Milani merr rezultat pozitiv në udhëtimin tek Unitedi

Published

6 years ago

March 12, 2021

Betim Gashi

Milani e ka shënuar një gol në fundin e ndeshjes dhe ia mohoi Manchester Unitedit fitoren në ndeshjen e parë të 1/8 së finales në Ligën e Evropës.

Unitedi të enjten në mbrëmje në “Old Trafford” barazoi me “rossonerët” me rezultatin 1:1.

Milanit iu anulua një gol i Franck Kessiet në pjesën e parë nga VAR-i në minutën e 11. Në pjesën e dytë, “djajtë e kuq” kaluan të parët në avantazh me golin e Amad Diallos.

Diallo u bë golashënuesi i katërt më i ri te Unitedi që shënon në një garë të madhe Evropiane pas Mason Greenëoodit, Marcus Rashfordit dhe George Bestit. Diallo ka 18 vjet e 243 ditë.

Milani barazoi në minutën e dytë të kohës shtesë me mbrojtësin Simon Kjaer. Ishte goli i parë i pranuar nga Unitedi në pesë ndeshje.

Me rezultat identik përfundoi edhe takimi mes Slavia Pragës dhe Rangersit, ndërsa fitore bindëse shënuan Ajaxi dhe Villarreali.

Ajaxi në shtëpi mposhti 3:0 skuadrën zvicerane Young Boys, derisa Villarreali në udhëtim fitoi ndaj Dinamo Kievit, 2:0.

Up Next

Superliga e Shqipërisë rikthehet me dy ndeshje interesante

Don't Miss

Bylbyl Sokoli i pakënaqur me angazhimin e lojtarëve në humbjen ndaj Dritës

Akil Gjakova mbyll garën pa medalje në Abu Dhabi

Published

8 minutes ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

36 minutes ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/