Lajmet

Mehaj: ShBA po shqyrton propozimin e Kosovës për krijimin e bazës së përhershme ushtarake

Mehaj tha se nuk dihet për vendin ku do të krijohet baza ushtarake.

Published

4 years ago

October 21, 2021

Betim Gashi

Pas vizitës disa ditore në Shtetet e Bashkuara të Amerikës (ShBA), ministri i Mbrojtjes, Armend Mehaj ka njoftuar se ka zhvilluar takime të rëndësishme me autoritete të larta të vendimmarrjes dhe politikë-bërjes amerikane. Armend Mehaj ka deklaruar se Departamenti Amerikan i Mbrojtjes ka konfirmuar përkrahjen për Kosovën, si partnere dhe eksportuese e paqes në nivelin global.

Kështu u shpreh ai pas vizitës së parë me Shtetet e Bashkuara të Amerikës. Kosova ka ofruar mundësinë që të krijohet një bazë të përhershme ushtarake amerikane në vend. Ky propozim është dhënë nga ministri i Mbrojtjes, Armend Mehaj, i cili në Pentagon zhvilloi takim me nënsekretarin e Departamentit amerikan të Mbrojtjes, Colin Kahl.

Ministri Mehaj deklaroi se kjo po shqyrtohet nga ShBA-të dhe se nuk dihet për vendin ku do të krijohet baza ushtarake.

“Ofertën ne e kemi ofruar jo vetëm si ministër i Mbrojtjes, por kam qenë në koordinim me pjesët tjera të qeverisë dhe presidencës. Kjo ofertë është nga ana jonë. Atë ofertë përballë Shteteve të Bashkuara të Amerikës, ata do e shqyrtojnë ofertën dhe do të kemi diskutime më të afërta[…]Ne jemi në koordinim e sipër këtu, kur të kemi informata më të thella nga dy palët do të ju informojmë”, ka deklaruar ai.

Mehaj ka treguar edhe nëse Forca e Sigurisë së Kosovës do të shtrihet në pjesën veriore pa kërkuar leje nga NATO.

“Kemi diskutuar sa i përket sa i përket çështjes gjeopolitike të veriut. Por, siç e dini ju operacionet kohën e fundit që janë zhvilluar janë nga Ministria e Punëve të Brendshme, këtu i ka kryer operacionet policia. Çështja e veriut është një çështje që na përket krejt shtetit. Në të ardhmen ne jemi në diskutime me palën e NATO-s se qysh do t’i përmbahemi, por ne e kemi një marrëveshje që duhet t’i përmbahemi dhe këtu jemi në koordinim edhe me NATO-n edhe me ShBA-të, por edhe me aleatët tanë”, ka theksuar Mehaj para gazetarëve.

Pas vizitës në Shtetet e Bashkuara të Amerikës, Mehaj në konferencë para mediave, ka thënë se kjo është vizita e parë e ministrit të Kosovës në këtë vend.Ai tha se është pritur dhe ka zhvilluar takime përmbajtësore me autoritetet më të larta të vendimmarrjes dhe politikë-bërjes amerikane. Ai ka theksuar se është konfirmuar përkrahja për Kosovën nga Departamenti Amerikan i Mbrojtjes.

“Me kënaqësi mund të ju informoj se Departamenti Amerikan i Mbrojtjes, na konfirmoi fuqishëm përkrahjen për Kosovën, si partnere dhe eksportuese e paqes në nivelin global. Si dëshmi që potencuan vazhdimisht, ishin: bashkë- zbarkimi në misionin paqeruajtës përkrah ushtrisë amerikane, stërvitja e forcave amerikane me aleatë, siç e kemi pasur“ Defender-Europe 21”, që ka marrë pjesë me 330 pjesëtarë”, ka deklaruar Mehaj.

Dëshmi tjetër, siç tha Mehaj, është edhe mbështetja në operacionin humanitar për akomodimin e refugjatëve afganë, në kuadër të operacionit të NATO-s, të udhëhequr nga ShBA.

Forca e Sigurisë së Kosovës ka hapur konkursin për rekrutimin e mbi 800 pjesëtarëve të Ushtrisë së Kosovës.

