

Lajmet
Mbi dy milionë qytetarë me të drejtë vote, KQZ kufizon shpenzimet e partive për fushatë
Published
1 year agoon
By
Betim GashiKomisioni Qendror i Zgjedhjeve (KQZ) ka vendosur që një subjekt politik në zgjedhje të mund të shpenzojë dy milionë e 47 mijë euro. Kjo shumë bazohet në numrin e qytetarëve me të drejtë vote, ku për një votues është kalkuluar një euro.
Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se numri i përgjithshëm i votuesve është mbi dy milionë.
“Dje me datën 20 gusht 2024, zyra ka pranuar nga sekretariati numrin e përgjithshëm i cili është dy milionë e 47 mijë e 149 votues. Mbi bazën e këtij numri llogaritja e kufizimit të shpenzimeve është bërë në bazë të paragrafit 2, të nenit 3 të rregullores zgjedhore numër 4/2024, ku kufizimi i shpenzimeve është kalkuluar në jo më pak se një euro për votues. Edhe ky kalkulim është bërë në vlerën minimale, siç është përcaktuar me rregulloren numër 7/2024. Andaj në lidhje me bazën ligjore, Zyra i rekomandon KQZ-së ta aprovojë kufizimin e shpenzimeve të fushatës zgjedhore në vlerë prej dy milionë e 47 mijë e 149 euro. Që do të thotë se një subjekt politik i certifikuar në zgjedhje nuk mund të shpenzojë më shumë se dy milionë e 47 mijë e 149 euro”, deklaroi ai.
Anëtarët e Komisionit Qendror të Zgjedhjeve kanë miratuar edhe rregulloren për zgjedhje të parakohshme dhe të jashtëzakonshme.
Arianit Elshani nga Partia Demokrate e Kosovës i ka lexuar afatet kryesore në procesin zgjedhor që do të mbahet më 9 shkurt.
“Deklarimi i partive politike për formimin e koalicioneve zgjedhore ka një afat prej 16 gushtit deri më 30 gusht. Aplikimi për certifikim të subjekteve politike dhe kandidatëve fillon më 1 shtator dhe përfundon më 11 dhjetor 2024. Tërheqja e shortit për renditjen e subjekteve politike në fletëvotim do të bëhet me 7 janar. Periudha e fushatës zgjedhore për subjektet politike dhe kandidatët e certifikuar për pjesëmarrje në zgjedhje fillon më 11 janar dhe përfundon në ditën e zgjedhjeve, para hapjes së vendvotimeve. Zbatimi i periudhës së shërbimit të votuesve për ndërrimin e qendrës së votimit brenda komunës për qytetarët fillon nga 29 gushti dhe përfundon më 26 dhjetor. Periudha e aplikimit për regjistrimin e votuesve jashtë Kosovës fillon nga 29 gushti dhe përfundon më 26 dhjetor. Afati për dërgimin e fletëvotimeve përmes postës dhe në kutinë postare të shtetit ku është regjistruar votuesi apo në shtetin më të afërt ku është hapur kutia postare fillon më 9 janar dhe përfundon më 8 shkurt”, u shpreh ai.
Lajmet
Çmimet e naftës rriten, gruri shënon rënie në Evropë
Published
2 minutes agoon
October 23, 2025By
UBT News
Indekset e aksioneve evropiane ishin të përziera, ku u pa se çmimet e naftës dhe arit u rritën, por çmimet e grurit ranë. Investitorët janë duke analizuar edhe më tej raportet e fitimeve nga kompani dhe banka të mëdha si Heineken, SAP dhe Barclays.
Banka italiane UniCredit raportoi një fitim që tejkaloi pritjet në tremujorin e tretë të vitit 2025, dhe drejtori ekzekutiv i saj Andrea Orsel tha se nuk kishte hequr dorë plotësisht nga marrja e Commerzbank të Gjermanisë, raportoi CNBC.
Ai tha gjithashtu se UniCredit ka të ngjarë të rrisë pjesëmarrjen e saj në Alpha Bank të Greqisë në rreth 30 përqind.
Indeksi DAX i Frankfurtit ra me 0.22 përqind në 24,280.32 pikë në orën 9:30 të mëngjesit të sotëm, CAC 40 i Francës ra me 0.7 përqind në 8,200.64 pikë, ndërsa FTSE 100 i Britanisë u rrit me 0.49 përqind në 9,473.60 pikë dhe MOEX i Moskës u rrit me 0.54 përqind në 2,646.69 pikë.
Sipas të dhënave aktuale të tregut të aksioneve, çmimi i naftës bruto u rrit në 58,230 dollarë, dhe çmimi i naftës bruto Brent u rrit në 62,275 dollarë.
Çmimi i arit u rrit në 4,137.67 dollarë për ons, ndërsa çmimi i grurit ra në 5.0003 dollarë për bushel (një bushel është 27.216 kg).
Vlera e euros kundrejt dollarit në bursën Forex është 1.16045 dollarë, një rritje prej 0.04 përqind që nga fillimi i tregtimit./S.K/KP/
Lajmet
Spanja kërkon fundin e ndërrimit të orës dhe propozon të ndalet nga 2026
Published
5 minutes agoon
October 23, 2025By
UBT News
Spanja do t’i kërkojë Bashkimit Evropian që të ndalojë ndryshimin e orës dy herë në vit, duke nisur nga viti 2026. Kryeministri Pedro Sanchez tha se kjo praktikë është e vjetruar dhe shkakton shqetësime te qytetarët.
“Këtë javë ndryshojmë sërish orën, por sinqerisht nuk shoh më asnjë qëllim”, u shpreh ai në një video në rrjetet sociale.
Sipas tij, shumica e spanjollëve dhe europianëve janë kundër kësaj praktike. Ai theksoi se shkenca ka treguar se ndërrimi i orës nuk kursen energji. Përkundrazi, ai dëmton ritmet biologjike të trupit dy herë në vit.
Me këtë nismë, Spanja kërkon të rihapë një vendim të bllokuar të Parlamentit Evropian nga viti 2018. Atëherë u propozua heqja përfundimtare e orës së verës në të gjithë BE-në.
“Spanja do t’i bëjë thirrje Këshillit Evropian të veprojë dhe të ndalojë këtë ndryshim që nga viti 2026”, tha Sanchez.
Propozimi u paraqit në takimin e ministrave të Transportit, Telekomunikacionit dhe Energjisë në Luksemburg.
Kryeministri e cilësoi këtë si një hap drejt një politike të dobishme dhe demokratike. Por ai nuk sqaroi ende se cilën zonë kohore do të mbajë Spanja nëse ndryshimi i orës hiqet përfundimisht./S.K/KP/

