Sport

Messi: Dua të rikthehem te Barcelona

Barcelona shënoi fitore në ndeshjen e parë nën urdhrat e Xavit.

Published

4 years ago

on

Ylli argjentinas Lionel Messi e ka përkrahur trajnerin e ri të Barcelonës, Xavin, që do të ketë suksese dhe do ta dërgojë klubin drejt niveleve më të larta të futbollit.

Barcelona shënoi fitore në ndeshjen e parë nën urdhrat e Xavit, duke e mposhtur skuadrën e Espanyolit me rezultat minimal 1:0, përcjell KosovaPress.

Po ashtu, me ardhjen e Xavit në krye të gjigandit katalunas, mbrojtësi i këtij të fundit Jordi Alba ka lavdëruar Xavin, duke e pranuar se që nga ardhja e tij ai ndihet më i motivuar.

Njëjtë sikurse Alba mendon edhe legjenda e Barcelonës dhe ish-lojtari i tyre, Lionel Messi, i cili ka thënë që Xavi është personi i duhur që do ta rikthejë Barcelonën e lavdishme pas një periudhe krize në klub.

“Xavi është një trajner i cili di shumë gjëra, i cili e di shtëpinë më së miri, dhe i di të gjitha gjërat mirë që prej kohës kur ishte fëmijë. Ai është një person shumë i rëndësishëm për të rinjtë, dhe është nga ata personat që do ta ndihmojë Barcelonën drejt suksesit, nuk kam dyshim”, tha ylli i Paris Saint-Germain Messi.

Pas kësaj deklarate, Messi bëri të ditur që njëjtë sikurse Xavi, ai do të dëshironte që në të ardhmen të rikthehet dhe të ketë një rol te “Blaugranët”.

“Gjithmonë e kam thënë që unë do të rikthehem te Barcelona sepse dua t’i ndihmojë klubit me atë se çfarë mund të bëjë, dhe sigurisht që nëse vjen mundësia që të ndihmojë në aspektin që po e mendoj, do të dëshiroja më shumë se çdo gjë që të rikthehem”, tha Messi.

Related Topics:
Continue Reading

Sport

Fabrizio Romano e konfirmon, Arsenali transferon një yll të Chelseat

Published

17 hours ago

on

June 25, 2025

By

Arsenali ka finalizuar transferimin e portierit Kepa Arrizabalaga nga Chelsea, sipas raportimeve të Fabrizio Romano.

Portieri 30-vjeçar spanjoll i bashkohet ‘Topçinjve’ si zëvendësues i David Rayas, me marrëveshjen që thuhet se kap vlerën e 5 milionë funtesh.

Ky transferim u mundësua nga një klauzolë lirimi që Kepa e kishte përfshirë në kontratën e tij me Chelsean gjatë verës së kaluar.

Klauzola i jepte mundësinë të largohej për një tarifë të caktuar dhe Arsenali e ka aktivizuar atë për ta sjellë portierin në ‘Emirates’.

Ish-portieri i kombëtares spanjolle pritet të rivalizojë Rayën për vendin e titullarit, duke i dhënë Mikel Artetës më shumë alternativa në portë.

Përvoja dhe cilësia e Kepas konsiderohen si një aset i vlefshëm për skuadrën, ndërsa ai është përforcimi i radhës pas mbërritjes së Martin Zubimendit.

Transferimi i Kepas vjen pas një periudhe të përzier shtatëvjeçare te Chelsea, ku ai fitoi katër trofe të mëdhenj dhe regjistroi 163 paraqitje.

Continue Reading

Sport

Botërori i klubeve: Atletico Madrid “bie” në grupe edhe pas fitores, PSG dhe Botafogo vijojnë më tej

Published

2 days ago

on

June 24, 2025

By

Kupa e Botës për Klube ka hyrë në ndeshjet e fundit të fazës në grupe, teksa në Grupin B çdo gjë ka përfunduar.

Sfida me interesin më të madh ishte ajo mes Atletico Madrid dhe Botafogos, që pa spanjollët fitues me rezultatin 1-0, e cila nuk i mjaftoi skuadrës së Simeones për të vazhduar më tej, me ekipin brazilian që kalon në fazën e 1/16-ave.

Gjithsesi, fitorja e Atleticos shërbeu si një “asist” për PSG-në. Kampionët e Europës triumfuan me rezultatin 0-2 përballë amerikanëve të Seattle Sounders, duke marrë kështu kreun e Grupit B, pasi verdikti i ndeshjeve direkte ra, me të treja skuadrat që mundën njëra-tjetrën dhe golavarazhi ishte ajo që shërbeu për të vendosur fatet e grupit.

Kështu PSG do të përballet në fazën e 1/16-ave me vendin e dytë të Grupit A, ndërsa Botafogo me fituesin e këtij grupi.

REZULTATET:

ATL. MADRID 1-0 BOTAFOGO

Griezmann 87’

SEATTLE SOUNDERS 0-2 PSG

Kvaratskhelia 35’, Hakimi 67’

Continue Reading

Sport

Llapi “blindon” yllin e skuadrës

Published

3 days ago

on

June 23, 2025

By

Continue Reading

Sport

Darwin Nunez jep sinjale pozitive për kalimin te Napoli

Published

3 days ago

on

June 23, 2025

By

Napoli ka marrë sinjale inkurajuese nga sulmuesi i Liverpoolit, Darwin Núñez, për një transferim të mundshëm gjatë këtij afati kalimtar.

Sipas Fabrizio Romano, lojtari nga Uruguaji i ka dhënë “dritën e gjelbër fillestare” klubit italian, pasi është bindur nga projekti sportiv i prezantuar nga trajneri i ri, Antonio Conte.

Núñez është i hapur për këtë lëvizje, por marrëveshja tani varet nga aspektet financiare. Liverpool kërkon një shumë të konsiderueshme për kartonin e tij, ndërsa edhe paga e lojtarit është një faktor kyç që mund të ndikojë në realizimin ose jo të transferimit.

Sulmuesi 25-vjeçar ka pasur një sezon me ulje-ngritje te Liverpooli, por potenciali i tij mbetet i lartë dhe ai shihet si një profil i përshtatshëm për futbollin italian dhe stilin e Contes.

Negociatat pritet të vazhdojnë në ditët në vijim, me zhvillime që mund të jenë vendimtare për fatin e këtij transferimi të madh të verës.

 

Continue Reading

Të kërkuara