Bota

Mbyllet automatikisht termocentrali bërthamor në Zvicër

Published

on

Termocentrali bërthamor në Dottingen, afër kufirit me Gjermaninë, është mbyllur automatikisht mbrëmjen e djeshme për shkak të një defekti në lidhjen me rrjetin elektrik, njoftoi operatori i centralit, Axpo. Kjo mbyllje ka sjellë lëshimin e avujve të ujit jo radioaktiv mbi çatinë e një pjese të centralit që nuk ishte e përfshirë në reaksionet bërthamore, duke siguruar kështu që nuk ka pasur rrezik për mjedisin apo për jetën e punonjësve.

Sipas kompanisë Axpo, problemi është identifikuar vetëm në një nga reaktorët e termocentralit dhe është duke u hetuar nga ekspertët e fushës për të zbuluar shkaqet që çuan në defektin. Ndërkohë, ende nuk ka një informacion të qartë në lidhje me kohën kur mund të rindizet reaktori i prekur.

Në të njëjtën zonë, ndodhen edhe dy termocentrale bërthamorë të tjera, Beznau 1 dhe Beznau 2, të cilët janë ndër më të vjetrit në botë, pasi janë vënë në punë në vitet 1969 dhe 1971, dhe janë ende të aktivizuar. Këto dy centrale gjithashtu operojnë nën mbikëqyrjen e Axpo.

Zvicra ka vendosur të heqë dorë nga energjia bërthamore, dhe për këtë arsye është planifikuar mbyllja e centraleve bërthamore pas skadimit të lejeve të sigurisë. Beznau 1 dhe Beznau 2 pritet të mbyllen në vitet 2032 dhe 2033, përkatësisht, sipas planit të vendosur nga autoritetet zvicerane.

Operatori Axpo ka siguruar se do të vazhdojnë hetimet për të kuptuar plotësisht shkakun e defektit dhe të sigurojnë që të gjithë proceset të jenë të sigurta për punonjësit dhe për mjedisin./UBTNews/

Aktualitet

Valë e të nxehtit ekstrem godet Spanjën

Published

on

Continue Reading

Aktualitet

Estonia nis revolucionin digjital në shkolla: Inteligjenca Artificiale, pjesë e çdo klase

Published

on

Përderisa shumë vende në Evropë e kanë ndaluar përdorimin e “smartphone”-ve në shkolla, Estonia e konsideruar fuqia e re arsimore e Evropës – është duke udhëzuar nxënësit të përdorin pajisjet në klasë, ndërsa që nga shtatori do marrin llogaritë personale të Inteligjencës Artificiale.

Estonia po nis iniciativë kombëtare AI Leap, që do t’i pajisë nxënësit dhe mësuesit me “mjete dhe aftësi botërore në fushën e inteligjencës artificiale”.

U bë e ditur se po negociohen licenca me OpenAI, që do shndërrojë Estoninë në laborator eksperimental për përdorimin e Inteligjencës Artificale në shkolla.

Qëllimi është të ofrohet qasje falas në mjetet më të avancuara të të mësuarit me IA për 58,000 nxënës e 5,000 mësues deri më 2027, duke filluar me 16- dhe 17-vjeçarët këtë shtator. Sipas zyrtarëve, mësuesit do trajnohen në teknologji, duke vënë prioritet barazinë arsimore dhe aftësitë për përdorimin e IA-së. Ata kanë thënë se kjo do ta bëjë Estoninë “një nga kombet më të mençura në përdorimin e IA-së.”

Ministrja estoneze e arsimit, Kristina Kallas, gjatë një vizite në Londër  ëshë shprehur me fjalët: “E di se shumica e vendeve evropiane janë skeptike dhe të kujdesshme ndaj ekraneve, telefonave mobilë dhe teknologjisë. Por në rastin e Estonisë, shoqëria në përgjithësi është shumë më e hapur dhe e prirë për të përdorur mjete dhe shërbime dixhitale. Mësuesit nuk bëjnë përjashtim.”

Continue Reading

Bota

Izraeli bombardon shtëpinë e gazetarit në Gaza – 8 të vdekur

Published

on

By

Të paktën tetë persona janë vrarë dhe disa të tjerë janë plagosur pas një sulmi ajror të ushtrisë izraelite që goditi shtëpinë e gazetarit Osama el-Arbid në zonën As-Saftavi, në veri të Rripit të Gazës, mëngjesin e sotëm. Sipas raportimeve të Al Jazeera, gazetari el-Arbid i ka mbijetuar sulmit dhe është nxjerrë i gjallë nga rrënojat.

Burime shëndetësore të Al Jazeera-s konfirmojnë se që nga orët e para të mëngjesit, të paktën 15 persona janë vrarë nga bombardimet izraelite në pjesë të ndryshme të Gazës.

Në një tjetër incident tragjik, tre palestinezë humbën jetën pasi ushtria izraelite hapi zjarr ndaj një grupi qytetarësh pranë një pike shpërndarjeje të ndihmës humanitare, e ngritur nga një organizatë e mbështetur nga Izraeli dhe SHBA.

Ndërkohë, në qytetin jugor të Rafahut, autoritetet lokale raportuan për 46 persona të plagosur dhe shtatë të zhdukur si pasojë e një sulmi tjetër ajror të martën.

Situata në Gaza vazhdon të përshkallëzohet, ndërsa organizatat ndërkombëtare për të drejtat e njeriut po bëjnë thirrje për ndaljen e menjëhershme të dhunës dhe mbrojtjen e civilëve, përfshirë gazetarët dhe punonjësit humanitarë.

Continue Reading

Bota

Mbreti Charles dhe Princi William shprehin keqardhje për ngjarjen në Liverpool

Published

on

By

Mbreti Charles ka reaguar pas incidentit të rëndë që ndodhi dje gjatë festës së klubit në Liverpool, ku një makinë hyri në turmë, duke lënë rreth 50 persona të lënduar.

Pallati Buckingham përmes një deklarate shprehu tronditjen e thellë të Mbretit Charles dhe Mbretëreshës Camilla për ngjarjet e pakëndshme që ndodhën.

“Është vërtetë shkatërruese që një festë e gëzueshme për shumë njerëz përfundoi në rrethana të tilla shqetësuese,” thuhet në deklaratë.

Edhe Princi William i Uellsit reagoi, duke shprehur keqardhjen e tij për situatën dhe solidaritetin me të plagosurit dhe shërbimet e emergjencës.

“Në këtë moment të vështirë, shpirti i qytetit të Liverpoolit do të jetë mbështetja dhe ngushëllimi për të gjithë,” theksoi ai.

Continue Reading

Të kërkuara