Lajmet

Mes përplasjeve, konstituohet Komisioni Hetimor Parlamentar pas shtatë tentimeve

Puna do të vazhdojë nga sot (e enjte) në bazë të marrëveshjes që është bërë në kryesinë e Kuvendit.

Published

on

Komisioni Hetimor Parlamentar në lidhje me procedurat për furnizimin dhe menaxhimin me rezervat shtetërore është konsistuar sot në takimin e 8 të tyre, pas shtatë tentimeve. Puna do të vazhdojë nga sot (e enjte) në bazë të marrëveshjes që është bërë në kryesinë e Kuvendit, dhe mandati do të jetë për gjashtë muaj. Megjithatë, mbledhja nuk kaloi pa përplasje e tensione mes deputetëve.

“Sherr” i përplasjes mes deputetëve ishte kur deputeti Halil Thaçi nga VV-ja kërkoi qëndrimin e kryetarit të Komisionit, Rashit Qalaj, rreth deklaratave të tij që ka bërë për ministren Rozeta Hajdari për arrestimin e saj. Ai kërkoi që të deklarohet dhe një herë rreth tyre, pasi që Qalaj i kishte quajtur “hajna”, e për këtë arsye janë thirrur disa deputetë që të hetohen nga prokuroria, e sipas tij kjo është një gjë e papranueshme.

Thaçi i VV-së tha se arsyeja pse nuk ka marrë pjesë opozita është që nuk është bërë votimi i marrëveshjes ndërkombëtare. Ai iu bëri thirrje edhe pjesës tjetër të opozitës që të votojnë marrëveshje sepse ka të bëjë me të mirën e qytetarëve dhe nuk bie në domenin e vetëm një qeverie.

“Ne si grup parlamentar kemi pasur një qëndrim politik të ditur tashmë. Ne nuk kemi marrë pjesë në konstituimin e këtij komision parlamentar për arsye që nuk është bërë votimi i marrëveshjes ndërkombëtare. Pas reflektimit të një pjese të opozitës, ne kemi vendosur të jemi pjesë, edhe pse qëndrimet tona dihen publikisht rreth këtij komisioni hetimor parlamentar. Një komision hetimor e ka për detyrë që ta vë në lëvizje prokurorinë gjë e cila ka ndodhur në rastin të cilin po e hetojmë …01:25 I bëj thirrje edhe pjesës tjetër të opozitës të votojë marrëveshjen ndërkombëtare sepse ka të bëjë me të mirën e qytetarëve dhe nuk bie në domenin e vetëm një qeverie. 2:23 Komisioni hetimor i ka disa rregulla dhe nuk bën të publikohet apo të flitet diçka që ende nuk ke dëshmi. Ka këtu prej deputetëve që kanë bërë thirrje edhe për deputetë t’i hetojë prokuroria gjë e cila është e pa pranueshme për neve”, tha Thaçi.

Kryetari i komisionit tha se nuk qëndrojnë pretendimet e Thaçit. Në takimin e mbajtur të kryesisë, ata kanë shqyrtuar një letër që e kanë dërguar si pjesë e komisionit dhe kanë kërkuar që kryesia e kuvendit të vendoset më tutje.

“Së pari nuk qëndron ajo që po thua. Fillimisht në takimin e mbajtur të kryesisë , ata e kanë shqyrtuar një letër që i kemi dërguar ne si pjesë e komisionit dhe kemi kërkuar që kryesia e kuvendit të vendoset më tutje, është diskutuar çështja e letrës që kemi dërguar dhe nga deputeti i Lidhjes Demokratike që është kryetar i grupit parlamentar i është bërë e qartë të gjithëve aty, meqenëse ata janë propozues të formimit të këtij komisioni, që ata nuk do t’i votojnë marrëveshjen ndërkombëtare nëse ky komision nuk konsistohet dhe për rezultat të kësaj ne jemi sot këtu. Kemi të bëjmë me një detyrim që e ka marrë kryesia e Kuvendit”, u shpreh Qalaj.