“Sot zyrtarisht shpallim të hapur konkursin për pranimin e 840 ushtarëve të rinj në FSK. Ky është konkursi për pranimin e numrit më të madh të ushtarëve në FSK deri më tani. Njoftoj të gjithë të rinjtë e të rejat e vendit tonë, të të gjitha komuniteteve pa dallim, që dëshirojnë të jenë pjesëtarë të FSK-së, që të na bashkohen për shërbim ndaj vendit dhe atdheut. Ministria e Mbrojtjes, të gjithë të interesuarve, ju garanton proces të drejtë dhe transparentë. Do të zbatohen plotësisht procedurat dhe kriteret ku do të zgjidhen ‘Më të mirët prej më të mirëve’, ka njoftuar ai.

Ministri i Mbrojtjes, Armend Mehaj ka njoftuar se janë dakorduar për veprime konkrete për mbështetje për anëtarësim në Kartën e Adriatikut –SHBA (A5) dhe programin e Partneritetit për Paqe, avancimin e bashkëpunimit në fushën e mbrojtjes kibernetike dhe rritjen e pjesëmarrjes në ushtrime dhe misione të përbashkëta ndërmjet Ushtrisë Amerikane dhe FSK-së.

Lajmet

Ditë e natë në terren, forcat e NATO-s dërgojnë mesazh stabiliteti

Published

8 hours ago

December 16, 2025

UBTnews

Ushtarët gjermanë të caktuar në Komandën Rajonale-Lindje (RC-E) të misionit të KFOR-it, të udhëhequr nga NATO, po vazhdojnë patrullimet e tyre të rregullta ditën dhe natën në disa komuna brenda zonës së përgjegjësisë.

Sipas njoftimit, këto patrullime sigurojnë një prani të dukshme dhe qetësuese në terren, rrisin ndërgjegjësimin situativ dhe kontribuojnë drejtpërdrejt në ruajtjen e stabilitetit rajonal. Patrullat janë pjesë thelbësore e misionit të vazhdueshëm të KFOR-it për të garantuar një mjedis të sigurt dhe të qëndrueshëm për të gjithë qytetarët që jetojnë në Kosovë.

KFOR-i thekson se vazhdon zbatimin e mandatit të tij, të bazuar në Rezolutën 1244 të Këshillit të Sigurimit të Kombeve të Bashkuara të vitit 1999, me qëllim sigurimin e një ambienti të qetë dhe të sigurt, si dhe garantimin e lirisë së lëvizjes për të gjithë, në çdo kohë.

Po ashtu, KFOR-i vepron në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet e tyre përkatëse si reagues të sigurisë, duke synuar ruajtjen e paqes dhe stabilitetit në vend.

Lajmet

Nesër samiti mes BE-së dhe Ballkanit Perëndimor, Rama niset drejt Brukselit

Published

8 hours ago

December 16, 2025

UBTnews

Kryeministri Edi Rama është nisur pasditen e kësaj të marte drejt Brukselit. Rama nesër do të marrë pjesë në samitin mes BE dhe vendeve te Ballkanit Perëndimor.

Takimi pritet të përqëndrohet në gjetjet më të fundit të paketës së zgjerimit 2025. Gjatë takimit do të dikutohet edhe Plani i Rritjes për Ballkanin Perëndimor prej 6 miliard eurosh.

Ndërkaq, nga Kosova europianët i çuan ftesë presidentes Vjosa Osmani, e cila ka konfirmuar se do të marrë pjesë në këtë samit.

Lajmet

Spiropali në Greqi, rihapet dialogu për kufirin detar

Published

8 hours ago

December 16, 2025

UBTnews

Ministrja e Jashtme e Shqipërisë, Elisa Spiropali nisi sot një vizitë dyditore në Greqi me ftesë të homologut grek, George Gerapetritis. Vizita e Ministres Spiropali nisi në Presidencën greke, ku u prit nga Presidenti Konstantinos Tasoulas.

