Aktualitet

Merret vendimi për dy kosovarët që akuzoheshin për përvetësimin e 200 mijë frangave nga një i vdekur në Zvicër

Published

4 years ago

on

Prokuroria e Qarkut e Toggenburgut (St. Gallen) kishte akuzouar vëllain dhe motrën se kanë “devijuar” shuma parash nga llogaria bankare e një biznesmeni i cili tashmë ka ndërruar jetë, shkruan Tagblatt.ch. Kështu, Gjykata e Qarkut, e Toggenburgut, e kishte shpallur shtetasin kosovar 42-vjeçar fajtor për keqpërdorim masiv të  sistemit të përpunimit të të dhënave.

Ai qe dënuar gjithashtu për fshehjen e një automjeti nga autoritetet e falimentimit dhe për vozitjes shumë shpejt në një zonë ku nuk lejohet shpejtësia mbi 30 kilometra në orë.

Për të gjitha këto ai qe dënuar nga Gjykata e Qarkut me burgim me kusht prej 18 muajsh dhe me gjobë, po ashtu me kusht, prej 40 njësive ditore nga 70 franga.

Motra e tij ishte dënuar nga Gjykata e Qarkut, si ndihmëse e tij në abuzimin komercial të sistemit të përpunimit të të dhënave dhe pastrimit të parave.

Gjykata i kishte shqiptuar 36 vjeçares me shtetësi zvicerane, një gjobë me kusht prej 25 njësish ditore nga 70 franga. Të dytë ishin të detyruar që bashkërisht t’i paguanin pak më shumë se 200.000 franga  trashëgimtarëve të të ndjerit.

Por, ata nuk e kanë pranuar gjykimin e gjykatës më të ulët prandaj janë ankuar në Gjykatën Kantonale kundër pretendimeve për përvetësim.

Konkretisht, vëllai kishte punuar gjatë periudhës 2014-2015 për të ndjerin, i cili kishte në pronësi disa shtëpi. Sipas tij, ai nuk kishte kontratë pune dhe nuk merrte paga nga i përmenduri por, nga ana tjetër, atij i takonte një provizion për detyrat administrative.

I akuzuari ka dëshmuar se ai, transferimet përkatëse i kishte bërë  në internet, me pëlqimin e shefit të tij. I përmenduri ishte gjithmonë i pranishëm kur ky bënte pagesat.

Paratë kanë shkuar në një llogari që motra i kishte vënë në dispozicion vëllait të saj me kërkesën e tij., përcjell albinfo.ch. Përndryshe ajo nuk kishte asnjë lidhje me transaksionet e pagesave, ka theksuar gruaja.

Në atë kohë i ndjeri tashmë vuante nga demenca pastaj ka vdekur në vitin 2015.

Në seancën e apelit, Gjykata Kantonale e St.Gallenit ka pyetur edhe një dëshmitare e cila kishte punuar gjithashtu për biznesmenin në kohën në fjalë. Ajo kishte qenë gjithashtu e ngarkuar për kontrollimin e faturave të qirasë dhe korrespondencës me qiramarrësit, transmeton albinfo.ch.

Dëshmitarja kishte një punë me kohë të pjesshme, pa kontratë pune. Për këtë kishte marrë 1,000 franga në muaj, është shprehur ajo, e pyetur nga kryetari i trupit gjykues.

I akuzuari kishte shoqëruar shefin pothuajse kudo, është shprehur ajo. Ai ishte në një mënyrë, dora e tij e djathtë. Me aq sa ajo mund të tregonte, të gjitha pagesat bëheshin gjithmonë në prani të biznesmenit. I akuzuari i bënte ato në kompjuter ndërsa shefi qëndronte ulur pranë tij.

Gjykata Kantonale e St.Gallen ka  bërë të ditur gjykimin e saj me shkrim. Ajo ka prishur vendimin e Gjykatës së Qarkut Toggenburg dhe ka shpallur të pafajshëm vëllain për akuzën e përvetësimit.

Ndërsa për automjetin e padeklaruar para autoriteteve të falimentimit dhe për tejkalimin e shpejtësisë ai ka marrë një gjobë me kusht prej 45 njësish ditore prej 30 frangash. Motra, nga ana tjetër është shpallur plotësisht e pafajshme.

Gjykata Kantonale ka hedhur poshtë po ashtu edhe pretendimet civile të trashëgimtarëve, përcjell albinfo.ch. Kostoja e hetimeve dhe procedurave gjyqësore, si dhe mbrojtja zyrtare dhe private e vëllezërve dhe motrave, kryesisht do të mbulohen nga shteti. Bëhet fjalë për dhjetëra mijëra franga.

Related Topics:
Continue Reading

Aktualitet

UBT hap thirrjen për punime shkencore në Konferencën Ndërkombëtare MBE 2025

Published

8 hours ago

on

October 1, 2025

By

UBT ka kënaqësinë t’ju ftojë të merrni pjesë në Konferencën Ndërkombëtare mbi Menaxhimin, Biznesin dhe Ekonominë (MBE) 2025, pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion.

Kjo konferencë ndërkombëtare, e rishikuar nga ekspertë (peer-reviewed), mirëpret punime nga studiues, akademikë, studentë pasuniversitarë, kandidatë për doktoraturë, hulumtues të rinj dhe profesionistë të industrisë. Qëllimi kryesor është të promovojë shkëmbimin e njohurive, ideve dhe përvojave inovative në fushat e Menaxhimit, Biznesit dhe Ekonomisë.

