Sport

Messi: S’ka justifikime, kjo është goditje e rëndë

Ai ka bërë thirrje që grupi të reagojë fuqishëm pas këtij gabimi.

Published

4 years ago

on

Lionel Messi ka pranuar se po e përjeton shumë rëndë humbjen e Argjentinës nga Arabia Saudite në ndeshjen e parë në Kampionatin Botëror, por ka bërë thirrje që grupi të reagojë fuqishëm pas këtij gabimi.

Messi i dha epërsinë Argjentinës në minutën e dhjetë nga penalltia, por sauditët e përmbysën rezultatin duke triumfuar në fund me rezultat 2-1.

Duke folur për gazetarët pas ndeshjes, Messi tha: “Ne e dinim që Arabia është një ekip me lojtarë të mirë, që lëviz topin mirë dhe që avancon shumë vijën. Ne punojmë për të, por ne shpejtojmë pak”.

“Nuk ka justifikime. Ne do të jemi më të bashkuar se kurrë. Ky grup është i fortë dhe ata e kanë treguar këtë. Është një situatë që nuk na është dashur ta kalojmë për një kohë të gjatë. Tani duhet të tregojmë se kjo është një grup i vërtetë”.

“Është një goditje shumë e rëndë për të gjithë, nuk e prisnim të fillonim kështu. Gjërat ndodhin për një arsye. Ne duhet të përgatitemi për atë që do të vijë, duhet të fillojmë të fitojmë dhe kjo varet nga ne”, shtoi ai.

Polonia dhe Meksika janë dy rivalët tjetër të Argjentinës në këtë grup.

Related Topics:
Continue Reading

Sport

Jon Kuka mposht xhudistin serb me Ippon, vetëm edhe një fitore deri te medalja

Published

15 hours ago

on

June 29, 2026

By

Xhudisti kosovar, Jon Kuka, është vetëm një fitore larg sigurimit të medaljes së bronztë në Kampionatin Evropian për kadetë (U18), i cili po zhvillohet në Spanjë. Kuka ka treguar performancë solide në bllokun e ndeshjeve të repesazhit, duke mbajtur në lojë mundësitë për t’u ngjitur në podiumin e këtij eventi të rëndësishëm ndërkombëtar.

Në gjysmëfinalen e repesazhit, Kuka u përball me xhudistin nga Serbia, Petar Markovic. Ndeshja u mbyll me fitoren e garuesit kosovar, i cili realizoi hedhje për pikën maksimale “Ippon”. Federata e Xhudos e Kosovës ka publikuar edhe pamjet e këtij aksioni në faqen zyrtare, ku pasqyrohet momenti i fitores së Kukës.

Pas këtij suksesi, xhudisti kosovar ka kaluar në finalen e repesazhit, ku do të diskutojë medaljen e bronztë. Në përballjen vendimtare për vendin e tretë në Evropë, Jon Kuka do të ndeshet me përfaqësuesin e Sllovakisë, Daniel Palko. /E.A/

Continue Reading

Lajmet

Chelsea po insiston për Granit Xhakën, Sunderlandi s’e lëshon

Published

21 hours ago

on

June 29, 2026

By

Chelsea nuk ka hequr dorë nga transferimi i Granit Xhakës gjatë kësaj vere.

Sipas gazetarit Florian Plettenberg, klubi londinez pritet të zhvillojë një raund të ri bisedimesh me Sunderlandin të hënën, pasi oferta e parë prej 8 milionë eurosh u refuzua menjëherë.

Sunderlandi ka bërë të qartë se kapiteni i tyre nuk është në shitje dhe nuk kanë ndërmend të shqyrtojnë oferta të tjera. Megjithatë, Xhaka mbetet i interesuar për kalimin në “Stamford Bridge”, ku dëshiron të ribashkohet me trajnerin Xabi Alonso.

Plettenberg ka bërë të ditur se transferimi mbetet i vështirë, por nuk ka dështuar. Ndërkohë, mesfushori aktualisht është i fokusuar në Botërorin 2026, ku me Zvicrën ka kaluar në fazën e eliminimit direkt dhe do të përballet me Algjerinë. /E.A/

Continue Reading

Sport

Kosova nis pa medalje garën në Grand Prix të xhudos

Published

4 days ago

on

June 26, 2026

By

Në Qingdao të Kinës ka nisur të premten Grand Prix i xhudos, ku në ditën e parë u paraqitën tri xhudiste nga Kosova, por pa arritur të sigurojnë vazhdim në garë për medalje.

Në kategorinë deri në 48 kilogramë, Erza Muminoviq e nisi mirë garën duke e fituar luftën e parë ndaj Su Yon Jon nga Koreja e Veriut, por u ndal në xhiron e dytë pas humbjes ndaj kinezes Wenna Zhuang.

Fatjona Kasapi u eliminua në luftën e parë në kategorinë deri në 52 kilogramë, pasi u mposht nga bartësja e parë, gjermanja Mascha Ballhaus.

Ndërkohë, edhe Flaka Loxha u ndal që në përballjen e parë në kategorinë deri në 57 kilogramë, duke pësuar nga Maysa Pardayeva e Turkmenistanit.

Të shtunën në garë për Kosovën do të zbresin Laura Fazliu dhe Dardan Cena.

D.L

Continue Reading

Sport

Holanda fiton bindshëm, Tunizia eliminohet pa pikë

Published

4 days ago

on

June 26, 2026

By

Holanda ka regjistruar një fitore të sigurt 3:1 ndaj Tunizisë në Kansas City, duke e mbyllur fazën e grupeve në vendin e parë të Grupit F me shtatë pikë.

Ndeshja nisi furishëm për holandezët, të cilët kaluan në epërsi që në minutën e tretë pas një autogoli të Ellyes Skhirit. Vetëm katër minuta më vonë, Brian Brobbey dyfishoi avantazhin, duke e çuar rezultatin në 2:0.

Tunizia u rikthye në lojë në minutën e 54-t me golin e Hazem Mastourit, por Holanda reagoi shpejt. Në minutën e 62-të, Jan Paul van Hecke vulosi fitoren me golin për 3:1.

Me këtë disfatë, Tunizia i humbi të tre ndeshjet e grupit dhe i jep fund paraqitjes në turne.

D.L

Continue Reading

Të kërkuara