Lajmet

Më 18 qershor rreth 24 mijë nxënës do t’i nënshtrohen testit të maturës

Pupovci thotë se presin rezultate pozitive.

Published

4 years ago

on

Zëvendësministri i Arsimit, Dukagjin Pupovci ka deklaruar se testi i maturës shtetërore sivjet do të mbahet më 18 qershor dhe atij pritet t’i nënshtrohen rreth 24 mijë nxënës. Para kësaj pritet të mbahet testi i arritshmërisë për të cilin Pupovci ka bërë të ditur se ndahet në dy ditë, më 4 dhe 14 qershor. Në një konferencë për media, zëvendësministri i Arsimit ka thënë se presin rezultate të sakta për këto dhe testin PISA në mënyrë që të dihet cila është gjendja në arsim.

Pupovci ka thënë se testi i arritshmërisë, të cilit iu nënshtrohen nxënësit që përfundojnë klasën e nëntë, do të organizohet në dy ditë në mënyrë që nxënësve t’u shtrohen më shumë pyetje nga lëndë të caktuara. Ai ka thënë se dita e parë e testit të arritshmërisë do të jetë më 4 qershor ku nxënësit do të testohen për gjuhën shqipe, gjuhën angleze, historinë dhe gjeografinë, ndërsa më 14 qershor nxënësit do t’i nënshtrohen testit nga matematike, fizika, informatika dhe biologjia.

Ndërsa testit të maturës shtetërore, Pupovci ka thënë se pritet t’i nënshtrohen 24 mijë nxënësm por mund të ketë edhe nxënës nga vitet e kaluara.

“Testi i maturës shtetërore këtë vit planifikohet të mbahet më 18 qershor, numri i maturantëve është diku rreth 24 mijë dhe thjesht mund të ketë edhe nxënës të cilët vinë nga vitet e kaluara t’i shtohen këtij numri prej 24 mijë, pra kjo është e ndryshueshme dhe testi po ashtu do të organizohet brenda një dite dhe i ka tri lëndë të përgjithshme dhe një zgjedhore, lëndët e përgjithshme janë matematika, gjuha amtare dhe gjuha angleze, këtu hyjnë të gjithë nxënësit, ndërsa pastaj nxënësit kanë të drejtë të përcaktohen edhe për një lëndë zgjedhore, kështu që tashmë nëpër shkolla kanë filluar përgatitjet”, ka thënë ai.

Duke folur për testimin PISA i cili ka filluar dje, zëvendësministri i Arsimit ka thënë se do të vazhdojë deri më 20 maj dhe nga ai testim presin rezultate të sakta.

“Në lidhje me testin PISA dua t’ju informoj se dje ka filluar testimi dhe do të vazhdojë deri më datën 20 maj, pra janë caktuar qendrat e testimit dhe do të marrin pjesë gjithsej 238 shkolla me 7 mijë nxënës të lindur gjatë vitit 2006, pra këta janë 15 vjeçarët që konsiderohen pavarësisht a vijojnë klasën e nëntë apo të dhjetën, merret kjo grupmoshë, dhe ata do të testohen gjatë kësaj periudhe. Në parim në një shkollë janë përzgjedhur 57 nxënës, e nëse shkolla ka pasur më pak se 57 nxënës të kësaj moshe, atëherë janë marrë të gjithë nxënësit e kësaj moshe”, ka thënë ai.

Në PISA nxënësit testohen në fushën e matematikës, leximin dhe shkencave, ndërsa sivjet fokusi është në lëndën e matematikës.

Ndër të tjera, zëvendësministri i Arsimit ka përmendur edhe zvogëlimin e numrit të nxënësve në sektorin publik për shkak të shpërnguljeve dhe kalimit të nxënësve në shkollat e sektorit privat.

“Këtë vit kemi një zvogëlim mjaft të madh të nxënësve në sektorin publik, diku rreth 12 mijë nxënës dhe kjo ka ndodhur si për shkak të çështjeve demografike, pra zvogëlimit të natalitetit pastaj shpërnguljeve por edhe kalimit të një numri të nxënësve në shkollat e sektorit privat. Kjo ka shkaktuar një tepricë të rreth 2 mijë mësimdhënësve në sistemi ne arsimit por dua të ju siguroj se për këta mësimdhënës janë siguruar pagat edhe për vitin 2023 dhe ne në bashkëpunim me komunat do të bëjmë përpjekje që kjo tepricë të shfrytëzohet për një organizim më të mirë brenda shkollave”, ka thënë ai

Sipas tij, këta mësimdhënës do të angazhohen për shërbime shtesë në shkolla të cilat deri tani nuk janë realizuar për shkak të mungesës së financave.

Pupovci gjithashtu ka deklaruar se në vitin 2023 parashihet të angazhohen edhe 300 asistentë për fëmijët me nevoja të veçanta.

Related Topics:
Continue Reading

Lajmet

PDK dorëzon dy ankesa në PZAP, KQZ në pritje të vendimit për rezultatet përfundimtare

Published

7 seconds ago

on

June 22, 2026

By

Komisioni Qendror i Zgjedhjeve është në pritje të përfundimit të shqyrtimit të ankesave lidhur me procesin zgjedhor, para se të shpallë rezultatet përfundimtare të zgjedhjeve të parakohshme për Kuvendin e Kosovës.

