Magazinë

Meghan Markle: Në këtë kohë krize, njerëzit kanë nevojë për gëzim

Published

7 months ago

on

Meghan Markle, dukesha e Sussexit, beson se njerëzit kanë nevojë për gjëra që u sjellin gëzim, veçanërisht në kohë të vështira ekonomike, dhe sipas saj, kjo është ajo që sjell brendi i saj i ri, “As Ever”.

Në një intervistë për “Fortune”, Meghan ka treguar se të gjitha produktet e brendit janë të prodhuara në SHBA, ndaj nuk preken nga tarifat doganore të presidentit Donald Trump për importet.

“Aktualisht, të gjitha produktet tona prodhohen në SHBA, kështu që nuk presim që tarifat të na prekin drejtpërdrejt. Por kur e sheh më gjerë, dhe si do ta prekin këto çështje konsumatorin çdo ditë, jam shumë mirënjohëse që e kam menduar këtë që në fillim të brendit”, ka thënë ajo.

Me një ofertë që përfshin reçel, çaj dhe produkte të tjera të stilit të jetesës, Meghan ka theksuar se shumica e artikujve të saj kushtojnë më pak se 20 dollarë.

“Gjatë çdo recesioni, njerëzit sërish kërkojnë rehati. Diçka që i bën të ndihen mirë. Ky brend është ndërtuar për të ofruar atë ndjesi, bukuri dhe qasshmëri, pa çmime të kripura”, ka thënë dukesha.

Ish-aktorja e serilait “Suits”, ka thënë se gjithmonë ka pasur pasion për kombinimin e stilit të saj personal, përmes veshjeve që duken luksoze, por që në të vërtetë janë të përballueshme.

“Gjithmonë më kanë pëlqyer gjërat që duken bukur, por që nuk të zbrazin kuletën. Mendoj se ka një lidhje të qartë mes stilit tim personal dhe filozofisë së këtij brendi”, ka thënë ish-aktorja.

Kjo nuk është përvoja e saj e parë me biznesin. Meghan ka kujtuar se nisja në sipërmarrje filloi në moshën 11-vjeçare, kur bënte lidhëse për flokë me makinën qepëse në shtëpi dhe i shiste në lagje.

Krahas brendit “As Ever”, Meghan ka lansuar këtë javë edhe podcastin e  ri: “Confessions of a Female Founder”, ku ndan përvojat e saj në kohë reale.

“Jam duke folur për çfarë po kaloj, teksa po e kaloj. Jo me reflektim pasi gjithçka ka kaluar, por në moment. Edhe pse është sfiduese për shkak të orarit, ndihet si mënyra më e sinqertë për të treguar historinë”, ka thënë dukesha.

Ajo shpreson që ky podcast do ta ndihmojë audiencën ta njohë më mirë versionin real të personalitetit.

“Kur njerëzit ndihen rehat, sikur janë me ty në një bisedë të zakonshme, atëherë ndodh ndikimi i vërtetë”, ka thënë ndër të tjera ajo.

Related Topics:
Continue Reading

Magazinë

Fejesa surprizë e Madonnës me futbollistin 29-vjeçar

Published

25 minutes ago

on

November 6, 2025

By

Ylli amerikan Madonna thuhet se është fejuar fshehurazi me të dashurin e saj 29-vjeçar, futbollistin Akeem Morris.

Burimet pranë këngëtares tregojnë se ajo është “më e lumtur se sa ka qenë në dekada” dhe se marrëdhënia e saj i sjell paqe dhe stabilitet.

Çifti u takua në 2022 gjatë një xhirimi për revistën Paper e filluan lidhjen menjëherë pas ndarjes së Madonnës me boksierin Joshua Popper.

Ata u shfaqën për herë të parë në publik këtë verë, ndërsa spekulimet për fejesë nisën në janar pas fotos së një unaze diamanti që Madonna publikoi në rrjetet sociale.

Së fundmi, ata festuan ditëlindjen e 67-të të artistes në Toskanë, me gjashtë fëmijët e saj. Madonna po shqyrton vendet për dasmën, duke përfshirë Italinë, Portugalinë ose pronën e saj në East Hampton, duke preferuar një festë intime.

Mediat raportojnë se ajo po përgatit edhe një marrëveshje paramartesore, të cilën Akeem e pranon pa problem.

Data e dasmës nuk është konfirmuar, por disa burime thonë se ceremonia mund të zhvillohet deri në fund të vitit. /A.Z/UBT News/

Continue Reading

Magazinë

Halsey përfundon në urgjencë pas koncertit në Boston

Published

14 hours ago

on

November 5, 2025

By

Halsey është shtruar në urgjencë pas një problemi shëndetësor që ndodhi pas koncertit të saj në Boston.

Artistja 31-vjeçare njoftoi përmes Instagram-it se kaloi gjithë natën nën kujdesin e mjekëve deri në orën 6 të mëngjesit, por megjithatë vendosi të mos anulojë performancën e radhës në MGM Music Hall.

