Lajmet

Rusi: Stafi i linjave ajrore ruse merr ftesa për rekrutim ushtarak

Sipas burimeve në tre kompani, nga 50 deri në 80 për qind e punonjësve potencialisht mund të thirren.

Published

4 years ago

on

Punonjësit e linjës ajrore ruse dhe të aeroportit kanë filluar të marrin njoftime për rekrutim, sipas gazetës së vendit Kommersant.

Lajmi vjen pasi presidenti Vladimir Putin urdhëroi një mobilizim të pjesshëm ushtarak të 300,000 rezervistëve të ushtrisë javën e kaluar.

Punonjësit e të paktën pesë linjave ajrore, përfshirë transportuesin kryesor rus Aeroflot, dhe stafi në më shumë se 10 aeroporte morën njoftime brenda një dite pasi Putini urdhëroi mobilizimin, raporton gazeta.

Sa personel i linjave ajrore mund të rekrutohen në Rusi?

Sipas burimeve në tre kompani, nga 50 deri në 80 për qind e punonjësve potencialisht mund të thirren. Një burim i afërt me Aeroflot tha se mbi gjysma e stafit në tre prej linjave ajrore të grupit potencialisht mund të rekrutohen, thotë Kommersant.

Vet Aeroflot nuk pranoi të komentojë.

Shumica e pilotëve në linjat ajrore janë oficerë rezervë të trajnuar në departamentet ushtarake të shkollave të fluturimit, ose që kanë kryer shërbimin ushtarak.

Të paktën pesë kompani kanë filluar të përpilojnë dhe dy kanë dërguar tashmë listat e punonjësve që do të përjashtohen, pasi përjashtimi është kritik jo vetëm për pilotët dhe kontrollorët e trafikut ajror, por edhe për specialistët teknikë, tregtarë dhe IT, sipas Kommersant.

Të mërkurën, Putin urdhëroi mobilizimin e parë të Rusisë që nga Lufta e Dytë Botërore. Ai gjithashtu mbështeti një plan për të aneksuar pjesë të Ukrainës, duke nxitur shumë rusë të moshës së re të largohen nga vendi.

Ministri i Mbrojtjes Sergei Shoigu tha se rreth 300,000 rezervistë do të thirren dhe se ata do të jenë specialistë me përvojë luftarake./UBTNews/

Related Topics:
Continue Reading

Lajmet

Godet këmbësoren me veturë, arrestohet i dyshuari në Prishtinë

Published

10 minutes ago

on

September 23, 2026

By

Një person është arrestuar në Prishtinë pasi dyshohet se, gjatë drejtimit të veturës nga pakujdesia, ka goditur një këmbësore.

Rasti ka ndodhur më 22 shtator, rreth orës 12:50. Si pasojë e aksidentit, këmbësorja ka pësuar lëndime trupore dhe është dërguar për trajtim mjekësor në QKUK.

Në konsultim me prokurorin është iniciuar rasti, ndërsa i dyshuari është dërguar në mbajtje./A.K/

Continue Reading

Lajmet

Dy persona arrestohen në Kaçanik, dyshohet se keqpërdorën dy gra

Published

12 minutes ago

on

September 23, 2026

By

Dy persona janë arrestuar në Kaçanik, pasi dyshohet se kanë keqpërdorur dy gra.

Rasti është raportuar më 21 shtator, rreth orës 23:00. Viktimat janë intervistuar nga prokurori, i cili ka autorizuar hapjen e rastit.

Të dyshuarit janë identifikuar dhe arrestuar, ndërsa pas intervistimit, me vendim të prokurorit, janë dërguar në mbajtje./A.K/

Continue Reading

Lajmet

Shqiptarët protestojnë para OKB-së në New York kundër vendimit të Speciales

Published

15 minutes ago

on

September 23, 2026

By

Shumë shqiptarë janë mbledhur të martën para selisë së Organizatës së Kombeve të Bashkuara në New York, në protestë kundër vendimit të Gjykatës Speciale ndaj katër ish-krerëve të UÇK-së.

Protestuesit kanë mbajtur pankarta me mesazhe si “Drejtësi, jo politikë”, “Lironi heronjtë tanë” dhe “Heronj të luftës e të paqes”, duke kërkuar lirimin e Hashim Thaçit, Jakup Krasniqit, Kadri Veselit dhe Rexhep Selimit.

Protesta të ngjashme janë zhvilluar që nga 16 shtatori në Kosovë dhe në disa vende të tjera, përfshirë Kanadanë, Zvicrën, Gjermaninë dhe Austrinë.

Gjykata Speciale i dënoi Hashim Thaçin dhe Jakup Krasniqin me nga 25 vjet burgim, Kadri Veselin me 18 vjet dhe Rexhep Selimin me 13 vjet, pas shpalljes fajtorë për vepra të lidhura me krime lufte./A.K/

Continue Reading

Lajmet

OpenAI parashikon shpenzime prej 856 miliardë dollarësh deri në vitin 2030

Published

28 minutes ago

on

September 23, 2026

By

OpenAI parashikon fluks negativ të parasë së lirë prej rreth 278 miliardë dollarësh gjatë viteve 2026–2030, ndërsa përshpejton investimet në fuqinë kompjuterike dhe infrastrukturën e nevojshme për zhvillimin e inteligjencës artificiale, raporton Financial Times.

Sipas një prezantimi të kompanisë të siguruar nga Financial Times, OpenAI planifikon të shpenzojë rreth 856 miliardë dollarë për fuqi kompjuterike dhe infrastrukturë deri në fund të vitit 2030.

Në të njëjtën periudhë, kompania pret që të ardhurat vjetore të rriten nga rreth 36 miliardë dollarë në vitin 2026 në 350 miliardë dollarë në vitin 2030, ndërsa të ardhurat kumulative pritet të arrijnë rreth 840 miliardë dollarë.

OpenAI, e cila qëndron pas ChatGPT, ka siguruar 122 miliardë dollarë kapital në mars, por parashikimet e kompanisë sugjerojnë se këto fonde mund të shterojnë deri në vitin 2028, nëse vazhdon ritmi i planifikuar i shpenzimeve.

Ndërkohë, kompania është në bisedime për një raund të ri financimi që mund ta çojë vlerësimin e saj në mbi 1.2 trilionë dollarë.

Shifrat pasqyrojnë përmasat e investimeve që kërkon gara për zhvillimin e modeleve të avancuara të inteligjencës artificiale, veçanërisht për qendrat e të dhënave, çipat dhe kapacitetin kompjuterik./A.K/

Continue Reading

Të kërkuara