Lajmet

Mes skandalit të korrupsionit, shefja e parlamentit të BE-së pritet të zbulojë disa reformat

Prokurorët belgë po hetojnë korrupsionin e dyshuar në PE, i cili dyshohet se u bë në përfitim të Katarit dhe Marokut.

Published

on

Presidentja e Parlamentit Evropian do të kërkojë të hënën të kapërcejë një skandal korrupsioni që ka tronditur legjislaturën, duke zbuluar zyrtarisht një sërë reformash për pastrimin e asamblesë shumëkombëshe.

Por shumë eurodeputetë dhe vëzhgues besojnë se ndryshimet që do të prezantohen nga Roberta Metsola nuk shkojnë aq larg sa të mund të rivendosin besueshmërinë në institucion.

Parlamenti ka qenë në qendër të një shqyrtimi intensiv që kur skandali u zbulua një muaj më parë me arrestimin e një prej 14 nënkryetarëve të Metsolas, pasi policia belge bastisi shtëpitë dhe zyrat e disa eurodeputetëve, ish-deputetëve, ndihmësve parlamentar dhe krerëve të OJQ-ve që punuan me ligjvënësit.

Prokurorët belgë po hetojnë korrupsionin e dyshuar në Parlamentin Evropian, i cili dyshohet se u bë në përfitim të Katarit dhe Marokut. Nga bastisjet e policisë u gjetën 1.5 milionë euro në para.

Katari ka mohuar të ketë ndonjë rol në ndonjë keqbërje në këtë rast. Maroku thotë se është objektiv i “sulmeve mediatike” të pajustifikuara lidhur me akuzat, përcjell UBT News.

Zëvendëspresidentja e arrestuar e Metsolas, Eva Kaili, një eurodeputete greke e cila që atëherë ka humbur atë post të lartë parlamentar, gjithashtu ka thënë përmes avokatit të saj se nuk dinte asgjë për paratë e gjetura në shtëpinë e saj.

Katër persona akuzohen në Belgjikë për “organizim kriminal, korrupsion dhe pastrim parash”. Greqia dhe Italia kanë nisur hetimet e tyre.

Metsola është zotuar të veprojë me shpejtësi për të “forcuar integritetin, pavarësinë dhe llogaridhënien” në parlament. Ajo ka thënë gjithashtu se skandali i korrupsionit tregoi se “demokracia evropiane është nën sulm”.

Të hënën, Metsola do të nisë seancën e parë plenare të parlamentit të vitit 2023 në Strasburg, në Francën lindore.

Këto masa ndër të tjera përfshijnë kufizimin e aksesit parlamentar për ish-deputetët; regjistrimin e individëve të jashtëm që lobojnë, takohen ose flasin në parlament; një regjistër publik i dhuratave dhe udhëtimeve të pranuara të deputetëve të PE; dhe dënimi për shkeljet.

Megjithatë, ekspertët ligjorë dhe disa eurodeputetë të lartë kanë shprehur skepticizëm se këta hapa janë të tepërt./UBTNews/

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

on

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

on

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

on

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

on

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara