Magazinë

Më shumë se 3 muaj në grevë, Teatri rihapet duke shpresuar në premtimet e Hajrulla Çeku

Published

1 year ago

on

Stafi i Teatrit Kombëtar të Kosovës këtë javë po i kthehet punës. Pas më shumë se tre muajsh, aktorët, punonjësit tekniko-artistikë do të kthehen në skenë për të hapur dyert për publikun. Janë shfaqjet që ishin në repertor para se greva e aktorëve të fillojë, ato që do t’ia hapin dyert institucionit më të lartë teatror në vend.

Në ditët e para aktorët do të punojnë pa ndonjë benefit real nga greva, por janë në pritje të realizimit të një zotimi verbal që iu ka thënë ministri në detyrë i Kulturës, Hajrulla Çeku.

Janë shfaqjet “Martesa”, “Makbethi” e “Kamarja e turpit” që do ta hapin “sezonin” post-grevë. Udhëheqësi artistik i Teatrit Kombëtar të Kosovës, Kushtrim Mehmeti, ka thënë se është lajm i mirë pezullimi i grevës. Sipas tij, është mirëpritur rinisja e punës.

“Natyrisht jemi shumë të kënaqur që po fillojmë me punën”, ka thënë ai duke treguar se do të nisin provat për shfaqjen “Art” me tekst të francezes Yasmina Reza e regji të Bashkim Ramadanit. Bëhet fjalë për një komedi me tri personazhe.

Aktorët e Teatrit Kombëtar kanë pezulluar grevën me 28 shkurt pas më shumë se tre muajsh aktivitet sindikal. Ky pezullim kishte ardhur pasi kishin marrë “porosi” nga ministri në detyrë i Kulturës, Hajrulla Çeku se kërkesat e tyre do të plotësohen brenda nja tri javësh. Pezullimi po ashtu është bërë pasi vetë disa aktorë kanë thënë se janë kërcënuar indirekt me ndalje të pagave e largim nga vendi i punës.

Sipas njoftimit zyrtar të Shoqatës Sindikale të Aktorëve të TKK-së, të premten vonë aktorët kanë pezulluar aktivitetin sindikal.

“Pas një greve tremujore dhe insistimit tonë të vazhdueshëm për një konfirmim zyrtar nga Ministria e Kulturës lidhur me afatin e zgjidhjes së çështjes së ekuivalentimit të pagave të aktorëve, na është komunikuar verbalisht nga një anëtare e Bordit të Teatrit Kombëtar se ministri Hajrulla Çeku është zotuar që kjo çështje do të zgjidhet brenda tri javësh”, shkruhej në njoftim.

Bëhej e ditur se në momentin që Sindikata e Aktorëve merr konfirmim zyrtar nga MKRS-ja se ky zotim realizohet brenda afatit të deklaruar nga ministri Hajrulla Çeku, do ta ndërpresin përfundimisht grevën. Vendimi është marrë me shumicë votash: 9 pro, 5 kundër, 2 abstenime.

“Sindikata vendos ta pezullojë grevën dhe t’i rikthehet skenës. Nëse brenda afatit të përcaktuar kjo çështje nuk zgjidhet, duke pasur mirëkuptim për pengesat eventuale, ne do të presim edhe tri javë të tjera. Nëse edhe pas kësaj periudhe nuk kemi një konfirmim zyrtar nga MKRS-ja për aprovimin e kërkesës sonë për ekuivalentimin e pagave, ne rezervojmë të drejtën për të rifilluar grevën dhe veprimet e tjera sindikale, në përputhje me të drejtat tona ligjore”, shkruhej në njoftim.

Të hënën e javës së kaluar, ministri i Kulturës në detyrë, kishte pritur në takim Këshillin Drejtues të Teatrit Kombëtar të Kosovës, aktivitetet tjera të asaj dite janë bërë publike, pos këtij takimi. Ministri Çeku ka folur me përbuzje për grevistët e ka thënë se për dy-tri javë do zgjidhet kjo çështje. Synimet janë që nëpërmjet një rregulloreje për sistematizim të vendeve të punës të bëhet ngritje e pagës për aktorët.

