Leonardo DiCaprio, u shfaq në qendër të vëmendjes gjatë premierës botërore të One Battle After Another në Teatrin Kinez TCL në Los Angeles.

Aktori hollivudian u shoqërua nga e dashura e tij, Vittoria Ceretti, 27 vjeçe, e cila, edhe pse nuk pozoi krah tij, e mbështeti nga publiku dhe shkëlqeu me një fustan elegant të bardhë të drapuar.

DiCaprio shfaqi një figurë klasike e të rafinuar, i veshur me kostum të zi të ngushtë dhe këmishë të bardhë, ndërsa modelja mahniti me veshje me të çara të theksuara që tregonin këmbët e saj të gjata dhe një stilim të plotësuar me bizhuteri diamanti, shkruan DailyMail.

Ajo nuk hezitoi të shfaqte entuziazmin e saj, duke e brohoritur aktorin dhe duke realizuar foto nga turmat e adhuruesve.

Ngjarja mblodhi shumë emra të njohur të Hollivudit, si Sean Penn, Benicio del Toro, Regina Hall dhe Teyana Taylor, të cilët gjithashtu shkëlqyen me pamjet e tyre glamuroze.

Të pranishëm ishin edhe Adrien Brody, Wendoline Christie, Billy Zane, Dove Cameron, Dita Von Teese dhe John C. Reilly, të cilët shtuan një atmosferë të veçantë në tapetin e kuq.

Romanca e DiCaprios dhe Cerettit, e nisur në gusht 2023, vazhdon të tërheqë vëmendjen e medieve.

Edhe pse modelja është parë me unazë, burimet mohuan thashethemet për fejesë, duke theksuar se po shijojnë lidhjen pa plane të menjëhershme martese.

Përgatiti: A.Z. /UBT News/

Aktori dhe ylli i serialit “Breaking Bad”, Raymond Cruz, u arrestua në Los Angeles për sulm fizik të lehtë pasi dyshohet se spërkati një grua dhe vajzën e saj me tub uji.

Aktori 60-vjeçar, i njohur për rolet në “Breaking Bad” dhe “Better Call Saul”, thuhet se u përfshi në një sherr jashtë shtëpisë në Silverlake, Los Angeles. Sipas një burimi pranë tij, incidenti filloi ndërsa Cruz po lante makinën herët në mëngjes të hënën.

Një person kontaktoi policinë duke pretenduar se Cruz e kishte spërkatur vajzën e tyre me ujë. Përfaqësuesi i Cruz-it i ka mohuar që atëherë pretendimet. Megjithatë, një burim pranë situatës i tha The Mirror se Cruz u kërkoi grave që ishin parkuar pas tij të lëviznin automjetet e tyre kur ato u shfaqën para shtëpisë.

Ata telefonuan policinë duke pretenduar se Cruz e kishte kthyer tubin kundër, dhe ankuesi këmbënguli se ishte e qëllimshme, pavarësisht se ai po e lante makinën. Mercedes-Benz thyen të gjitha barrierat ndaj mobilitetit, EQS përshkon 1205 kilometra pa u rimbushur

Cruz u dërgua në një stacion policie në Los Angeles, ku u mor në pyetje nën dyshimin për sulm fizik.

Gratë dyshohet se refuzuan ta lëviznin automjetin dhe vendosën ta xhironin atë.

Burimi pohon se aktori u kërkoi atyre të ndalonin filmimin, por ato nuk e bënë.

Prokurori i qytetit ka të ngjarë ta shqyrtojë çështjen për të përcaktuar nëse do të ngrihen akuza penale. /Telegrafi/

Eminem, ka pasur një marrëdhënie të ndërlikuar dhe shpesh të trazuar me nënën e tij, Debbie Nelson. Një nga momentet më të debatueshme në karrierë ishte publikimi i “Cleanin’ Out My Closet” më 2002, pjesë e albumit “The Eminem Show”.

Në këtë këngë, e cila u kthye në hit, e sulmoi ashpër nënën duke përdorur fjalë fyese dhe akuza të rënda, mes tyre edhe pretendime për përdorim të medikamenteve dhe sjellje abuzive. Kënga pati sukses mes fansave, por në të njëjtën kohë thelloi konfliktin mes tij dhe të ëmës.

Debbie e paditi djalin për shpifje dhe fyerje në vitin 1999, duke kërkuar 10 milionë dollarë, por çështja u zgjidh në 2001 për 25 mijë dollarë.

Me kalimin e viteve, Eminem ndryshoi qasje. Më 2013, publikoi “Headlights”, pjesë e The Marshall Mathers LP 2, ku i kërkoi ndjesë nënës për tekstet fyese. Ai pranoi se në kohën kur shkroi “Cleanin’ Out My Closet” ishte i zemëruar dhe i lënduar, por se e kishte tepruar.

Videoklipi i “Headlights” e tregoi këtë pajtim nga këndvështrimi i nënës, duke përfunduar me skenë prekëse ku e përqafon të birin. Pas kësaj periudhe, Eminem ndaloi së performuari “Cleanin’ Out My Closet” dhe madje ka thënë se ndien siklet sa herë që e dëgjon në radio.

Në dhjetor 2024, Nelson ndërroi jetë në moshën 69-vjeçare, pas problemeve me kancer të mushkërive.

Në retrospektivë, historia mes Eminem dhe nënës së tij përfaqëson një udhëtim nga dhimbja dhe zemërimi i hershëm drejt pajtimit dhe faljes, ku arti i tij shërbeu si pasqyrë e plagëve, por edhe e shërimit.

Përgatiti: A.Z. /UBT News/