Sot mbi vendin tonë do të mbajë mot i vranët dhe me intervale kohore të shkurta me diell.
Temperaturat minimale do të lëvizin nga 5 e deri në 9 gradë Celsius, derisa ato maksimalet nga 17 e 20 gradë Celsius, njofton Instituti Hidrometeorologjik i Kosovës.
Do të fryjë erë nga juglindja me shpejtësi prej 1 e deri në 5 metër për sekond./S.K/EO/
Lajmet
Radoniqi për rezultatet e zgjedhjeve: Duhet t’i presim edhe ankesat nga PZAP
Published
16 hours agoon
October 22, 2025By
UBTnews
Komisioni Qendror i Zgjedhjeve ka vendosur rinumërimin e fletëvotimeve të 16 kutive të votimit, ku pesë nga to janë për kryetarë të Komunave, ndërsa 11 të tjera për Kuvende Komunale.
Drejtori i sekretariatit të KQZ-së ka paraqitur sot para anëtarëve të Komisionit propozimin për rinumërimin e 16 vendvotimeve ku përfshihet një kuti e votimit në Deçan, një në Gllogoc, dy në Gjilan, një në Lipjan, dy në Prishtinë dy në Prizren, një në Shtime dhe një Suharekë.
Ndërsa, Drejtori i Sekretariatit të Komisionit Qendror të Zgjedhjeve, Besnik Buzhala ka treguar pse nuk janë shpallur rezultatet e zgjedhjeve lokale brenda afateve që ishte, pra sot. E kjo erdhi pas pyetjes së anëtarit të PDK-së në KQZ, Ilir Gashi, për këtë çështje.
“Procesi i numërimit në QNR më së voni përfundon ditën e nesërme. Por për detaje numërimit sipas rekomandimit varet sa fletëvotime janë e si ka me shku numërimi. Ndërsa sipas planit operacional që ka miratuar KQZ, shpallja përfundimtare e rezultateve është dashtë të ndodhte shumë me datë 22, meqenëse sot nuk kemi mujt me implementu një aktivitet. Mendoj që ky proces përfundon sa i përket numërimit të gjithë fletëvotimeve”, tha ai.
Këtu u plotësua edhe me ndërhyrjen e kryetarit të KQZ-së, Kreshnik Radoniqi, i cili tha e duhet të priten dhe vendimet e PZAP-së për ankesat.
“Pa paragjykuar ndonjë vendim të PZAP, sa e kemi pa PZAP është e vërshuar nga ankesat kështu që duhet me prit edhe ankesat nga PZAP para se me u shpall rezultati.
Në mbledhjen e KQZ-së anëtari i Lëvizjes Vetëvendosjes në KQZ, Sami Kurteshi ka bërë një thirrje për Prokurorinë që t’i hetojnë vendvotimet me asistencë.
“Ftoj Prokurorinë që t’i hetojë rastet me asistencë rrënjësisht, sepse nuk është e mundur që në një qytet të ketë 10% të votimeve me asistencë”, tha ai.
Në këtë mbledhje, KQZ vendosi edhe për dizajnin dhe përmbajtjen e fletëvotimeve për raundin e dytë të zgjedhjeve për Kryetarë të Komunave. Ky miratim u bë për të mundësuar zhvillimin e votimit jashtë Kosovës./EO

Çmimet e naftës rriten, gruri shënon rënie në Evropë

Spanja kërkon fundin e ndërrimit të orës dhe propozon të ndalet nga 2026

Parashikimi i motit

146 vjet nga suksesi i parë i llambës elektrike të Thomas Edisonit

Al Pacino rikthehet në botën e mafias me trillerin e ri aksion “Father Joe”

Tetë vende të reja në listën britanike për rrezikun nga pijet e falsifikuara me metanol

Radoniqi për rezultatet e zgjedhjeve: Duhet t’i presim edhe ankesat nga PZAP

The Sims Mobile po i vjen fundi, EA konfirmon mbylljen e lojës

UBT dhe Universiteti i Minho-s nënshkruajnë marrëveshje bashkëpunimi akademik në Braga
Të kërkuara
-
Lajmet2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks ago
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months ago
Profesori i UBT-së fiton grant prestigjioz kërkimor në Universitetin Çarls të Pragës