Lajmet

MCC investon 11 milionë € në efiçiencë, kërkohet kursim i energjisë e përkrahje nga Qeveria

Është mbajtur konferenca “Roli i sektorit privat në promovimin e energjisë efiçiente në Kosovë”.

Published

on

Fondacioni i Mileniumit i Kosovës (MFK), i mbështetur nga Korporata e Sfidave të Mijëvjeçarit (MCC) dhe komunat kanë zbatuar projektin Subvencione për Efiçiencë të Energjisë në Kosovë (SEEK) një aktivitet testues prej 20 milionë dollarësh, që kishte për qëllim të zvogëlojë hendekun midis kërkesës dhe ofertës për energji.

Me këtë rast është mbajtur konferenca “Roli i sektorit privat në promovimin e energjisë efiçiente në Kosovë”.

Petrit Selimi, kryeshef i MFK-së, tha se qëllim kanë t’i ndihmojnë institucionet të destitojnë investimet në efiçiencë të energjisë. Ai tha se janë ndarë 11 milionë euro për kursimin e energjisë, duke shtuar se projekti ka nisur para 3 vitesh.

Përveç kësaj kjo konferencë ka ofruar një platformë për më tepër se 100 partnerë të sektorit të biznesit dhe instalues të certifikuar për shkëmbimin e përvojave, për identifikim e energjive të reja potenciale si dhe për zhvillimin e modeleve mbështetës për institucionet e Kosovës për një efiçiencë më të madhe të energjisë.

“…rreth 11 milionë euro janë ndarë për familjet kosovare për këtë projekt, që të iu ndihmojmë qytetarëve që të kursejnë me izolime të shtëpive”, deklaroi ai.

Getoart Mjeku, zëvendësministër i Ekonomisë, tha se në kohë të krizës energjetike është i nevojshëm investimi në energjinë efiçente.

“…e çmoj shumë këtë kontribut, sepse është koha për përkrahje për energji elektrike pasi jemi në krizë energjetike, 6 milionë euro janë ndarë për efiçiensën e energjisë”, deklaroi ai.

Kevin Mitchell, drejtor Menaxhues i operacionit Sektorale, tha se janë testuar numër i madh i shtëpive me qëllim kursimin e energjisë, duke u izoluar.

Ulrich Theuerkauf, drejtor i Departamentit të Energjisë në GFA (Consulting Group GmbH), tha se projekti ka nisur qysh në vitin 2011. Ai ka kërkuar nga Qeveri që të investojnë në këtë sektorë, raporton EO.

“Që nga viti 2011 ka filluar ky projekt me izolimin e shtëpive për efiçencën e energjisë e në vitin 2022 punimet na është dashur që t’i ndalojmë për shkak të Covid-19, por me në fund e kemi përfunduar dhe sot po festojmë më arritjet tona. Dhe që i kërkojë qeverisë ta mbështetin projektin për efiçencën e energjisë elektrike”, deklaroi ai.

Lajmet

​Lëndohet ylli tjetër i Arsenalit

Published

on

Martin Odegaard i Arsenalit është larguar nga skuadra e Norvegjisë për shkak të lëndimit të ligamentit të gjurit.

Odegaard pësoi një dëmtim gjatë fitores 2-0 të skuadrës së tij në Premier League kundër Ëest Ham United të shtunën, dhe megjithëse u përpoq të vazhdonte, ai u zëvendësua përfundimisht nga Martin Zubimendi pas 30 minutash.

26-vjeçari do të humbasë ndeshjen kualifikuese të Norvegjisë për Kupën e Botës 2026 kundër Izraelit të shtunën si dhe ndeshjen miqësore kundër Zelandës së Re më 14 tetor.

Në një deklaratë, Arsenali tha se Odegaard kishte pësuar një dëmtim të ligamentit medial kolateral në gjurin e majtë.

“Martin do të vazhdojë të vlerësohet dhe trajtohet nga ekipi ynë mjekësor gjatë pauzës së ndeshjeve ndërkombëtare, me qëllim rikthimin në aksion sa më shpejt të jetë e mundur,” tha ai.

Sezoni i Odegaard është ndikuar shumë nga dëmtimet, me mesfushorin që ka dëmtuar shpatullën kundër Leeds United në gusht dhe pësoi një përsëritje të atij dëmtimi kundër Nottingham Forest muajin e kaluar./S.K/KP/

Continue Reading

Lajmet

10 mijë euro ilegalisht në Vërmicë, dogana jep detaje

Published

on

By

Në Vermicë, gjatë një kontrolli të detajuar ndaj një automjeti që po hynte në Kosovë, një udhëtar deklaroi se nuk posedonte mjete monetare për deklarim, megjithëse, ndaj të njëjtit u gjetën dhe u konfiskuan mbi 10 mijë euro.