Në anën tjetër, Doarsa Kica-Xhelili nga LDK tha se ky komision parlamentar nuk është për sedra personale të askujt, e nëse dikush e ndjenë si të tillë është për ta ngritur egon e tyre sepse kjo sipas saj nuk ka të bëjë me ta personalisht. Ajo shtoi se me këtë votë të kuorumit ata po ushqehen me narracion që do të pamundësojnë punën e komisionit më vonë nëse nuk e votojnë edhe planin e punës, dhe nëse nuk i caktojmë edhe datat për ftesa të anëtarëve prezent.

“Nuk mund të vijë në këtë nivel të diskutimit, ky komision hetimor parlamentar nuk është për sedra personale të askujt, e nëse dikush e ndjenjë si të tillë më vjen keq për domosdoshmërinë që e keni për ta ngritur egon e juaj sepse kjo s’ka të bëjë me ne personalisht. Unë ndjej që nuk ia vlen as me votu, e arsyeja që po e them këtë është që sikurse ligjet dhe rregullorja është shumë e qartë lidhur me kuorumin e domosdoshëm për këtë komision. Ky kuorum nuk është i domosdoshëm vetëm për konsituim, por për planin e punës, për mbledhje dhe për gjithçka tjetër, prandaj ajo që ne na duhet sot si qëndrim nga Lëvizja Vetëvendosje është, a duan që të zbardhen çështjet që ne i ngrisim karshi këtij komisioni apo jo, të ngritën dhe të zbardhen për publikun jo për njëri tjetrin. Me këtë votë të kuorumit ne po ushqehemi me narracion që ka me na pamundësua punën e komisionit më vonë nëse nuk e votojmë edhe planin e punës dhe nëse nuk i caktojmë edhe datat për ftesa të anëtarëve prezent”, shtoi ajo.

Ndërsa, Valentina Bunjaku nga LDK tha se kjo tashmë është personale, ndërsa LDK ka qenë pro dhe i ka votuar marrëveshjet ndërkombëtare. Ajo tha se kjo është vetëm një arsyetim për mosardhjen e opozitës në komision pasi që nuk kanë shkuar që të zbardhin të vërtetën duke ju thënë se “po bashkëpunoni me hajnat”.

“E para që nuk keni ardhë me marrë pjesë në konsotutim të këtij komisioni sipas juve ka qenë politikë mes juve, mes deputetëve që keni vendos, gjë që është e papranueshme si tezë sepse ju e keni votu në kuvend dhe e keni votu e gjithë mazhoranca për konstatimin e këtij komisioni, e tek marrëveshjet ndërkombëtare LDK gjithmonë ka qenë pro dhe i ka votuar marrëveshjet ndërkombëtare ato të cilat i ka vlerësuar që duhet votuar. E kjo e juaja është një arsyetim për mos ardhjen e juaj në komision, ju nuk keni ardhë në komision për të zbardhë të vërtetën, keni luftuar hajnat në opozitë e në pozitë po bashkëpunoni me hajnat”, vijoi Bunjaku.

Po ashtu Pal Lekaj nga AAK tha se AAK është dakorduar që të votojë marrëveshjet ndërkombëtare, por është shqetësuese që kolegët nuk janë në komision. Ai theksoi se ekziston një dyshim për rezervat shtetërore, e ky komision e ka mandatin që të informojë qytetarët të cilët janë taksapagues dhe e drejta duhet të dalë në sipërfaqe.

“Është e vërtetë që AAK është dakorduar që të votojë marrëveshjet ndërkombëtare, që ju të merrni pjesë në komisionet hetimore, por ajo që më shqetëson që kolegët nuk janë këtu, dhe duhet që marrëveshjet që i kemi pas t’i implementojmë ashtu siç jemi dakorduar. Është e vërtetë që ne kemi shfaqur dyshime për mos ardhjen e juaj. Ekziston një dyshim për rezervat shtetërore dhe ky komision mandatin e ka që të informojë qytetarët që janë taksapagues dhe drejta le të del në sipërfaqe”, theksoi Lekaj.

Pas votimit të rendit të ditës është caktuar takimi i radhës i komisionit hetimor për të hënën me 4 dhjetor në ora 10:00.

lajme

Marta Kos shpreh keqardhje për këngën nacionaliste serbe në Bruksel, fajëson muzikantët

Published

on

By

Komisionerja për Zgjerim, Marta Kos, ka shprehur keqardhjen për lëshimin e muzikës së këngës nacionaliste serbe gjatë koncertit të organizuar në prag të “Forumit të Zgjerimit” në Bruksel, duke ua lënë fajin muzikantëve për përzgjedhjen e melodisë.

