Sport

Me inicialet “KOS” në mes të Beogradit atletja Bakraqi përfaqëson Kosovën në Kampionatin Botëror në Serbi

Gresa garoi në 1500 metra dhe doli e 17-ta nga 19 garuese, me kohë 4 minuta e 28.40 sekonda.

Published

3 years ago

on

Përsëri janë thyer barrierat e sportit tonë, ku atletika ka arritur të përfaqësojë Kosovën në Kampionatin Botëror të Sallës, që po zhvillohet në Beograd të Serbisë.

Atletja Gresa Bakraqi përfaqësoi Kosovën me inicialet “KOS” në fanellë, ashtu sikurse të gjitha pjesëmarrëset e tjera. Por shkaku i Kosovës, organizatori i kësaj gare së bashku me Federatën Ndërkombëtare të Atletikës, u vendos që asnjë flamur i ndonjë shteti pjesëmarrës të mos shfaqet në stadium.

Diskriminimi i vetëm erdhi nga regjia serbe, e cila nuk shfaqi flamurin e Kosovës tek emri i garueses, por vetëm shkurtesën “KOS”, duke dëshmuar edhe një herë se politika serbe ende përfshihet në sport, gjë kjo që është e papranueshme.

Si pasojë e kësaj, KOK-u së bashku me Federatën Atletike të Kosovës kanë paraqitur menjëherë ankesë në Federatën Ndërkombëtare të Atletikës dhe në Komitetin Olimpik Ndërkombëtar.

Gresa garoi në 1500 metra dhe doli e 17-ta nga 19 garuese, me kohë 4 minuta e 28.40 sekonda.

Pas garës, Bakraqi tregoi përvojën e saj në këtë garë dhe presionet e ndryshme që kishte nga organizatorët.

“Vazhdimisht organizatori është munduar të ma mbulojë fanellën ku shkruante Kosova. Jam ndier e diskriminuar dhe asesi nuk kam pranuar të garojë, derisa të jem e barabartë me garueset tjera. Në fund, kanë lëshuar pe dhe kam garuar me shkurtesën KOS”, tha Bakraqi.

“Gazetarët vazhdimisht kërkonin të merrnin intervistë nga unë, kurse sigurimi dhe policia serbe, që më përcllinin në çdo hap nuk i lejonin. Madje, gazetarët serbë më quanin ‘heroina’”, shtoi më tej atletja kosovare.

Sa i përket rezultatit, Gresa shtoi se ka pritur paraqitje edhe më të mirë, por stresi i krijuar para garës e bëri të veten, ndërsa sporti i atletikës ishte përfaqësuar javë më parë edhe në Kampionatin Ballkanik, të mbajtur po ashtu në Beograd.

Related Topics:
Continue Reading

Sport

Fabrizio Romano e konfirmon, Arsenali transferon një yll të Chelseat

Published

4 hours ago

on

June 25, 2025

By

Arsenali ka finalizuar transferimin e portierit Kepa Arrizabalaga nga Chelsea, sipas raportimeve të Fabrizio Romano.

Portieri 30-vjeçar spanjoll i bashkohet ‘Topçinjve’ si zëvendësues i David Rayas, me marrëveshjen që thuhet se kap vlerën e 5 milionë funtesh.

Ky transferim u mundësua nga një klauzolë lirimi që Kepa e kishte përfshirë në kontratën e tij me Chelsean gjatë verës së kaluar.

Klauzola i jepte mundësinë të largohej për një tarifë të caktuar dhe Arsenali e ka aktivizuar atë për ta sjellë portierin në ‘Emirates’.

Ish-portieri i kombëtares spanjolle pritet të rivalizojë Rayën për vendin e titullarit, duke i dhënë Mikel Artetës më shumë alternativa në portë.

Përvoja dhe cilësia e Kepas konsiderohen si një aset i vlefshëm për skuadrën, ndërsa ai është përforcimi i radhës pas mbërritjes së Martin Zubimendit.

Transferimi i Kepas vjen pas një periudhe të përzier shtatëvjeçare te Chelsea, ku ai fitoi katër trofe të mëdhenj dhe regjistroi 163 paraqitje.

Continue Reading

Sport

Botërori i klubeve: Atletico Madrid “bie” në grupe edhe pas fitores, PSG dhe Botafogo vijojnë më tej

Published

1 day ago

on

June 24, 2025

By

Kupa e Botës për Klube ka hyrë në ndeshjet e fundit të fazës në grupe, teksa në Grupin B çdo gjë ka përfunduar.

Sfida me interesin më të madh ishte ajo mes Atletico Madrid dhe Botafogos, që pa spanjollët fitues me rezultatin 1-0, e cila nuk i mjaftoi skuadrës së Simeones për të vazhduar më tej, me ekipin brazilian që kalon në fazën e 1/16-ave.

Gjithsesi, fitorja e Atleticos shërbeu si një “asist” për PSG-në. Kampionët e Europës triumfuan me rezultatin 0-2 përballë amerikanëve të Seattle Sounders, duke marrë kështu kreun e Grupit B, pasi verdikti i ndeshjeve direkte ra, me të treja skuadrat që mundën njëra-tjetrën dhe golavarazhi ishte ajo që shërbeu për të vendosur fatet e grupit.

Kështu PSG do të përballet në fazën e 1/16-ave me vendin e dytë të Grupit A, ndërsa Botafogo me fituesin e këtij grupi.

REZULTATET:

ATL. MADRID 1-0 BOTAFOGO

Griezmann 87’

SEATTLE SOUNDERS 0-2 PSG

Kvaratskhelia 35’, Hakimi 67’

Continue Reading

Sport

Llapi “blindon” yllin e skuadrës

Published

2 days ago

on

June 23, 2025

By

Continue Reading

Sport

Darwin Nunez jep sinjale pozitive për kalimin te Napoli

Published

2 days ago

on

June 23, 2025

By

Napoli ka marrë sinjale inkurajuese nga sulmuesi i Liverpoolit, Darwin Núñez, për një transferim të mundshëm gjatë këtij afati kalimtar.

Sipas Fabrizio Romano, lojtari nga Uruguaji i ka dhënë “dritën e gjelbër fillestare” klubit italian, pasi është bindur nga projekti sportiv i prezantuar nga trajneri i ri, Antonio Conte.

Núñez është i hapur për këtë lëvizje, por marrëveshja tani varet nga aspektet financiare. Liverpool kërkon një shumë të konsiderueshme për kartonin e tij, ndërsa edhe paga e lojtarit është një faktor kyç që mund të ndikojë në realizimin ose jo të transferimit.

Sulmuesi 25-vjeçar ka pasur një sezon me ulje-ngritje te Liverpooli, por potenciali i tij mbetet i lartë dhe ai shihet si një profil i përshtatshëm për futbollin italian dhe stilin e Contes.

Negociatat pritet të vazhdojnë në ditët në vijim, me zhvillime që mund të jenë vendimtare për fatin e këtij transferimi të madh të verës.

 

Continue Reading

Të kërkuara