Në përputhje me legjislacionin në fuqi, Dogana e Kosovës ka ndërmarrë masat e parapara ligjore, ku është konfiskuar 25% e shumës së padeklaruar, ndërsa pjesa tjetër e mjeteve është ndaluar përkohësisht, deri në përfundimin e procedurave të mëtejshme.

Dogana e Kosovës rithekson rëndësinë e respektimit të obligimeve ligjore nga të gjithë qytetarët dhe udhëtarët që kalojnë përmes pikave kufitare, duke rikujtuar se çdo shumë mbi 10,000 euro, e bartur në hyrje apo dalje nga territori i vendit, duhet të deklarohet paraprakisht pranë zyrtarëve doganorë”, thuhet tutje në njoftimin e Doganës./D.B/EO

Continue Reading

Lajmet

Derbi i madh i Superligës zhvillohet sot

Published

on

Xhiro e tetë e Superligës së Kosovës në futboll do të mbyllet sot me ballafaqimin ndërmjet Gjilanit dhe Dritës.

Edhe pse renditja tabelare e të dy skuadrave lë shumë për të dëshiruar në këtë fillim sezoni, ky derbi gjithmonë ofron emocione të forta dhe interesim të madh për ta ndjekur.

Drita, skuadër kampione në fuqi pas shtatë ndeshjeve ka mbledhur vetëm tetë pikë dhe renditet në vendin e tetë në tabelë.

Nga ana tjetër, Gjilani e ka nisur në mënyrë katastrofale këtë edicion pasi kanë mbledhur vetëm shtatë pikë nga shtatë ndeshjet e zhvilluara dhe janë të fundit në renditjen tabelare, pra në vendin e dhjetë.

Ndeshja zhvillohet nga ora 15:00./S.K/KP/

Continue Reading

Lajmet

Kurti: Arsimi është prioritet i Qeverisë, i kemi shtuar 22 inspektorë të rinj të arsimit

Published

on

By

Kryeministri në detyrë i Republikës së Kosovës, Albin Kurti, ka marrë pjesë sot në punëtorinë njëditore të organizuar nga Inspektorati i Arsimit me temën “Praktikat e mira për inspektim efektiv”, ku ka theksuar rëndësinë që Qeveria i jep arsimit dhe forcimit të kapaciteteve institucionale në këtë fushë.

Në fjalën e tij para inspektorëve të arsimit, Kurti ka vlerësuar përpjekjet dhe angazhimin e tyre, duke rikujtuar sfidat me të cilat është përballur ky institucion ndër vite. Ai tha se për një periudhë të gjatë, Inspektorati ka funksionuar me vetëm 25 inspektorë, një numër që, sipas tij, nuk përkon me nevojat reale të sistemit arsimor në vend.

Jemi këtu së bashku për të vlerësuar përpjekjet për ngritjen e cilësisë në arsim edhe për të rikonfirmuar që arsimimi dhe edukimi i brezave të rinj është prioritet i qeverisë tonë. Kujtojmë se për një periudhë të gjatë kohore Inspektorati i Arsimit ka funksionuar me vetëm 25 inspektorë. Një numër që nuk përkon as afër me institucionet arsimore, kopshteve, çerdheve – nuk përkon me barrën që ka ky institucion. Edhe përballë këtij realiteti sfidues, me përkushtim ju keni mbajtur funksionin e njërit prej mekanizmave më të rëndësishëm të sistemit arsimor, e për këtë ju shpreh vlerësimin dhe mirënjohjen time”, theksoi Kurti.

Ai bëri të ditur se si rezultat i angazhimit të Qeverisë dhe Ministrisë së Arsimit, janë shtuar 22 inspektorë të rinj, të cilët do të forcojnë më tej praninë dhe mbështetjen në terren për institucionet arsimore në vend.

Përpjekjet e qeverisë sonë dhe MAShT për forcimin e kapaciteteve të Inspektoratit Arsimor nuk janë ndalur asnjëherë. Si rezultat i këtij angazhimi kemi shtuar 22 inspektorë të rinj që do t’i japin sistemit tonë arsimor më shumë mbështetje dhe prani në terren”, deklaroi Kryeministri në detyrë.

Ai shtoi se investimet në arsim kanë qenë të vazhdueshme dhe të orientuara drejt përmirësimit të kushteve për mësimdhënie dhe mësimnxënie: nga ndërtimi dhe renovimi i shkollave me infrastrukturë moderne, pajisje bashkëkohore, e deri te zhvillimi profesional i mësimdhënësve.

Të gjitha këto investime janë në favor edhe të juve si Inspektorat. Sa më i fortë të jetë themeli i sistemit arsimor, aq më e lehtë bëhet puna e inspektimit dhe aq më pak ndërhyrje do të jenë të nevojshme”, përfundoi Kurti./D.B/EO

Continue Reading

Të kërkuara