Bota

Mbrojtja e Evropës: Merret sot vendimi historik në Gjermani

Published

on

Berlini bëhet këtë të martë qendra e një vendimi që mund të përcaktojë të ardhmen e mbrojtjes evropiane dhe mbështetjen e saj për Ukrainën.

Parlamenti gjerman, Bundestagu, pritet të votojë për rritjen e shpenzimeve ushtarake, në një moment kritik kur Rusia po avancon në Ukrainë dhe SHBA sinjalizon se Evropa duhet të marrë më shumë përgjegjësi për mbrojtjen e saj.

Ky votim në Bundestag është absolutisht vendimtar,” thotë Prof. Monika Schnitzer, kryetare e Këshillit të Ekspertëve Ekonomikë të Gjermanisë.

Pas Konferencës së Sigurisë në Mynih dhe tensioneve midis Donald Trump dhe Volodymyr Zelensky, Evropa ka kuptuar se nuk mund të mbështetet më plotësisht te Uashingtoni për mbrojtjen e saj. Si ekonomia më e madhe e kontinentit, Gjermania ka një rol kyç në forcimin e mbrojtjes evropiane.

Shpenzimet e mbrojtjes së Gjermanisë u rritën me 23.2% vitin e kaluar, duke ndikuar në një rritje rekord prej 11.7% të shpenzimeve të mbrojtjes në të gjithë Evropën. Ekspertët theksojnë se investimet e reja në sektorin ushtarak janë të domosdoshme për të mos lejuar ngecjen e këtij përparimi.

Kancelari Friedrich Merz përballet me një garë kundër kohës. Me Parlamentin e ri që mblidhet më 25 mars, ai kërkon të sigurojë shumicën e nevojshme sot, pasi jo të gjithë mbështesin rritjen e shpenzimeve për mbrojtjen. Partia e ekstremit të djathtë AfD dhe e majta ekstreme janë zotuar ta kundërshtojnë këtë vendim.

Duke qenë se votimi kërkon një shumicë prej dy të tretash, sot mund të jetë momenti kyç për të kaluar këtë masë, përpara se të diskutohet më tej në dhomën e lartë të parlamentit gjerman.

Ky votim pritet të ketë ndikim të madh jo vetëm për Gjermaninë, por për të gjithë arkitekturën e sigurisë evropiane.

Bota

Shefi i NATO-s, Rutte paraqet planin e rritjes së shpenzimeve për mbrojtjen

Published

on

By

Shefi i NATO-s, Mark Rutte, u ka propozuar anëtarëve të aleancës të rrisin shpenzimet e mbrojtjes në 3.5% të PBB-së dhe të shpenzojnë 1.5% të tjera për artikuj të tjerë që lidhen me mbrojtjen, për të përmbushur kërkesën e Donald Trump për një objektiv prej 5%, thanë për Reuters njerëz të njohur me idenë.

Propozimi i Rutte mund t’i lejojë presidentit amerikan të shpallë një fitore në një samit të NATO-s në Hagë në qershor, ndërkohë që nuk i angazhon vendet evropiane dhe Kanadanë për një premtim prej 5% për shpenzimet thelbësore të mbrojtjes, të cilin shumë e shohin si të paqëndrueshëm politikisht dhe ekonomikisht.

Continue Reading

Bota

Kina shqyrton ofertat e SHBA, Ministria e Tregtisë: Pekini i hapur për bisedime

Published

on

By

Pekini po shqyrton qasjet e ndryshme të administratës Trump për tejkalimin e kontesteve tregtare, ka bërë të ditur të enjten Ministria kineze e Tregtisë.

Megjithatë, në një deklaratë për shtyp, ministria ka theksuar se tarifat e njëanshme prej 145 për qind mbeten një pengesë që minon mirëbesimin.

Deklarata përsërit qëndrimin e Kinës se është e hapur për bisedime, por edhe vendosmërinë e saj për të luftuar nëse është e nevojshme.

Tarifat ishin një lëvizje e njëanshme e Shteteve të Bashkuara dhe nëse Shtetet e Bashkuara duan të flasin, atëherë duhet ta bëjnë këtë me sinqeritet dhe të jenë të gatshme të korrigjojnë praktikat e tyre të gabuara”, thuhet në deklaratë.

Sipas dokumentit, qeveria në Pekin ka marrë në konsideratë deklarata të bëra nga zyrtarë të ndryshëm amerikanë që tregonin vullnetin për të negociuar mbi tarifat.

Por Kina nuk do t’i shqyrtojë ato më tej nëse vetë presidenti Trump nuk del me një qasje të sinqertë.

Të thuash diçka por të bësh diçka tjetër, ose të kryesh shantazhe nën petkun e bisedimeve nuk do të funksionojë me Kinën”, thotë më tej deklarata.

Pekini i është përgjigjur tarifave të Trump me masa reciproke deri në 125 për qind. Gjithashtu, vendi aziatik ka ashpërsuar kufizimet e eksporteve në Shtetet e Bashkuara të mineraleve me rëndësi strategjike dhe ka ndalur importin e një seri produktesh amerikane.

Continue Reading

Bota

Një tërmet me magnitudë 7.4 ballë godet jugun e Argjentinës

Published

on

By

Një tërmet me magnitudë 7.4 është regjistruar rreth 219 kilometra në jug të Argjentinës.

Vlerësimi fillestar i Shërbimit Gjeologjik të SHBA-së (USGS) tha se tërmeti ndodhi në orën 09:58 me kohën lokale në një thellësi prej 10 kilometrash.

Deri më tani nuk ka patur raportime për viktima dhe as nuk është lëshuar ndonjë paralajmërim për cunami.

Continue Reading

Bota

Rubio: SHBA-të vazhdojnë përpjekjet për të zgjidhur konfliktin në Ukrainë

Published

on

By

Shtetet e Bashkuara nuk heqin dorë nga çështja e zgjidhjes së konfliktit në Ukrainë, por e kuptojnë se ka shumë probleme më të rëndësishme në të gjithë globin, tha Këshilltari i Sigurisë Kombëtare dhe Sekretari i Shtetit Marco Rubio.

Ne nuk do të heqim dorë prej kësaj. Por vjen një moment kur Presidenti i SHBA-së Donald Trump duhet të vendosë se sa më shumë kohë duhet t’i kushtojë niveleve më të larta të qeverisë sonë. Çështje edhe më të rëndësishme që po ndodhin në të gjithë botën, jo se një luftë në Ukrainë nuk është e rëndësishme, por do të thoja se ajo që po ndodh me Kinën është më e rëndësishme në planin afatgjatë,” tha Rubio.

Uashingtoni i kupton qëndrimet e Moskës dhe Kievit. Ata janë më afër, por janë ende larg njëri-tjetrit. Dhe do të duhet një përparim i vërtetë këtu shumë shpejt për ta bërë të mundur këtë, ose mendoj se Presidenti do të duhet të marrë një vendim se sa më shumë kohë do t’i kushtojmë kësaj”, shtoi Sekretari i Shtetit amerikan.

Continue Reading

Të kërkuara