Kos ka theksuar se kjo këngë nuk pasqyron në asnjë mënyrë qëndrimet e Komisionit Evropian dhe se institucionet evropiane janë të vetëdijshme për sakrificat e njerëzve në atë rajon në të kaluarën.

“Shpreh keqardhje për përzgjedhjen e këngës nga ana e muzikantëve. Kjo këngë në asnjë mënyrë nuk paraqet qëndrimet e Komisionit Evropian”, ka deklaruar Kos.

Duke folur më tej për nevojën e pajtimit rajonal pa e harruar të kaluarën, komisionerja shtoi se synohet ndërtimi i një Evrope ku dallimet nuk e pengojnë zhvillimin.

“Nuk po kërkojmë të harrohen dallimet, por po ndërtojmë një Evropë ku dallimet nuk do të jenë arsye për të penguar të ardhmen”, ka thënë ajo.

Ndërkohë, lidhur me vërejtjen e KOHËS se pse për të dytën herë me radhë askush nga Kosova nuk është ftuar në këtë ngjarje të rëndësishme, Kos e ka kundërshtuar këtë, duke thënë se “ky konstatim nuk është i vërtetë” dhe ka përmendur se si pjesëmarrëse është ftuar Donika Emini nga shoqëria civile. /KOHA/

Continue Reading

Aktualitet

Qeveria e Kosovës ndalon tregtimin e energjisë elektrike me kompanitë serbe

Published

on

By

Qeveria e Kosovës ka vendosur të ndalojë tregtimin e energjisë elektrike me kompanitë serbe. Në mbledhjen e mbajtur të hënën, kryeministri Albin Kurti ka deklaruar se ky vendim vjen si kundërmasë ndaj Serbisë, e cila prej gjashtë vjetësh po bllokon linjat ndërkufitare për tregtim.

Ndalimi përfshin blerjen, shitjen, importin dhe eksportin e energjisë elektrike, qoftë drejtpërdrejt, qoftë përmes transitit ose rishitjes në një apo më shumë shtete të treta.

“Së pari do të ndalojmë tregtimin e energjisë elektrike me kompanitë serbe si masë e parë ndaj Serbisë për bllokimin e linjave ndërkufitare për tregtim, e cila mund të përshkallëzohet në të ardhmen nëse nuk ka reflektim”, ka theksuar Kurti.

Për t’u përballur me vështirësitë e krijuara si pasojë e veprimeve të Serbisë, ai ka bërë të ditur se do të obligohet Korporata Energjetike e Kosovës (KEK) që të sigurojë një sasi të kapaciteteve ndërkufitare për muajin dhjetor, ndërsa do të vendosen edhe masa emergjente në sektorin e energjisë, të cilat përfshijnë obligimin e ndërmarrjes “Ibër-Lepenci” për ta shitur energjinë e shërbimit publik.

Sipas kryeministrit, në muajin dhjetor bëhen gjashtë vjet prej kur Kosova ka fituar pavarësinë energjetike, dhe që nga ajo kohë Serbia po bllokon alokimin komercial dhe tregtimin në linjat ndërkufitare me Kosovën, duke shkaktuar dëme financiare dhe duke rrezikuar furnizimin me energji.

“Bllokimi i linjave nga ana e Serbisë nuk na pengon sepse duam të blejmë energji nga Serbia, por ajo pamundëson shfrytëzimin e kësaj infrastrukture kritike për të sjellë energjinë transit nga Serbia”, është shprehur Kurti. /E.A/

Continue Reading

lajme

Zelensky u bën thirrje SHBA-së dhe Muskut t’i heqin kufizimet e Starlinkut dhe të jenë në “anën e duhur të historisë”

Published

on

By

Presidenti i Ukrainës, Volodymyr Zelensky, ka deklaruar se një shërbim jetik amerikan i internetit satelitor po funksionon ende shumë ngadalë, duke ndikuar në aftësinë e Ukrainës për t’i ndalur sulmet ruse.“Po llogarisim që këto kufizime të hiqen. Mbrojtja e jetëve dhe e infrastrukturës energjetike të Ukrainës para dimrit varet drejtpërdrejt nga kjo”, ka thënë ai.

