Aktualitet

Mbi 600 migrantë mbërrijnë në Britaninë e Madhe

Sipas te dhenave, mesatarisht ka pasur 44 persona në secilën varkë gjatë kalimeve të fundit.

Published

3 years ago

September 16, 2022

UBT news

Mbi 600 migrantë kanë mbërritur në Britaninë e Madhe ndërsa rreth 40 te tjerë u shpëtuan nga Kanali kur varka e tyre u mbyt në brigjet e Kentit, sipas “The Independent”.

Ministria e Mbrojtjes (MM) tha se 617 persona udhëtuan të enjten me 14 varka, duke e çuar numrin e migrantëve deri tani në afro 30 000. Sipas te dhenave, mesatarisht ka pasur 44 persona në secilën varkë gjatë kalimeve të fundit.

Mes të ardhurve të rinj ishin 38 persona që kishin qëndruar në det për gati një orë pasi gomonia e tyre ishte shfryre në ujërat e Britanisë së Madhe rreth orës 6:17 të mëngjesit.

Operacioni i kërkim-shpëtimit u krye nga Roja Bregdetare së bashku me RNLI, Marinën Mbretërore, Forcën Kufitare dhe policinë./atsh/

Related Topics:Britania e Madhe migrantë

Up Next

Togg udhëton për në Argjentinë me Transportin Turk për testin e dimrit

Don't Miss

Kirurgu amerikan: Kongreset si ky Klinik në Kosovë, të rëndësishëm për avancimin e kirurgjisë

Aktualitet

Tentimvrasja në Pejë, i dyshuari në arrati

Published

13 hours ago

April 23, 2025

Albina Zeneli

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.

Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.

“VRASJE NË TENTATIVË. Rr. Vëllezërit Gërvalla, Pejë 22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.

Aktualitet

Seanca konstituive vazhdon të premten në ora 10:00

Published

14 hours ago

April 23, 2025

Albina Zeneli

Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.

Ai tha se seanca do të vazhdojë sërish më 25 prill në ora 10:00.

“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpitet për të premtën 25 prill në ora 10:00”, tha Dehari.

Aktualitet

Burimet e Vatikanit zbulojnë detaje të momenteve të fundit të Papës

Published

14 hours ago

April 23, 2025

Albina Zeneli

Burime nga Vatikani kanë dhënë më shumë detaje për momentet e fundit të Papës.

Bëhet e ditur se të hënën në mëngjes, Papa u zgjua rreth orës 6 të mëngjesit dhe ishte mirë për të paktën një orë.

Por rreth orës 7 të mëngjesit, njësia mjekësore e Vatikanit mori një telefonatë urgjente nga apartamenti i tij në Casa Santa Marta.

Zyrtarët e Vatikanit konsideruan një transferim urgjent në Spitalin Gemelli në Romë dhe burime policore kanë konfirmuar se kanë marrë një kërkesë urgjente për shoqërim policor nga Vatikani pas orës 7 të mëngjesit, shkruan Skynews.

Mësuam më herët sot se infermierja personale e Papës Massimiliano Strappetti e pyeti atë përpara paraqitjes së tij të së dielës së Pashkëve nëse mendonte se mund ta menaxhonte atë.

Papa kishte insistuar se ishte në rregull. Më pas, Papa e falënderoi dhe i tha: “Faleminderit që më ktheve në shesh”.

Më pas ai kaloi një pasdite “të qetë” të së dielës dhe shijoi darkën e tij, bëhet e ditur nga Vatikani.