Në fillim të kësaj jave, aktori Shkëlzen Veseli kishte thënë se pavarësisht kërcënimeve e shantazheve, ata nuk tërhiqen. Aktori Adrian Morina kishte përmendur edhe grevën e urisë si masë radikale. Por, në këtë rast kishte folur vetëm për veten.

Para disa ditësh, aktorët i janë drejtuar me një letër ministrit të Kulturës, Hajrulla Çeku ku i kanë bërë me dije se ka kaluar koha ligjore e ndërmjetësimit. Kanë kërkuar që të dinë se deri ku ka shkuar procesi i plotësimit të kërkesave të tyre dhe janë shprehur të gatshëm për takim të përbashkët. Por MKRS-ja s’u ka kthyer zyrtarisht ndonjë përgjigje.

Në ditën e shpalljes së grevës më 17 nëntor të vitit të kaluar aktorët kishin thënë se mosreagimi pozitiv dhe përmbajtjesor i Ministrisë së Kulturës e ka sjellë gjendjen deri në këtë pikë. Konsiderojnë se janë degraduar me Ligjin për pagat në sektorin publik dhe kërkojnë “asgjë më shumë se kthim ku kanë qenë të ranguar”.

Këtë kërkesë e kanë pasur edhe kur kishte nisur aplikimi i këtij ligji para 22 muajsh. Koeficienti i tyre ishte përcaktuar të jetë 8, kurse kërkesat qenë për 11. Përkthyer në shuma: paga e aktorit të kategorisë së parë me koeficient 8 është 880 bruto.

Deri te greva aktorët kanë ardhur pas paralajmërimit të parë në mes të shtatorit, kur provat kishin nisur me 10 minuta vonesë.

Para 22 muajsh, kur ishin ngritur pagat me zbatimin e Ligjit për paga në sektorin publik, pakënaqësitë ishin shfaqur në disa institucione, duke filluar nga Teatri Kombëtar i Kosovës. Në kërkesën e Shoqatës Sindikale, të dërguar ende pa u aprovuar ligji, renditen edhe koeficientet e propozuara për pozitën e dramaturgut, mjeshtrit të dritave, organizatorit e deri te punëtorët tekniko-artistikë.

Kërkesa për rangime të tjera ka gjithandej institucioneve qendrore të kulturës. Asokohe ministri i Kulturës, Hajrulla Çeku, u kishte premtuar se koeficientet do të rishqyrtoheshin. /UBT News/

Related Topics:
Continue Reading

Magazinë

Harry dhe Meghan akuzojnë autorin mbretëror për ‘konspiracion të çmendur’

Published

9 hours ago

on

March 17, 2026

By

Duka dhe Dukesha e Sussex akuzojnë autorin Tom Bower për “teori të çmendura dhe melodramë”.

Në pjesë të librit të tij të ri, Bower pretendon se Mbretëresha Camilla i kishte thënë një miku se Meghan e kishte “trullosur” Princin Harry. Ai shkruan gjithashtu se Meghan ishte parë si një “kërcënim” nga Princi i Uellsit dhe Princesha e Uellsit.

Zëdhënësi i Harry-t dhe Meghan tha se Bower kishte kaluar “nga kritika në obsesion”, duke krijuar teori për njerëz që nuk i njeh.

Libri preket marrëdhënia e çiftit me William dhe Catherine, si dhe aktivitetet e tyre biznesore dhe bamirëse pas largimit nga Anglia dhe zhvendosjes në SHBA, përfshirë marrëveshjet me Netflix dhe Spotify.

Bower thotë se tensionet mes tyre ishin rritur para largimit. Ai pretendon se William dhe Catherine ishin “të alarmuar” nga Meghan dhe mendonin se ajo “kritikonte mundësitë e pamundura të Harry-t për të qenë mbret”. Harry dhe Meghan shfaqen në kopertinën e librit Betrayal: Power, Deceit And The Fight For The Future Of The Royal Family.