Programi i konferencës përfshin:

  • Sesione prezantimi të punimeve shkencore,
  • Diskutime paneli me akademikë dhe ekspertë të njohur ndërkombëtarisht,
  • Ngjarje sociale për mundësi rrjetëzimi dhe bashkëpunimi.

Temat kryesore të këtij viti përfshijnë:

  • Ekonomia dhe Financa Ndërkombëtare – Analiza e tregjeve globale, politika ekonomike, investimet ndërkombëtare.
  • Sipërmarrësi dhe Inovacioni – Strategji për ndërmarrësi të suksesshme, zhvillimi i produkteve dhe shërbimeve inovative.
  • Informatika e Biznesit dhe Marketingu Digjital – Teknologjitë digjitale, transformimi i biznesit, marketingu në epokën digjitale.
  • Zhvillimi i Qëndrueshëm dhe Objektivat Globale – Praktikat e qëndrueshme, ndikimi social dhe ekonomiko-mjedisor i aktiviteteve të biznesit.

Afatet e rëndësishme:

Dorëzimi i abstrakteve dhe punimeve: elektronikisht në [email protected]

Continue Reading

Aktualitet

Qelaj: Partneriteti me aleatët i nevojshëm për fuqizimin e të drejtave të njeriut

Published

11 hours ago

on

October 1, 2025

By

Për nder të përvjetorit të 25-të të themelimit të institucionit të Avokatit të Popullit u organizua një takim me partnerët ndërkombëtarë nga vetë avokati i popullit.

Avokati i Popullit, Naim Qelaj, shprehu nevojën që partneriteti me aleatët të fuqizohet dhe të vazhdojë edhe më tej në drejtim të respektimit të të drejtave të njeriut.

Ai përmendi edhe sfidat që kohëve të fundit janë përballur, ndër të tjera edhe me mungesën e konstituimit të Kuvendit të Kosovës.

Pjesë e kësaj tryeze ishte edhe shefi i Zyrës së Bashkimit Evropian në Kosovë, Aivo Orav, i cili tha se institucioni i Avokati të Popullit shënon arritje të mëdha në drejtim të respektimit të drejtave të njeriut dhe barazinë në Kosovë.

“Ruajtja e pavarësisë së këtij institucioni do të thotë rritje e besimit publik”, tha Orav./S.K/KP/

 

Continue Reading

Aktualitet

Arrestohen dy persona të dyshuar për posedim të armës dhe deklarim të rremë

Published

11 hours ago

on

October 1, 2025

By

Policia e Kosovës njofton se dje në Pejë ka ndaluar dy persona tё dyshuar dhe ka arrestuar derisa ishte nё pikё kontrolli në rrugën “Maja e zezё-Peklenё’.

Ata njoftuan se gjatё kontrollit fizik tek njёri nga personat e dyshuar ёshtё gjetur dhe është sekuestruar: njё armё pistoletё, njё karikator i armёs, katёr fishekё

Sipas Policisë, gjatё intervistimit i dyshuari ёshtё prezantuar rrejshëm me identitet tjetёr, pastaj ёshtё verifikuar dhe vërtetuar nga hetuesit dhe i njëjti ka deklaruar rrejshёm.

“Pas intervistimit të personave tё dyshuar me urdhёr tё prokurorit tё Shtetit tё dyshuarit janё ndaluar pёr 48 orё”, thuhet në njoftim./S.K/KP/

Continue Reading

Aktualitet

28 vjet nga protestat studentore në Prishtinë

Published

16 hours ago

on

October 1, 2025

By

Sot mbushen 28 vjet nga protestat e Lëvizjes Studentore të 1 tetorit 1997, koha kur studentët e Universitetit Paralel asokohe të Prishtinës, protestuan për të drejtat e tyre, dhe për të drejtat e njeriut kosovar në Kosovën e atëhershme.

Ishte Lëvizja Studentore e atëhershme që organizoi protestat, të cilat u organizuan për të kundërshtuar pushtimin e Kosovës nga Serbia dhe kthimin e studentëve në objektet universitare, nga ku studentët ishin dëbuar nga regjimi i kasapit Slobodan Millosheviq në fillim të viteve të 90-ta.

Lëvizja Studentore e 1997 e drejtuar nga Bujar Dugolli, Milot Cakaj, Muhamet Mavraj, Driton Lajçi, Hajrullah Koliqi, Fetah Jagxhiu, Ahmet Gecaj dhe Albin Kurti, e përkrahur dhe nga rektori i Universitetit të Prishtinës, Ejup Statovci, si dhe nga disa profesorë, i pati dhënë fund politikës paqësore të popullit shqiptar ndaj regjimit serb.

Përpos masave të dhunshme që regjimi kishte vendosur vite më parë në universitet, dëboi studentë e profesorë nga universiteti dhe imponoi plan-programin serb për mësim.

Këto protesta konsiderohen si një ndër aktet më të rëndësishme të asaj kohe, mirëpo të shpërndarë protestën paqësore, policia serbe përdori dhunë ndaj studentëve dhe profesorëve. /S.K/KP/KultPlus/

Continue Reading

Të kërkuara