Çështja e shpejtësisë së sistemit Starshield – një shërbim i nivelit ushtarak i zhvilluar nga kompania Starlink e Elon Muskut dhe i ofruar për Ukrainën nga qeveria amerikane – po zgjat prej javësh. Zelensky ka bërë të ditur se u ka kërkuar zyrtarëve “të punojnë sa më ngushtë që të jetë e mundur” me qeverinë amerikane dhe kompaninë e Muskut. “Është e rëndësishme të jesh në anën e duhur të historisë”, ka theksuar ai. BBC-ja ka kërkuar koment nga Shtëpia e Bardhë dhe Starlinku lidhur me këtë çështje.

Ukraina e përdor shërbimin e zakonshëm Starlink për komunikime në fushëbetejë, ndërsa Starshieldi shërben për kapjen e raketave dhe dronëve në hapësirën ajrore të vendit. Kufizimet e shpejtësisë u vunë re për herë të parë në muajin tetor, duke shkaktuar deklarata kundërthënëse mes Elon Muskut dhe presidentit amerikan, Donald Trump. Musku pati deklaruar se përgjegjëse ishte qeveria e SHBA-së pasi sistemi kontrollohet prej saj, mirëpo Trumpi e mohoi këtë, duke thënë se i kishte kërkuar pronarit miliarder ta “rikthente” shërbimin. Edhe pse pas një jave u duk se gjendja po kthehej në normalitet, Ukraina njoftoi se kufizimet po vazhdonin të zbatoheshin.

Problemet me lidhjen përkuan me një përplasje të tensionuar diplomatike mes Zelenskyt dhe Trumpit rreth sulmeve ukrainase ndaj infrastrukturës së naftës brenda Rusisë. Trumpi ka thënë se sulmet ndaj rafinerive ruse të naftës – të cilat Kievi i konsideron vendimtare për t’ia prerë Moskës burimin kryesor të të ardhurave për luftën – kanë shkaktuar rritje të çmimeve globale.

Të dielën, Zelensky deklaroi se Ukraina po has vështirësi në kapjen e dronëve rusë me motor reaktiv që po godasin nënstacionet elektrike, sepse “kufizimet në shpejtësinë e funksionimit të terminaleve Starshield përgjatë vijës së frontit dhe në territoret e pushtuara përkohësisht janë ende aty”.

“Dronët tanë kapës humbasin lidhjen me operatorët e tyre në shpejtësinë 161 km/orë (100 milje në orë) dhe thjesht nuk mund t’i arrijnë ‘shahedët’ rusë me motor reaktiv”, ka shkruar ai, duke iu referuar dronëve të dizajnuar sipas modelit iranian. Më herët, të premten, ai kishte bërë të ditur se kufizimet prej rreth 100 miljesh në orë ishin vendosur që nga e hëna, por vetëm në zonat e pushtuara nga Rusia dhe jo në të gjithë Ukrainën.

“Kjo tashmë ka implikime politike. Nëse vendosni kufizime atje, ju tashmë po i njihni pjesërisht territoret e pushtuara përkohësisht si jo tonat”, ka cituar New York Times fjalët e tij.

Përveç kësaj, Ukraina po përballet edhe me mungesë të sistemeve mbrojtëse amerikane Patriot që përdoren kundër raketave ruse – një situatë që Rusia e ka shfrytëzuar për t’i intensifikuar sulmet. Gjatë natës dhe mëngjesit të së dielës, forcat ruse goditën infrastrukturën energjetike në Zaporizhzhia, si dhe në rajonet Sumy, Odesa, Zhytomyr e Kirovohrad, ndërsa sulmuan edhe infrastrukturën hekurudhore në rajonet Dnipro, Kharkiv dhe Zaporizhzhia. Dhjetëra persona raportohet se janë lënduar në këto sulme, përfshirë dy në rajonet Donetsk dhe Kiev. Në Mena të rajonit Chernihiv u vranë dy persona nga goditja e një objekti infrastrukturor, bëri të ditur guvernatori Vyacheslav Chaus, duke shtuar në Telegram se sulme të shumta u kryen edhe ndaj objekteve energjetike në mbarë rajonin.