Zëdhënësi i KQZ-së, Valmir Elezi, ka deklaruar se shpallja e rezultateve varet nga përmbyllja e procedurave ankimore dhe vendimet që do të merren nga institucionet përkatëse.

Ai theksoi se pas këtyre vendimeve do të vlerësohet nëse ato përmbajnë obligime konkrete për KQZ-në.

Dy ankesa lidhur me procesin e rinumërimit janë dorëzuar në Panelin Zgjedhor për Ankesa dhe Parashtresa (PZAP), pas përfundimit të afatit 48-orësh të ankimimit të dielën në mesditë.

PZAP ka afat prej tre ditësh për të vendosur lidhur me këto ankesa, të cilat janë paraqitur nga Partia Demokratike e Kosovës (PDK), njëra të premten dhe tjetra të shtunën.

/A.K/

Continue Reading

Lajmet

Sekuestrohen armë dhe municion në tri raste në Zubin Potok

Published

32 minutes ago

on

June 22, 2026

By

Në tri raste të ndara në Zubin Potok janë gjetur dhe sekuestruar armë, municion dhe pajisje të tjera të dyshuara, ndërsa policia ka nisur hetimet.

Sipas raportit 24-orësh të Policisë së Kosovës, më 21.06.2026, në një objekt (shtallë për ushqim bagëtish) është gjetur dhe sekuestruar një armë zjarri, pesë karikatorë të armës së gjatë me gjithsej 151 fishekë, pjesë të uniformës së kamufluar si dhe një bateri ndriçuese. Rasti është nën hetime nga njësitet relevante policore.

Në një rast tjetër në të njëjtën zonë dhe datë, në një objekt të ngjashëm janë sekuestruar një armë zjarri, 74 fishekë të kësaj arme dhe 254 fishekë të armës së gjatë. Edhe për këtë rast janë duke u zhvilluar hetime.

Ndërsa në rastin e tretë, në një objekt të pabanuar janë gjetur dhe sekuestruar një pushkë dhe një bajonetë, 11 fishekë të së njëjtës armë, 33 fishekë të armës së gjatë, dy makina për mbushjen e fishekëve të armës së gjuetisë, rreth 200 gramë barut dhe rreth 2 kg sfera për mbushje fishekësh.

Hetimet për të tri rastet po vazhdojnë nga ekipet relevante policore.

/A.K/

Continue Reading

Lajmet

Tragjedi në Gjermani, dy shqiptare humbin jetën në një aksident të rëndë në autostradë

Published

33 minutes ago

on

June 22, 2026

By

Dy gra të reja me origjinë nga Kosova kanë humbur jetën në një aksident të rëndë trafiku që ndodhi të shtunën në autostradën A5, pranë Appenweier, në landin e Baden-Württembergut në Gjermani. Lajmi është raportuar nga mediat gjermane, të cilat kanë publikuar detaje nga ngjarja tragjike.

Sipas raportimeve, aksidenti ndodhi në drejtim të Karlsruhe, pasi fillimisht dy automjete u përplasën gjatë një manovre të ndryshimit të korsisë me shpejtësi të lartë. Si pasojë, automjetet mbetën të ndaluara në rrugë, duke detyruar drejtuesit e mjeteve që vinin pas tyre të frenonin papritur. Kjo shkaktoi një tjetër aksident zinxhiror, ku u përfshinë gjithsej pesë automjete.

Mediat gjermane raportojnë se dy gratë, të cilat po udhëtonin së bashku në një veturë, humbën jetën në vendngjarje si pasojë e plagëve të marra. Ndërkohë, një person tjetër ka pësuar lëndime të rënda dhe është dërguar për trajtim mjekësor.

Për shkak të aksidentit, autostrada A5 u mbyll për disa orë, ndërsa ekipet e emergjencës, zjarrfikësit dhe policia intervenuan në vendngjarje. Autoritetet gjermane kanë nisur hetimet për të sqaruar rrethanat e plota të aksidentit. Dëmet materiale vlerësohen të jenë mbi 100 mijë euro.

Identiteti i viktimave ende nuk është bërë publik nga autoritetet gjermane. Sipas raportimeve të mediave, ato ishin me prejardhje nga Kosova.

Continue Reading

Lajmet

Arrestohet një person në Pejë, kanosi policët dhe dëmtoi pajisje në stacion

Published

35 minutes ago

on

June 22, 2026

By

Një person është arrestuar në Pejë, pasi dyshohet se ka kanosur zyrtarë policorë dhe ka dëmtuar pasuri brenda stacionit policor.

Sipas raportit 24-orësh të Policisë së Kosovës, rasti ka ndodhur më 21.06.2026 rreth orës 13:30, ku i dyshuari, mashkull kosovar, dyshohet se i ka kanosur verbalisht me vrasje katër zyrtarë policorë gjatë kryerjes së detyrës zyrtare, si dhe brenda stacionit policor.

Gjithashtu, në një zyrë të stacionit, i dyshuari ka dëmtuar një kompjuter.

Pas intervistimit, me vendim të prokurorit, i dyshuari është dërguar në mbajtje.

/A.K/

Continue Reading

Të kërkuara