Gjatë takimit Spiropali theksoi se “Shqipëria beson fort se nën udhëheqjen greke të Presidencës së BE, Ballkani Perëndimor do të mbetet në krye të agjendës europiane”.

Më pas Spiropali zhvilloi një takim dypalësh me homologun e saj Gerapetritis, të fokusuar në forcimin e marrëdhënieve ndërmjet Shqipërisë dhe Greqisë. Në konferencën për shtyp, Spiropali tha se Greqia duhet të heqë ligjin e luftës, duke theksuar se dy vendet janë pjesë e NATO-s.

“Duke qenë partnerë në NATO, të lidhur nga një Traktat Miqësie dhe me perspektivë të përbashkët europiane, Shqipëria mbështet përfundimin sa më parë të çdo reference ligjore atavike nga Lufta e dytë Botërore, me pasoja në marrëdhëniet aktuale, e cila nuk pasqyron realitetin e marrëdhënieve tona si aleatë dhe si miq”, tha Spiropali.

Ministrja theksoi se Shqipëria është e hapur për dialog për çështjen e detit dhe shtoi se duan të vijojnë negociatat për njohjen e pensioneve.

“Shqipëria mbetet po ashtu e përkushtuar për zgjidhjen e çështjeve të lidhura me kufirin (përfshirë edhe delimitimin e hapësirave detare) në përputhje me të drejtën ndërkombëtare dhe parimet e marrëdhënieve të fqinjësisë së mirë, ku palët janë plotësisht të hapura për dialog konstruktiv. Ne do të vijojmë të udhëhiqemi nga vlerat thelbësore të BE-së, nga respekti për normat e të drejtës ndërkombëtare për zgjidhjen paqësore të mosmarrëveshjeve dhe promovimin e stabilitetit në rajon”, shtoi ajo.

Mëngjesin e së mërkurës, në orën 09.00, Spiropali do të takohet me Ministrin e Mbrojtjes, Niko Dendias. Në orën 09.45, Spiropali do të takohet me përfaqësues të bizneseve dhe sipërmarrjeve që operojnë mes Shqipërisë dhe Greqisë, për potencialin e bashkëpunimit ekonomik mes dy vendeve.

Lajmet

Dyshohet abuzim i të miturit në Ferizaj përmes rrjeteve sociale

Published

10 hours ago

December 16, 2025

UBTnews

Policia e Kosovës ka nisur hetimet lidhur me një rast të dyshuar të abuzimit ndaj një të mituri, i cili dyshohet se është kontaktuar përmes rrjeteve sociale.

Zëdhënësi i Policisë për rajonin e Prishtinës, Agron Borovci, bëri të ditur se rasti është raportuar më 15 dhjetor 2025, rreth orës 11:00, në stacionin policor të Fushë Kosovës.

Sipas policisë, ngjarja dyshohet të ketë ndodhur në territorin e Ferizajt. Me autorizim të Prokurorit të Shtetit, është iniciuar hetim për veprën penale “Dhunimi”, ndërsa policia, në bashkëpunim me institucionet relevante, po punon intensivisht për identifikimin e të dyshuarit dhe sqarimin e plotë të rastit, duke garantuar konfidencialitetin dhe mbrojtjen e viktimës.

“Më datë 15.12.2025, rreth orës 11:00, policia e stacionit policor në Fushë Kosovë, ka pranuar informacionin lidhur me një rast të dyshuar të abuzimit ndaj një të mituri. Dyshimet e ngritura sugjerojnë se i mituri është kontaktuar përmes rrjeteve sociale dhe se ngjarja dyshohet të ketë ndodhur diku në territorin e Ferizajt. Specialist të policisë për hetimin e rasteve të tilla, në bashkëpunim me institucionet relevante, janë duke ndërmarrë të gjitha veprimet e nevojshme për zbardhjen e plotë të rastit. Me autorizim të Prokurorit të Shtetit, gjithnjë duke garantuar konfidencialitetin dhe mbrojtjen e viktimës, policia ka iniciuar një hetim në drejtim të veprës penale “Dhunimi”, përderisa po punohet intensivisht në identifikimin e të dyshuarit dhe përcaktimin e vendndodhjes së tij.”