar edhe makinën viktimës. Sipas policisë, viktima ka pranuar tretman mjekësor, ndërsa i dyshuari po vazhdon të kërkohet nga organet e rendit.

Ndërkaq, në Viti janë arrestuar dy burra, pasi dyshohet se janë përleshur ndërmjet vete. Gjatë incidentit, njëri prej tyre po ashtu ka sulmuar edhe viktimën tjetër burrë. Në konsultim me prokurorin, të dyshuarit pas inicimit të rastit janë dërguar në mbajtje.

Edhe në Gjakovë raportohet se është arrestuar një person nën dyshimin se ka sulmuar dy viktima, një grua dhe një burrë. Viktima burrë ka pranuar tretman mjekësor, ndërsa i dyshuari është arrestuar dhe në konsultim me prokurorin kujdestar dërgohet në ndalim për 48 orë.

Në një rast tjetër, po ashtu në Gjakovë, është raportuar se viktima grua është sulmuar nga e dyshuara grua, e cila është arrestuar dhe pas inicimit të rastit, në konsultim me prokurorin, është liruar në procedurë të rregullt.

Ndërkaq, rasti i fundit ka ndodhur në Malishevë, ku edhe në këtë rast kemi një burrë të arrestuar nën dyshimin se kishte sulmuar viktimën grua. Viktima ka pranuar trajtim mjekësor, ndërsa i dyshuari me vendim të prokurorit është dërguar në mbajtje.

Lajmet

Vdes foshnja që u lind në tualetin e Emergjencës në Ferizaj

Published

49 minutes ago

May 7, 2026

UBTNews

Në Ferizaj, një foshnje e porsalindur ka vdekur nën dyshimin se nëna e ka lindur në tualetin e Emergjencës. Sipas raportit policor, foshnja ndodhej në gjendje të rëndë shëndetësore dhe ka ndërruar jetë pas pak kohe.

Ndërsa me vendim të prokurorit, foshnja është dërguar për obduksion në Institutin e Mjekësisë Ligjore në Prishtinë. Ndërkaq, e dyshuara ndodhet në spitalin e Gjinekologjisë në Ferizaj, për shkak të gjendjes së saj shëndetësore.

“E dyshuara femër kosovare raportohet se në tualetin e Emergjencës kishte lindur foshnjën e saj. Foshnja ndodhej në gjendje të rëndë shëndetësore dhe ka ndërruar jetë pas pak kohe. Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë në Ferizaj, për shkak të gjendjes së saj shëndetësore”, thuhet në njoftimin e Policisë.