Lajmet

Mehaj: Shërbimi i detyrueshëm ushtarak vetëm në koordinim me SHBA-në

Mehaj tha se momentalisht janë të fokusuar për një ushtri profesionale.

Published

4 years ago

on

Ministri i Mbrojtjes Armend Mehaj, deklaroi sot se shërbimi ushtarak i detyrueshëm do të bëhet vetëm në koordinim me Shtetet e Bashkuara të Amerikës, derisa shtoi se Kosova mbetet e palëkundur në rrugën e saj drejt anëtarësimit në NATO.

Duke folur për avancimin e Ushtrisë të Kosovës, Mehaj tha se treni po ecën dhe nuk ka të ndalur.

Mehaj këto komente i bëri para deputetëve të Komisionit për Punë të Jashtme dhe Diasporë, ku raportoi lidhur me anëtarësimin e Kosovës në NATO.

Ai bëri të ditur se Ministria që ai e udhëheq deri më tash ka nënshkruar 15 marrëveshje të bashkëpunimit, dhe tri marrëveshje SOFA.

Sa i përket obligimit ushtarak, Mehaj tha se momentalisht janë të fokusuar për një ushtri profesionale.

“Sa i përket ushtrisë së detyrueshme, unë besoj që kjo është ëndërr e çdo qytetari të Republikës të Kosovës, që ta ketë një ushtri të mirëfilltë. Përkohësisht plani është i hartuar për ushtri profesionale, por ne jemi edhe në koordinim e sipër me partnerë e shtete të tjera, për të parë se në çfarë faza mundet ushtria e detyrueshme të futet në obligim në të ardhmen. Por, këtu duhet marrë plane konkrete, siç janë shtetet baltike… Kështu që jemi në koordinim e sipër këtu, por më e rëndësishmja është që në çdo veprim që marrë, unë e koordinoj bashkë me SHBA-në që të jetë në benefit të Kosovës dhe Ushtrisë të Kosovës”, tha Mehaj.

Ministri i Mbrojtjes tha se është i përkushtuar maksimalisht në avancimin e ushtrisë.

“Unë jam përkushtuar 200 për qind për ushtrinë e Kosovës dhe Ministrinë e Mbrojtjes, kështu aktivitetet s’kanë të ndalur. Ju po e shihni prej ditës të parë deri më sot nuk kemi të ndalur. Treni është duke ecur, nuk do të ndalet. Kështu që u them të gjithëve: ‘mbështetnani sepse jemi të pandalshëm, të pakthyeshëm’… Vërtet është nga pala e Bosnjës një pengesë, por do ta diskutojmë më hapur pasi që të është mundësia [pa media]”, tha ai.

Ministri Mehaj foli edhe për bashkëpunimin ndërkombëtar të Kosovës me partnerë të NATO-s, për çka tha se është i shkëlqyeshëm.

“Pjesëmarrja në forume ndërkombëtare ka qëllime të shumëfishta. Përveç vizitës si ministër i Mbrojtjes, shërbejnë edhe në thellimin e bashkëpunimit bilateral. Po ashtu e shfrytëzoj edhe për qëllime të dërgimit të mesazheve të promovimit të vullnetit, përkushtimit të Kosovës në procesin e integrimit në organizata ndërkombëtare. Po ashtu, i shfrytëzoj vizitat për t’iu bërë thirrje shteteve që të mbështesin dhe të ndihmojnë Kosovën në organizata ndërkombëtare dhe të ndikojnë në shtete që të bëjnë të njëjtën… Për momentin, Ministria e Mbrojtjes ka të nënshkruara 15 memorandume të bashkëpunimit dhe tri marrëveshje SOFA. Sofa me Shqipërinë, Kuvajtin dhe SOFA me Maqedoninë e Veriut, kurse jemi në proces të nënshkrimit me Poloninë dhe Kroacinë”, tha ai.

Për ushtrimet stërvitore të FSK-së me shtetet e tjera, posaçërisht me Shtetet e Bashkuara të Amerikës, ministri Mehaj tha se synojnë që përmes tyre të përgatiten për kërcënime eventuale.

Sipas tij, rrugën e Kosovës për anëtarësim në organizata ndërkombëtare e ndihmon edhe marrëveshja për dërgimin e pjesëtarëve të FSK-së jashtë vendit.

Sa i përket rekrutimit të kadetëve të ri, Mehaj bëri të ditur se për tri ditë kanë pranuar mbi 1 mijë aplikime. Derisa theksoi se do të vazhdojnë me shkollimin e tyre brenda dhe jashtë Kosovës.

Pas kësaj, mbledhja e Komisionit për Punë të Jashtme dhe Diasporë ka vazhduar të mbahet pa praninë e mediave.

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

1 hour ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

2 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

4 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

4 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara