Ish-futbollisti i Serie A, Daniele Adani, ka lëshuar kritika të ashpra ndaj reprezentuesit të Kosovës, Edon Zhegrova, duke vënë në dyshim nivelin e tij për të luajtur te Juventusi.

Në një deklaratë për “Rai Sport”, Adani ka vlerësuar se Zhegrova nuk i përmbush kërkesat e klubit italian dhe se do të ishte më i përshtatshëm për një skuadër të mesit të tabelës.

“Edon Zhegrova nuk është lojtar i nivelit të Juventusit. Ai duhet të luajë për një skuadër që lufton për mesin e tabelës, sepse luan vetëm 30 minuta për ndeshje”, është shprehur Adani.

Deklarata e tij vjen si një kritikë e drejtpërdrejtë ndaj aftësisë së sulmuesit kosovar për t’u përshtatur me kërkesat e Juventusit.

D.L

Sulmuesi i Real Madridit, Vinicius Junior, është përfshirë në një incident pas përfundimit të ndeshjes së fundit, ku dyshohet se ka shtyrë një zyrtar të La Liga-s në tunelin që çon drejt dhomave të zhveshjes.

Sipas gazetarit Marcos Benito të emisionit sportiv “El Chiringuito TV”, ngjarja ka ndodhur derisa braziliani po largohej nga fusha.

Pas incidentit, Vinicius ka marrë përgjegjësinë për veprimet e tij, duke kërkuar falje para bashkëlojtarëve dhe stafit teknik të Real Madridit.

“Vinicius kërkoi falje në dhomat e zhveshjes dhe i shpjegoi veprimet e tij”, ka deklaruar gazetari Marcos Benito.

Ndërkohë, mbetet e paqartë nëse sulmuesi brazilian do të përballet me një suspendim prej dy ndeshjesh, që mund ta lërë jashtë përballjeve ndaj Sevillas dhe Barcelonës.

D.L

Hajduku i Splitit, ku aktivizohet mbrojtësi i Kosovës, Ron Raçi, është renditur në pozitën e shtatë mes 32 skuadrave evropiane në një statistikë të veçantë mbrojtëse, duke lënë pas edhe gjigantët spanjollë, Real Madridin dhe Barcelonën.

Sipas të dhënave të Observatorit të Futbollit CIES, Hajduku është ndër skuadrat që u lejon më së paku mundësi kundërshtarëve për të rrezikuar portën.

Skuadra kroate lejon mesatarisht vetëm 6.5 gjuajtje drejt portës për ndeshje, ndërsa vetëm Bayern Munichu dhe pesë klube të tjera kanë regjistruar statistika më të mira.

Mbrojtësi kosovar, Ron Raçi, ka zhvilluar 10 paraqitje këtë edicion me Hajdukun, duke realizuar edhe një gol. Ndërkohë, me Përfaqësuesen e Kosovës numëron pesë paraqitje.

Pjesë e Hajdukut janë edhe dy futbollistët e tjerë kosovarë, Etnik Brruti dhe Adrion Pajaziti.

D.L

Sulmuesi i Përfaqësueses së Kosovës, Vedat Muriqi, po kalon një fillim të shkëlqyeshëm te Fenerbahçe, duke dëshmuar vlerën e tij me paraqitjet në fushë.

Sipas mediumit turk “Sabah”, futbollisti 32-vjeçar ka kontribuar në tetë gola këtë sezon, me shtatë realizime dhe një asistim, ndonëse ka munguar në tri ndeshje për shkak të një lëndimi.

Muriqi është rikthyer te skuadra turke pas gjashtë vitesh, ndërsa investimi prej 15.5 milionë eurosh duket se po shpërblehet me paraqitjet e tij në repartin ofensiv.

Sulmuesi kosovar ka lënë pas edhe disa emra të njohur të futbollit evropian, të cilët ishin konsideruar si kandidatë për përforcimin e sulmit të klubit turk në fillim të sezonit.

Me formën e treguar, Muriqi po dëshmon se është një nga lojtarët kryesorë të Fenerbahçes, duke dhënë kontribut të rëndësishëm në sukseset e skuadrës.

D.L