Bower ka shkruar më parë Revenge: Meghan, Harry, And the War Between the Windsors në 2022.

Marrë dhe përshtatur nga BBC

Continue Reading

Magazinë

Njëherë pjesë e peizazhit skocez, tani u shit për 26 milionë paund

Published

9 hours ago

on

March 17, 2026

By

Figura të famshme të artit publik, si skulpturat e Henry Moore dhe të tjerëve, qëndronin dikur në Glenkiln, Dumfries dhe Galloway, duke sjellë artin direkt në natyrë. Një prej tyre, King and Queen, u dëmtua në 1995, kur i u prishën kokat. Megjithatë, kokat u gjetën dhe u restauruan, por skulptura u hoq përgjithmonë nga ekspozimi publik.

Parku i skulpturave Glenkiln u krijua nga pronari lokal Sir William Keswick mes viteve 1951 dhe 1976. Përveç katër veprave të Moore, aty ishin edhe dy skulptura nga Auguste Rodin dhe Jacob Epstein. Qëllimi ishte të ekspozoheshin skulptura moderne në natyrë, jo vetëm në galeri. Ishte një atraksion i njohur për vizitorët dhe këmbësorët e zonës.Moore u frymëzua nga një skulpturë egjiptiane në British Museum dhe nga tregimet për “mbretër dhe mbretëresha” që u tregonte vajzës së tij, Mary. Skulptura u bë një nga veprat më të njohura të tij, përshkruar si “arritja më e madhe e Moore që nga lufta”.

Pas vjedhjes së një tjetër skulpture në 2013, pjesa publike e parkut mbaroi dhe skulpturat e mbetura u ruajtën në depo të sigurta.

Së fundmi, King and Queen u shit në ankand për 26 milionë paund, shumë më shumë se pritshmëritë fillestare. Kjo skulpturë bronzi është një nga katër kopjet, por e vetmja që mbetet në duar private; të tjerat ndodhen në Japoni, Holandë dhe SHBA.

Marrë dhe përshtatur nga BBC

Continue Reading

Magazinë

Michael B. Jordan merr duartrokitje të mëdha për çmimin e aktorit më të mirë

Published

1 day ago

on

March 16, 2026

By

Aktori i filmit “Sinners” mori një reagim të madh nga yjet në audiencë kur u lexua emri i tij.

Jordan e nisi fjalimin e tij të pranimit duke përshëndetur gjithë familjen e tij, të cilët ishin të gjithë të pranishëm në sallë atë mbrëmje.

Më pas ai falënderoi regjisorin e filmit, Ryan Coogler, duke thënë:
“Jam shumë i nderuar që të quaj bashkëpunëtor dhe mik. Ti më dhe mundësinë dhe hapësirën që të jem i dukshëm.”

Jordan ka luajtur në çdo film që Coogler ka realizuar.

“Unë qëndroj këtu falë njerëzve që erdhën para meje,” tha Jordan, duke përmendur aktorë si Sidney Poitier, Denzel Washington, Jamie Foxx dhe Halle Berry, ndër të tjerë.
“Të jem mes këtyre gjigantëve, mes këtyre të mëdhenjve, mes paraardhësve të mi, mes njerëzve të mi… Faleminderit të gjithëve në këtë sallë dhe të gjithëve në shtëpi që më keni mbështetur gjatë karrierës sime. Unë e ndiej këtë mbështetje!”

Jordan vazhdoi:
“E di që ju doni që unë të kem sukses dhe unë dua ta bëj këtë sepse ju keni besuar tek unë. Faleminderit që vazhdoni të besoni tek unë. Unë do të vazhdoj të përmirësohem dhe do të vazhdoj të jem versioni më i mirë i vetes që mund të jem.”

