Lajmet

Mbreti Charles III hap parlamentin: Keir Starmer zbulon agjendën e re të Qeverisë Laburiste

Published

2 years ago

on

Qeveria e re laburiste e Britanisë premtoi t’i japë fund një “epoke të politikës vetëm si shfaqje” në fjalimin ceremonial të Mbretit, duke zbuluar një axhendë gjithëpërfshirëse që synon ndërtimin e shtëpive, luftimin e krimit dhe migracionit ilegal.

Në një ngjarje madhështore që bashkon spektaklin mbretëror të Britanisë dhe klasën politike, Mbreti Charles III hapi zyrtarisht një parlament të ri duke lexuar planet e kryeministrit të tij të ri, Keir Starmer, i cili korri një fitore dërrmuese në zgjedhje.

Qeveria përcaktoi synimet për të “modernizuar” sistemin e azilit dhe imigracionit, si dhe heqjen e përjashtimit nga TVSH për tarifat e shkollave private

Starmer bëri gjithashtu premtime të reja për të trajtuar emigracionin e paligjshëm dhe më gjerësisht sulmoi qeveritë konservatore që kishin sunduar Britaninë që nga viti 2010.

“Epoka e politikës si performanca dhe interesi vetjak mbi shërbimin ka mbaruar,” deklaroi Starmer në një hyrje të axhendës, e cila përfshin 40 projektligje të reja që qeveria e tij do të kërkojë të miratojë.

“Lufta për besim është beteja që përcakton epokën tonë politike”, shtoi ai.

Deputetët do të mblidhen për seancën e parë të Parlamentit të ri për të debatuar mbi përmbajtjen e fjalimit të mbretit./UBTNews/

Related Topics:
Continue Reading

Vendi

Inspektorati Qendror i Punës ndalon punimet në 12 vendpunishte në pesë komuna

Published

11 seconds ago

on

August 21, 2026

By

Inspektorati Qendror i Punës (IQP) ka ndërprerë punimet në 12 vendpunishte në komunat Skenderaj, Mitrovicë, Vushtrri, Prizren dhe Ferizaj, pas kontrolleve të kryera për zbatimin e legjislacionit të punës dhe sigurisë në punë.

Gjatë inspektimeve, zyrtarët konstatuan shkelje të rënda ligjore që vinin në rrezik të drejtpërdrejtë jetën dhe shëndetin e punëtorëve. Për këtë arsye, punimet janë bllokuar deri në eliminimin e plotë të parregullsive dhe plotësimin e standardeve të sigurisë.

Sipas njoftimit, ky aksion synon parandalimin e aksidenteve në punë, ndërsa rifillimi i punimeve do të lejohet vetëm pas verifikimit të ri nga inspektorët. Inspektorati paralajmëroi se kontrollet do të vazhdojnë me intensitet të lartë në të gjithë vendin./E.A/

Continue Reading

Kronikë e zezë

Gjashtë muaj burgim për kanosjen e Albin Kurtit, Xhemaili pranon fajësinë

Published

17 minutes ago

on

August 21, 2026

By

Kadri Xhemaili është dënuar me gjashtë muaj burgim për kanosjen e kryeministrit në detyrë, Albin Kurti.

Në seancën gjyqësore të mbajtur të premten, Xhemaili e ka pranuar fajësinë dhe ka kërkuar falje. Gjykata ka aprovuar marrëveshjen për pranimin e fajësisë të arritur mes Prokurorisë dhe mbrojtjes.

Prokurori Bekim Kodraliu tha se marrëveshja është arritur me vullnet të lirë dhe pa presion, ndërsa mbrojtësi i të pandehurit, avokati Rinor Arifi, konfirmoi se mbrojtja qëndron prapa marrëveshjes.

Në seancë ka munguar i dëmtuari Albin Kurti. Sipas gjyqtarit Rrahman Beqiri, Kurti e kishte pranuar ftesën, por mungesën nuk e kishte arsyetuar.

Sipas aktakuzës, më 22 tetor 2025, Xhemaili, me qëllim të frikësimit të Kurtit lidhur me pozitën e tij zyrtare si kryeministër, e kishte kanosur publikisht përmes rrjetit social Facebook, duke i thënë se do ta privonte nga jeta./A.K/

Continue Reading

Lajmet

Dy të dyshuar për “Vrasje në tentativë” dorëzohen në polici, njëri me pistoletë në dorë

Published

28 minutes ago

on

August 21, 2026

By

Sipas raportit të Policisë së Kosovës, dy persona të dyshuar janë vetëdorëzuar në polici lidhur me një rast të “Vrasjes në tentativë” të raportuar më 9 gusht në sheshin “Isa Boletini” në Mitrovicë.

Vetëdorëzimi i tyre është bërë më 20 gusht, ndërsa njëri prej të dyshuarve ka dorëzuar edhe një pistoletë, e cila dyshohet se është përdorur në rast.

Pas intervistimit, me vendim të prokurorit, të dy të dyshuarit janë dërguar në mbajtje./A.K/

Continue Reading

Vendi

Plagoset një grua nga plumbi qorr në Lipjan, dërgohet në QKUK

Published

30 minutes ago

on

August 21, 2026

By

Një grua është plagosur nga një plumb qorr mbrëmjen e së enjtes në Lipjan.

Sipas raportit 24-orësh të Policisë së Kosovës, ngjarja ka ndodhur rreth orës 21:00, ku e dëmtuara është qëlluar në trup.

Për shkak të lëndimeve të marra, ajo është dërguar menjëherë për tretman mjekësor në Qendrën Klinike Universitare të Kosovës (QKUK).

Policia e ka cilësuar rastin si “Shkaktim i rrezikut të përgjithshëm” dhe po punon për zbardhjen e plotë të ngjarjes. /E.A/

Continue Reading

Të kërkuara