“Pas shfaqjes së djeshme përfundova në urgjencë deri në mëngjes, por tani ndihem shumë më mirë dhe jam gati të ngjitem sërish në skenë sonte!”, shkroi ajo në rrjete sociale, duke falënderuar publikisht stafin e Mass General Hospital për përkujdesjen e tyre, sipas Daily Mail.

Edhe pse nuk zbuloi detaje mbi gjendjen e saj aktuale, këngëtarja ka folur hapur për sfidat shëndetësore që ka përjetuar.

Në vitin 2022, ajo tregoi se ishte diagnostikuar me lupus SLE dhe një çrregullim të rrallë të qelizave T, ndërsa në shtator të vitit të kaluar kishte përfunduar një trajtim me kimioterapi.

Aktualisht, ndodhet në mesin e turneut “Back to Badlands”, me koncerte në Shtetet e Bashkuara, Mbretërinë e Bashkuar dhe Australi. Halsey ka theksuar se ky turne përfaqëson një rikthim emocional tek fillimet e saj artistike dhe reflektim mbi rritjen e saj personale ndër vite. /A.Z/UBT News/

 

 

Continue Reading

Magazinë

A$AP Rocky dhe Rihanna, çifti i parë që marrin të dy çmimin Ikonë e Modës

Published

15 hours ago

on

November 5, 2025

By

A$AP Rocky dhe Rihanna kanë shtuar një tjetër çmim në koleksionin e tyre, pasi reperi u nderua me Çmimin e Ikonës së Modës nga Këshilli i Stilistëve të Modës të Amerikës (CFDA).

I njohur për stilin e tij të guximshëm dhe ndikues, A$AP Rocky i bashkohet partneres së tij, e cila fitoi të njëjtin nder në vitin 2014, duke u bërë çifti i parë që e merr këtë çmim të dy.

Gjatë ceremonisë, Anna Wintour, drejtoresha e përmbajtjes së Condé Nast, e mirëpriti reperin në familjen e CFDA-së: “Ai është me ne sonte, vetëm dy muaj pas lindjes së fëmijës së tij të tretë. Të shohësh A$AP Rocky si një baba të përkushtuar tregon qartë sa e rëndësishme është familja për të. Tani të gjithë e mirëpresim në familjen tonë,” tha Wintour.

Çifti rrëmbeu vëmendjen në tapetin e kuq gjatë ceremonisë vjetore të CFDA-së, e cila u mbajt në Muzeun Amerikan të Historisë Natyrore dhe konsiderohet si “Oskarët e Modës”.

Rihanna veshi një kostum nga koleksioni Alaïa Pranverë/Verë 2026, ndërsa A$AP Rocky zgjodhi një kostum Chanel.

Në fjalën e tij, reperi falënderoi ekipin për mbështetjen, veçanërisht gjatë momenteve më të vështira të vitit, dhe iu drejtua partneres së tij:
“Shiko, ia dolëm.” /A.Z/UBT News/

 

Continue Reading

Magazinë

Sydney Sweeney ka zbuluar detaje të reja rreth jetës së saj private

Published

17 hours ago

on

November 5, 2025

By

Pas ndarjes nga fejesa me Jonathan Davino dhe pas spekulimeve për një lidhje me Scooter Braun, Sweeney konfirmoi se aktualisht është beqare.

“Jam beqare. Nuk po kërkoj një burrë tani për tani. Ajo që kam mësuar këtë vit është se kam një grup të shkëlqyer miqsh, jam e fortë dhe e pavarur, dhe do të jem mirë,” tha ajo për GQ.

Aktorja shtoi se është e hapur për dashuri të re, nëse kjo ndodh në mënyrë spontane: “Nëse dashuria më gjen, do të më gjejë. Jam romantike, kështu që shpresoj që dashuria të më gjejë, por nuk jam lloji që dëshiron të dalë gjatë gjithë kohës. Besoj në dashurinë e vërtetë dhe dua të jem me dikë për pjesën tjetër të jetës sime.”

Sweeney gjithashtu theksoi rëndësinë e privatësisë dhe të mësuarit nga përvoja:

“Mendoj se nëse do t’u jepja të gjithëve akses, nuk do të kisha asgjë për veten time. Jam thjesht një grua 28-vjeçare që ende po përpiqet të kuptojë gjërat, po mëson, bën gabime dhe po rritet. Është e rëndësishme ta bësh këtë pa komente të vazhdueshme për çdo veprim.”

Aktorja kishte konfirmuar më parë për Entertainment Tonight në shtator të vitit të kaluar se planifikimi i dasmës me Jonathan nuk kishte filluar ende për shkak të angazhimeve profesionale.

Në mars të këtij viti, pas shtatë vitesh lidhje, çifti njoftoi ndarjen dhe ndërprerjen e fejesës. /A.Z/UBT News/

Continue Reading

Të kërkuara