Lajmet

Mbi 50 vjeç, keni nevojë për këtë vitaminë

Mungesa e vitaminës B12 shkakton simptoma si këputje trupi, vështirësi në frymëmarrje dhe dobësim të muskujve.

Published

on

Vitamina B12 është shumë e rëndësishme për trupin e njeriut, pasi shërben për ndërtimin e ADN-së dhe ARN-së, kujdeset për humorin tonë dhe për sistemin e tretjes.

Mungesa e vitaminës B12 shkakton simptoma si këputje trupi, vështirësi në frymëmarrje dhe dobësim të muskujve, ajo mund të kalojë shumë kohë pa u diagnostikuar.

Ja cilat janë disa arsyet përse mund të keni nevojë më shumë për vitaminën B12.

Jeni vegjetarian

Mënyra e vetme për ta përfshirë vitaminën B12 në dietë është duke konsumuar mish, qumësht, vezë. Nëse i shmangni produktet e kafshëve, atëherë me siguri mund të keni mungesë të vitaminës B12 (nëse nuk e merrni atë edhe me anë të suplementeve). Mungesa kronike e vitaminës B12 mund të shkaktojë zbehje të lëurës dhe dobësi.

Jeni mbi 50 vjeç

Mosha sjell me vete lirinë dhe mençurinë, por, fatkeqësisht, ajo sjell edhe shumë problematika në trup. Një ndër to është pamundësia për të zbërthyer vitaminën B12 nga dieta. Për fat të keq, shenjat e mungesës së vitaminës B12 në këtë moshë ngatërrohen shpesh pasi faji i vihet moshës. Nëse ju (ose një i afërmi juaj) jeni mbi 50 vjeç, mirë është të merrni suplemente të vitaminës B12 për të qëndruar në formë dhe të fortë.

Pini alkool rregullisht

Nëse pini çdo darkë një gotë verë, atëherë mund t’i keni të ulëta rezervat e vitaminës B12. Kjo ndodh sepse mëlçia luan një rol kyç në ruajtjen e vitaminës B12. Prandaj, shijojeni një gotë verë në darkë me miqtë, por mos harroni të merrni vitaminën B12 kur të ktheheni në shtëpi.

Merrni ilaçe për refluksin acid

Edhe nëse keni pasur ulcerë në të shkuarën ose merrni ilaçe për të, problemet në stomak dhe ilaçet që trajtojnë ato pengojnë trupin të zbërthejë vitaminën B12. Prandaj mjekët sugjerojnë se nëse po trajtoheni për refluks acid, të merrni edhe vitaminë B12.

Jeni diagnostikuar me diabet ose ndonjë sëmundje tjetër autoimune

Problemet e sheqerit në gjak dhe sëmundje të tjera, si Hashimoto ose lupus, pengojnë trupin të përthithë vitaminën 12. Edhe nëse jeni konsumues i rregullt i mishit, duhet përsëri të merrni suplemente të vitaminës B12 që të jeni të shëndetshëm.

Mungesa e vitaminës B12 lidhet me një sërë diagnozash të frikshme. Nivelet e ulëta të saj rrisin rrezikun për sëmundje të zemrës, depresionin dhe problemet me ankthin, si dhe probleme me shëndetin mendor, si alzajmeri apo autizmi.

Lajmet

Kushtetuesja publikon aktgjykimin e plotë

Published

on

By

Gjykata Kushtetuese e Kosovës ka publikuar aktgjykimin e plotë për konstituimin e Kuvendit të Kosovës.

Ajo ka konstatuar se seanca konstituive e Kuvendit, e filluar me 15 prill 2025 nuk ka përfunduar si rezultat i mos zgjedhjes së nënkryetarit të Kuvendit nga radhët e deputetëve të komunitetit serb, dhe Kuvendi nuk është konstituuar në pajtim me përcaktimet e paragrafit 1 të nenit 66 (Zgjedhja dhe mandati) dhe paragrafët 1 dhe 4 të nenit 67 (Zgjedhja e kryetarit dhe nënkryetarëve) të Kushtetutës së Republikës së Kosovës.

