Sport

Mbrojtësi dardan ikën nga grumbullimi para udhëtimit drejt Lituanisë

Published

on

Kosova ka pësuar një humbje të rëndësishme për ndeshjen e saj në transfertë ndaj Lituanisë, në kuadër të Nations League, pasi mbrojtësi Leart Paqarada është detyruar të largohet nga grumbullimi për shkak të një dëmtimi.

Federata e Futbollit të Kosovës (FFK) njoftoi se Paqarada, i cili luan për klubin e Kolnit, është liruar nga grumbullimi i Kombëtares për ndeshjet kundër Lituanisë dhe Qipros. Në dy ditët e fundit, ai ka stërvitur ndaras nga pjesa tjetër e ekipit, dhe pas ekzaminimeve mjekësore, është vendosur që ai të kthehet në klubin e tij për trajtim të mëtejshëm.

“Në përgjithësi, ai ka stërvitur i diferencuar dhe, pas ekzaminimeve, u vendos që të lirohet,” tha FFK në njoftimin e saj.

Dardanët do të vazhdojnë stërvitjen sot nga ora 11:00, përpara se të udhëtojnë drejt Lituanisë më vonë gjatë ditës. Kjo humbje e Paqaradës përbën një sfidë të madhe për skuadrën, e cila po përgatitet për ndeshjen e rëndësishme për të siguruar rezultat pozitiv në këtë kompeticion./UBTNews/

 

Lajmet

Nora Gjakova në mesin e kampioneve botërore e olimpike në Romë

Published

on

Kampionia olimpike nga Kosova, Nora Gjakova, po merr pjesë në Akademinë e Federatës Ndërkombëtare të Xhudos (IJF) që po mbahet në Romë të Italisë.

Siç shkruan Federata e Xhudos në Kosovë, Gjakova ka përfunduar me sukses pjesën teorike të shkollimit dhe tashmë po ndjek pjesën praktike të trajnimit, përkrah kampioneve të tjera botërore e olimpike, nën udhëheqjen e Daniel Lascau.

Kjo akademi ka për qëllim licencimin dhe ngritjen profesionale të trajnerëve të xhudos në nivel ndërkombëtar./S.K/EO/

Continue Reading

Lajmet

Skandal në Maqedoninë e Veriut, klubi shqiptar suspendohet nga të gjitha ligat!

Published

on

Një skandal i rëndë ka shpërthyer në basketbollin vendor, pasi Federata e Basketbollit të Maqedonisë së Veriut ka marrë vendim që të suspendojë nga të gjitha ligat klubin shqiptar KB “Shkupi”.

Sipas reagimit të klubit, arsyeja zyrtare e këtij vendimi është borxhi financiar i klubit në vlerë prej 590.000 denarësh.

Megjithatë, drejtuesit e klubit theksojnë se situata është pasojë e mosmarrjes së mjeteve të premtuara nga Ministria e Sportit, fonde të cilat KB “Shkupi” duhej t’i merrte me kohë për të mbuluar obligimet e veta financiare.

Ajo që ka tronditur opinionin sportiv është fakti se për suspendimin e klubit ka votuar edhe anëtari shqiptar i bordit, duke ngritur pikëpyetje serioze mbi mbrojtjen e interesave të sportit shqiptar dhe të vetë klubit që përfaqëson një traditë të gjatë në basketbollin e Shkupit.

Me këtë vendim, KB “Shkupi” përjashtohet nga të gjitha aktivitetet zyrtare të Federatës, gjë që pritet të shkaktojë pasoja të mëdha për lojtarët, trajnerët dhe komunitetin sportiv shqiptar në vend.

Ky zhvillim ka ngjallur reagime të ashpra në opinion, ku kërkohet urgjentisht rishikimi i vendimit dhe ndërhyrja e institucioneve përkatëse për të shmangur një dëm të pariparueshëm për sportin shqiptar në Maqedoninë e Veriut./S.K/EO/MK/

Continue Reading

Lajmet

Mbyllen të gjitha ndeshjet në Ligën e Kampionëve, fitojnë favoritët

Published

on

Kanë përfunduar të gjitha ndeshjet në xhiron e tretë të fazës së ligës në Ligën e Kampionëve.

Real Madridi fitoi në ndeshjen kryesore sonte ndaj Juventusit me rezultat minimal 1:0.

Fitore të thellë realizoi Bayern Munich që mposhti 4:0 ekipin belg, Club Brugge.

Fitore 5:1 realizuan Chelsea ndaj Ajax dhe Liverpool ndaj Eintracht Frankfurt./S.K/EO/

 

 

 

Continue Reading

Lajmet

Trajneri i Suedisë i diagnostikuar me leukemi: Më i fortë, sepse e kuptova rëndësinë e jetës

Published

on

Trajneri Anders Torstensson, njëri prej protagonistëve më të mëdhenj të Suedisë që është pagëzuar edhe si ‘Leicester suedez’, prej muajsh po lufton një betejë shumë më të fortë jashtë fushave të lojës.

Në gusht të vitit 2024, Torstensson mësoi një lajm të tmerrshëm; u diagnostikua me leucemi linfatike kronike.

“Që nga ai moment e ndjej veten akoma më të fortë sepse kuptova rëndësinë e jetës, rëndësinë e çdo ditë këtu-pohon trajneri 59 vjeçar-sot nuk ndihem ndryshe në krahasim me ditët kur nuk e dija për sëmundjen. Në një farë mënyre e lë diagnozën në spital. E kam pranuar dhe nuk është diçka që më prek thellë.”, tha ai.

Por në anën tjetër diagnoza me kancer i ka mësuar Torstensson se nuk duhet marrë asgjë për të mirëqenë dhe nuk duhet të i shtyejmë gjërat për t’i bërë të nesërmen.

“Nuk marr asgjë për të mirëqenë dhe nuk i shtyj gjërat për t’i bërë të nesërmen, edhe kjo një arsye që fituam. Të gjithë pyesin për sekretin tonë, por nuk ka asnjë të tillë. Janë rreth 500 gjëra mbi të cilat kemi punuar cdo ditë me një kujdes të jashtëzakonshëm dhe nuk kemi bërë kompromis për asgjë.”, tha ai./S.K/EO/

Continue Reading

Të kërkuara