Sport

Mbrojtësi i United mbyll sezonin, rrezikon edhe Kampionatin Evropian

28-vjeçari u detyrua ta mbyllte para kohe ndeshje e fundjavës ndaj Luton Town, sfidë të cilën “Djajtë e Kuq” e fituan 1-2.

Published

3 years ago

February 22, 2024

Betim Gashi

Luke Shaw pritet t’i mungojë Manchester United për 12 javë pas një tërheqjeje muskulore. 28-vjeçari u detyrua ta mbyllte para kohe ndeshje e fundjavës ndaj Luton Town, sfidë të cilën “Djajtë e Kuq” e fituan 1-2.

Sipas testeve të fundit mjekësore është zbuluar për kohëzgjatjen që Shaw do të qëndrojë jashtë fushave dhe anglezi me shumë mundësi nuk do të mund të luajë më në këtë sezon dhe rrezikon dhe pjesëmarrjen në Euro 2024.

Lajmi vjen si një goditje jo vetëm për trajnerin Erik ten Hag, por edhe për Southgate të Anglisë që e ka aktivizuar mbrojtësin e majtë si titullar në dy turnetë e fundit madhore, madje në Evropianin e fundit, Shaw shënoi dhe në finale ndaj Italisë.

Ky është dëmtimi i dytë i rëndë për Shaw. 28-vjeçari mungoi nga gushti deri në nëntorin e kaluar për shkak të një problem të ngjashëm.

Luke Shaw ka luajtur vetëm 15 ndeshje për Manchester United këtë sezon në të gjitha kompeticionet./UBTNews/

Related Topics:Manchester United Kampionati Evropian Djajte e Kuq Erik ten Hag

Up Next

Ish-portieri i Manchester City njofton tërheqjen nga futbolli

Don't Miss

Inter Miami dhe Messi e nisin me fitore sezonin e ri në MLS

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

7 hours ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

1 day ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

1 day ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L