Mund të tingëllojë e pabesueshme, por bëhet fjalë për një certifikatë mikroçipi të futur në dorë!
Një start-up suedez po pretendon se kjo është mënyra më e lehtë për të marrë informacion në lidhje me statusin e vaksinimit të një personi.
Kompania Epicenter nga Stokholmi prezantoi mënyrën më të re duke instaluar një mikroçip nën lëkurë, raporton Daily Mail. Pra tani certifikata COVID mund të ngarkohet nga çdo pajisje që përmban teknologjinë NFC, e cila përdoret për pagesat pa kontakt fizik dhe zhbllokimin e dyerve pa çelës.
Shefi i shpërndarjes së Epicenter, Hannes Sjöblad, përdori shembullin e tij për të treguar se si funksionon gjithçka.
Ai e futi çipin në krahun e tij nën lëkurë dhe për të mësuar statusin e vaksinimit, kaloi telefonin e tij celular mbi atë pjesë të krahut.
“Ata që nuk kanë certifikata në celularët e tyre ose shpesh i harrojnë ato, në këtë mënyrë do t’i kishin gjithmonë certifikatat me vete”, tha Sjöblad.
Në mesin e vitit 2021, shumë vende prezantuan certifikatat e COVID-it dhe pa to, njerëzit nuk mund të ndjekin më ngjarje, të shkojnë në institucione publike ose të udhëtojnë jashtë vendit.
Në Epicenter, ata donin të bënin sa më të aksesueshme informacionin nga COVID-pass.
Siç zbuluan ata, mikroçipi vendoset vetëm nën lëkurë, në parakrah ose midis gishtit të madh dhe treguesit. Sjöblad theksoi se procedura është plotësisht e kthyeshme dhe nuk kërkon një aplikim të veçantë në një telefon celular.
Por ky mikroçip nuk është një risi, pasi këto kompani e përdorin atë për punonjësit e tyre prej vitesh.
Në vitin 2015, ata njoftuan se kishin instaluar mikroçipe në më shumë se njëqind punonjës të tyre, të cilët mund t’i përdornin për të hapur dyert, për të përdorur printer ose për të blerë smoothie vetëm me një lëvizje të dorës.
Mikroçipi instalohet me injeksion të thjeshtë dhe kur aktivizohet nga një lexues disa inç larg, një sasi e vogël e të dhënave rrjedh midis dy pajisjeve nëpërmjet valëve elektromagnetike.
Edhe pse kalimet e COVID në formën e mikroçipave nuk janë ende gati për tregun e gjerë, mund të konkludohet se metoda e instalimit e sipërpërmendur është e njëjtë me atë që do të përdorej në rast të paraqitjes së tij në tregun masiv.
Apple ka prezantuar një reklamë të re të Krishtlindjeve, të titulluar “A Critter Carol”, e cila është vlerësuar si “e ngrohtë”, “me shpirt festiv” dhe e realizuar pa përdorur inteligjencë artificiale.
Spot-i dy-minutësh tregon dy alpinistë në një pyll dimëror, ku një telefon i humbur gjendet nga krijesa kukullash që performojnë “Friends” nga Flight of the Conchords dhe më pas ia kthejnë pronarit.
Reklama u realizua me iPhone 17 Pro e kukulla dore, duke krijuar botë magjike dhe prekëse, në kontrast të qartë me reklamat e Coca-Cola-s për Krishtlindje, të krijuara plotësisht me AI dhe kritikuar si “të ftohta dhe pa shpirt”.
Apple publikoi edhe një video “behind the scenes”, ku tregohet se për realizimin e spotit u ndërtua një set gjigant pylli dhe u përdorën modele të mëdha kafshësh të manipuluara nga operatorë, ndërsa modelet e vogla ishin kukulla dore.
Regjisori Mark Molloy tha se qëllimi ishte të rikthehej magjia e artizanatit dhe natyrës së prekshme të kukullave.