Marrë dhe përshtaur nga CNN

Continue Reading

Magazinë

Çfarë nuk u pa në TV në Oscars

Published

1 day ago

on

March 16, 2026

By

Është nata më e madhe e Hollywood-it. Ceremonia e 98-të e Academy Awards solli fjalime emocionale, momente komike dhe shumë ngjarje interesante prapa skenës.

Edhe pse ceremonia duket madhështore në TV, shumë gjëra ndodhin jashtë kamerave. Ceremonia zhvillohet në Dolby Theatre, i cili në fakt ndodhet brenda një qendre tregtare në Hollywood.

Një nga momentet interesante ishte kur një nga dizajnerët e produksionit të filmit Frankenstein foli me gazetarët duke mbajtur në njërën dorë statujën e Oscar-it dhe në tjetrën një birrë.

Ndërkohë regjisori Pasha Talankin, autor i dokumentarit Mr Nobody Against Putin, rikrijoi momentin e fitores duke rilexuar zarfin që njoftonte se filmi i tij kishte fituar çmimin për dokumentarin më të mirë.

 

Siguri e jashtëzakonshme

Autoritetet në Los Angeles rritën ndjeshëm sigurinë këtë vit për shkak të tensioneve ndërkombëtare mes SHBA-së, Izraelit dhe Iranit.

Masat përfshinin:

  • disa zona sigurie të rrethuara
  • plane të veçanta për menaxhimin e trafikut
  • prani të madhe policie në zonën e Hollywood-it

Rrugët përreth Dolby Theatre ishin të mbushura me gardhe sigurie dhe automjete të ngjashme me ato të SWAT.

Gazetarët që mbulonin ceremoninë qëndronin në Loews Hollywood Hotel, përballë teatrit. Për të hyrë, duhej të kalonin nëpër dy kontrolla metalike dhe qentë e policisë kontrollonin çantat.

 

Një barazim historik

Çmimet Oscar ekzistojnë prej pothuajse 100 vitesh, por barazimet janë shumë të rralla.

Këtë vit pati një barazim historik për filmin më të mirë të shkurtër aksion, mes:

  • The Singers
  • Two People Exchanging Saliva

Herën e fundit që ndodhi një barazim ishte në vitin 2013, kur filmat Skyfall dhe Zero Dark Thirty ndanë çmimin për montazhin më të mirë të zërit.

 

Surpriza nga prezantuesi

Prezantuese i ceremonisë Conan O’Brien kishte lënë një mesazh të shkruar me dorë nën çdo karrige në teatër.

Mesazhi shoqërohej me disa ushqime që ai i quajti me humor “Moderately Happy Meal”.

Në shënim ai shkruante:

“Këto ushqime mund të mos duken shumë, por në një kinema do të kushtonin 85 dollarë.”

Ai shtonte gjithashtu:

“Qeshja e fortë dhe entuziaste është e mirë për shëndetin dhe për egon time.”

 

Fjalime të ndërprera

Oscars janë të njohura për ndërprerjen e fjalimeve që zgjasin shumë — dhe kjo ndodhi edhe këtë vit.

Kënga Golden nga filmi i animuar KPop Demon Hunters fitoi çmimin për këngën më të mirë origjinale, duke u bërë kënga e parë K-pop që fiton një Oscar.

Por gjatë fjalimit të tyre, muzika filloi dhe i ndërpreu. Më vonë prapa skenës ata falënderuan:

  • këngëtaret Audrey Nuna dhe Rei Ami
  • producentin Teddy Park
  • familjet dhe ekipin e filmit

 

Moment historik për kinematografinë

Kinematografja Autumn Durald Arkapaw, e filmit Sinners, bëri histori duke u bërë gruaja e parë që fiton Oscar për kinematografi.

Në një deklaratë prapa skenës ajo tha:

“Shumë vajza të vogla që duken si unë do të flenë shumë të qeta sonte, sepse duan të bëhen kinematografe.”

Ajo shtoi se momenti ishte i mundur falë grave që e mbështetën gjatë sezonit të çmimeve.

Marrë dhe përshtaur nga BBC

 

 

Continue Reading

Të kërkuara