Ndërkohë, ushtria ukrainase njoftoi se ka goditur një uzinë petrokimike dhe një rafineri nafte në qytetin qendror rus Nizhnekamsk. “Natën e 15 nëntorit, njësitë e Forcave të Mbrojtjes të Ukrainës arritën në Nizhnekamsk të Tatarstanit. Dy ndërmarrje që e furnizojnë luftën ruse me lëndë të parë dhe karburant u vunë në shënjestër”, thuhet në njoftimin e ushtrisë në Telegram. Sulme të tjera ukrainase vranë një person në qytetin portual industrial Taganrog pranë kufirit, njoftoi guvernatori rajonal Yuri Slyusar, ndërsa në rajonin e pushtuar të Luhanskut mbetën të vrarë një shofer kamioni dhe një grua e moshuar, sipas liderit rajonal të emëruar nga Moska, Leonid Pasechnik.

Në një zhvillim tjetër, Estonia ka njoftuar se do t’i mbyllë pikat e kalimit kufitar me Rusinë nga 1 dhjetori, pas një sulmi të dyshuar sabotazhi ndaj një kompanie të mbrojtjes. Tetë persona janë ndaluar lidhur me një tentativë zjarrvënieje ndaj prodhuesit të dronëve “Threod Systems”. Autoritetet estoneze thonë se ata ishin urdhëruar nga shërbimi i inteligjencës ushtarake ruse GRU për ta kryer sulmin, ndërsa Rusia nuk ka komentuar.

“Rusia duhet ta kuptojë se veprimet armiqësore kundër Estonisë sjellin pasoja”, ka deklaruar ministri i Jashtëm estonez, Margus Tsahkna. /BBC/

 

Continue Reading

Lajmet

Terras kritikon BE-në për këngën nacionaliste serbe: Provokim i qëllimshëm ose injorancë e pastër

Published

on

By

Raportuesi për Kosovën në Parlamentin Evropian, Riho Terras, ka kritikuar ashpër Bashkimin Evropian lidhur me interpretimin e muzikës së këngës nacionaliste serbe kundër Kosovës në Bruksel, gjatë hapjes së Forumit të Zgjerimit të BE-së, i cili organizohet nga Komisioni Evropian nën udhëheqjen e komisioneres për zgjerim, Marta Kos.

Terras e ka cilësuar këtë veprim si një provokim të qëllimshëm ose injorancë të pastër, duke theksuar se Komisioni Evropian dhe komisionerja Kos i detyrohen Kosovës një shpjegim.

“Një provokim i qëllimshëm, ose një shfaqje e pastër e injorancës. Interpretimi i një kënge nacionaliste serbe, e cila pretendon sovranitet mbi Kosovën, në një aktivitet të BE-së për zgjerimin, përbën një gafë jashtëzakonisht të papërshtatshme dhe pa shije. Komisioni Evropian dhe Marta Kos i kanë borxh Kosovës një shpjegim”, ka shkruar ai në platformën “X”.

Edicioni i dytë i këtij Forumi ka nisur sot dhe përfundon të hënën, ndërsa Kosova nuk është e ftuar në të. Një ditë para ngjarjes kryesore, në kuadër të mbrëmjes hapëse më 15 nëntor, ku sipas programit ishte paraparë të interpretonte Orkestra e të Rinjve të Ballkanit Perëndimor së bashku me grupin slloven “Kapobanda”, u luajt ndër të tjera edhe muzika e këngës nacionaliste serbe “Oj Kosovo, Kosovo”, videoja e së cilës është siguruar nga KOHA.

Ndërkohë, në programin e ditës kryesore, më 16 nëntor, është paraparë të mbajnë fjalime presidentja e Komisionit Evropian, Ursula von der Leyen, presidenti i Finlandës, Alexander Stubb, dhe komisionerja për zgjerim, Marta Kos, ndërsa pritet të flasë edhe kryeministri i Shqipërisë, Edi Rama. /E.A/

Continue Reading

Të kërkuara