Reklama u prit pozitivisht në rrjetet sociale, me fansat që e përshkruan si “absolutisht brilante” dhe “magji e pastër festive”. Ndërkohë, reklamat e Coca-Cola-s për vitin 2025 u kritikuan për përdorimin e AI dhe mungesën e ngrohtësisë emocionale që karakterizon festat.
CEO i Apple, Tim Cook, komentoi: “Gëzim festiv, pak magji, shumë zemër, të kapura me iPhone 17 Pro nga disa miq kukullash të punuar me dorë!”./A.Z/UBT News/
YouTube po përgatitet për një lëvizje të madhe strategjike, duke synuar të sigurojë të drejtat e transmetimit të ceremonisë së Çmimeve të Akademisë (Oscars) sapo të përfundojë kontrata aktuale e ABC-së në vitin 2028.
Sipas burimeve të Bloomberg, platforma në pronësi të Google ka kërkuar informacion për mundësinë e marrjes së ekskluzivitetit të këtij eventi prestigjioz.
Ky zhvillim tregon ambicien e YouTube për të zgjeruar portofolin e tij të transmetimeve live, veçanërisht pas suksesit me NFL Sunday Ticket dhe rritjes së madhe të audiencës në podkastet e njohura.
Sipas Cord Cutters News, një marrëveshje e tillë do të përbënte “një tronditje për industrinë”, duke e pozicionuar YouTube si një platformë të fuqishme për evente madhore televizive.
Nëse kjo lëvizje realizohet, ceremonia e Oscars, një nga ngjarjet më të ndjekura në botë, mund të zhvendoset për herë të parë nga televizoni tradicional në një platformë digjitale. /A.Z/UBT News/
Tre vite më parë, OpenAI prezantoi një produkt të ri, duke e përshkruar thjesht si “një model të quajtur ChatGPT që bashkëvepron në mënyrë shoqërore”.
Askush nuk e imagjinonte se ky demonstrim i thjeshtë do të shndërrohej kaq shpejt në një fenomen global.
ChatGPT revolucionarizoi botën e teknologjisë dhe biznesit, duke nxitur një valë të tërë produktesh të inteligjencës artificiale gjenerative.
Ai u bë jashtëzakonisht popullor që në ditët e para, duke arritur 1 milion përdorues vetëm pesë ditë pas lançimit—aftim që asnjë aplikacion tjetër nuk e kishte arritur më parë.
Sot, aplikacioni ka rreth 800 milion përdorues aktivë çdo javë, me miliarda vizita mujore, dhe në orët e pikut përpunon deri në 29,000 kërkesa për sekondë.
Ajo që nisi si një faqe e thjeshtë demonstrimi është shndërruar në një mjet të përditshëm për miliona njerëz, i përdorur për të mësuar, studiuar, shkruar, programuar, planifikuar dhe krijuar. /A.Z/UBT News/
Apple ndaloi së përdoruri procesorët Intel për laptopët e saj vite më parë dhe që atëherë ka punuar ekskluzivisht me TSMC.
Megjithatë, kjo mund të ndryshojë që në vitin 2027, kur disa MacBook mund të fillojnë të përdorin çipa të prodhuar nga Intel.
Apple mund të jetë duke kërkuar mënyra për të diversifikuar prodhimin e çipave të serisë M duke bashkëpunuar me Intel.
Sipas analistit të zinxhirit të furnizimit të Apple, Ming-Chi Kuo, Intel mund të fillojë prodhimin e çipave të serisë M të nivelit më të ulët që nga mesi i vitit 2027.
Nëse informacioni është i vërtetë, MacBook Air, iPad Air dhe iPad Pro lansohen me çipet M6 ose M7 të prodhuara nga Intel më vitin 2027.
Apple do të vazhdojë të mbështetet te TSMC për prodhimin e versioneve më të përparuara Pro, Max dhe Ultra të këtyre procesorëve, si dhe për çipet mobile të serisë A të Apple. /A.Z/UBT News/
