Lajmet

Mbrojtja e Shalës fillon paraqitjen e provave më 18 shtator

Kryetarja e trupit gjykues, Mappie Veldt Foglia, ka thënë se paraqitja e provave nga mbrojtja e Shalës do të fillojë më 18 shtator 2023.

Published

1 year ago

August 25, 2023

Betim Gashi

Trupi gjykues në rastin kundër Pjetër Shalës ka refuzuar pesë dëshmitarë që mbrojtja kishte parashikuar të japin dëshmi në këtë çështje gjyqësore. Kjo është bërë e ditur në konferencën përgatitore për mbrojtjen që është mbajtur në Dhomat e Specializuara të Kosovës në Hagë.

Kryetarja e trupit gjykues, Mappie Veldt Foglia, ka thënë se paraqitja e provave nga mbrojtja e Shalës do të fillojë më 18 shtator 2023.

“Trupi gjykues urdhëron heqjen e dëshmitarëve të mëposhtëm nga lista e dëshmitarëve të mbrojtjes, këta dëshmitarë janë 4454, dëshmitari i dytë është 404, dëshmitari i tretë është dëshmitari 2517, dëshmitari i katërt është 2549 dhe dëshmitari i fundit është 4751. Në pajtim me rregullën 119 paragrafi 3 i rregullores”, ka thënë Foglia.

Në një pjesë të arsyetimit të këtij urdhri, seanca ka vijuar e mbyllur për publikun apo është transmetuar me përmbajtje të redaktuar.

Ndërsa në seancë publike, kryegjykatësja ka thënë se dëshmia e pritshme e dëshmitarit me kodin 4454 është përtej kuadrit material dhe kohor të akuzave dhe sipas saj nuk e ndihmon turpin gjykues për zbulimin e së vërtetës.

“Sa i takon dëshmitarit 4454 ne vërejmë që ky dëshmitar ka qëndruar në shtëpinë 1 në Kukës dhe ka shkuar në fabrikën e përpunimit të metalit në Kukës vetëm dy herë përpara fundit të prillit të vitit 1999. Si rezultat, trupi gjykues konstaton se dëshmia e pritshme e këtij dëshmitari është përtej kuadrit material dhe kohor të akuzave dhe nuk do ta ndihmojë trupin gjykues për përcaktimin e fakteve dhe për zbulimin e së vërtetës. Sa i takon dëshmitarit 4-04 i cili do të pritej të dëshmonte në kohën që ka kaluar në qendrën e mobilizimit në Kukës në vitin 1999, turpi gjykues konstaton se edhe pas parashtrimeve të përmbledhjeve të rishikuara, mbrojtja nuk ka dëshmuar që dëshmitari ka qenë i pranishëm në fabrikën e përpunimit të metalit në Kukës në kohën që lidhet me aktakuzën, me fjalë të tjera mbrojtja nuk ka treguar që dëshmitari i propozuar nuk ka qenë anëtar i Brigadës 128 dhe që ky dëshmitar nuk e ka parë të akuzuarin në Kukës, dhe kjo nuk është e rëndësishme për këtë çështje”, ka thënë Foglia.

Ndërsa kur ka folur për dëshmitarin me kodin 2517, seanca është transmetuar me përmbajtje të redaktuar.

“Ju udhëzojmë të dorëzoni një listë të përditësuar të dëshmitarëve deri të martën me datë 29 gusht 2023. Gjithashtu ju kërkojmë që të dorëzoni në dokumentacionin e çështjes, deri në të njëjtën datë, përmbledhje të rishikuar të dëshmitarëve të dërguar përmes postës elektronike dje. Mbrojtja ka thënë se i duhen 48.5 për marrje në pyetje të dëshmitarëve të saj, pas heqjes nga lista e dëshmitarëve të pesë dëshmitarëve për të cilët folëm më sipër trupi gjykues konstaton se është e përshtatshme të jepen 40.5 orë për mbrojtjen për paraqitjen e provave të veta”, ka thënë ajo.

Kryegjykatësja ka bërë të ditur se seanca e radhës në këtë çështje gjyqësore do të mbahet më 18 shtator ku do të fillojë paraqitja e provave nga mbrojtja e Pjetër Shalës.

E në këtë konferencë ka marrë pjesë përmes videolidhjes nga qendra e paraburgimit në Hagë ku po qëndron prej marsit të vitit 2021.

Sipas Speciales “Krimet për të cilat akuzohet z.Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.

Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, në bazë të një kërkese për bashkëpunim në zbatimin e fletëarrestit dhe urdhrit për transferim lëshuar nga Dhomat e Specializuara të Kosovës.

Related Topics:Hage mbrojtja e Shales Pjeter Shala

Up Next

724 aplikime për subvencionim të pajisjeve

Don't Miss

Rama: S’ka telenovelë, unë dhe Kurti jemi sovran dhe kemi qëndrimet tona

Bota

Ish-udhëheqësi i Hezbollah do të varroset të dielën

Published

1 day ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

1 day ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

1 day ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

1 day ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.