Gjykata ka urdhëruar që seanca konstituive e Kuvendit të përfundojë brenda afatit të mbetur prej 12 ditëve nga hyrja në fuqi e këtij Aktgjykimi.

Kushtetuesja ka urdhëruar të gjithë deputetët e zgjedhur të Kuvendit që gjatë procedurës së zgjedhjes së nënkryetarit të Kuvendit nga radhët e deputetëve të komunitetit serb, të ushtrojnë funksionin e tyre kushtetues në interesin më të mirë të Kosovës dhe në pajtim me Kushtetutën dhe rregulloren e Kuvendit./D.B/KP

Continue Reading

Lajmet

Në pritje të aktgjykimit të plotë, Ambasada gjermane bën thirrje për zbatimin e vendimeve Kushtetueses

Published

on

By

I ngarkuari me Punë në Ambasadën e Gjermanisë në Kosovë, Christian Böttcher, është takuar të mërkurën me kryetarin e Gjykatës Kushtetuese, Nexhmi Rexhepi.

Ambasada bënë të ditur se Böttcher ka vlerësuar punën e gjykatës dhe rikonfirmuar mbështetjen e plotë të Gjermanisë për punën e gjykatës, teksa ka bërë thirrje për zbatimin e vendimeve të Gjykatës Kushtetueses.

Ambasada Gjermane kërkon nga të gjithë aktorët politikë të zbatojnë vendimet e Gjykatës, pasi siç thuhet ky është një detyrim kushtetues për deputetët, për konstituimin e Kuvendit.

Të gjithë aktorët politikë duhet të zbatojnë vendimet e Gjykatës – ky është një detyrim kushtetues për deputetët. Mosveprimi jo vetëm që zgjat, por edhe thellon krizën politike, duke dëmtuar vendin. Siç u tha më parë: Është koha e duhur për ta vënë vendin në vend të parë, jo politikën partiake”, thuhet në njoftim.

Deputetët e Kuvendit të Kosovës janë në pritje të publikimit të aktgjykimit të plotë të Gjykatës Kushtetuese në lidhje me seancën konstituive.

Kushtetuesja më 30 shtator ka dalë me një njoftim ku ka thënë se seanca konstituive e Kuvendit të Kosovës, që ka nisur më 15 prill, nuk ka përfunduar, pasi që nuk është zgjedhur nënkryetari nga komuniteti serb.

Vendimi i Kushtetueses ka ardhur pas ankesës së Listës Serbe, partisë më të madhe të serbëve në Kosovë, lidhur me votimin ndaras të kandidatëve për nënkryetarë të Kuvendit nga radhët e komuniteteve jo shumicë.

Kushtetuesja ka urdhëruar deputetët e Kuvendit të konstituojnë legjislaturën e nëntë brenda afatit 12-ditor prej publikimit të aktgjykimit të plotë, por pa specifikuar pasojat juridike në rast se nuk kompletohen trupat e legjislativit./D.B/KP

Continue Reading

Lajmet

​Gërvalla merr pjesë në Takimin e Ministrave të Jashtëm në kuadër të Procesit të Berlinit

Published

on

By

Zëvendëskryeministrja dhe ministrja në detyrë e Punëve të Jashtme dhe Diasporës, Donika Gërvalla, po merr pjesë në Takimin e Ministrave të Jashtëm të Procesit të Berlinit, që zhvillohet më 8 dhe 9 tetor në Belfast të Irlandës së Veriut, me pjesëmarrjen edhe të sekretares së Shtetit për Punë të Jashtme të Britanisë së Madhe, Yvette Cooper.

Takimi bashkon ministrat e punëve të jashtme të vendeve të Ballkanit Perëndimor dhe të shteteve pjesëmarrëse në këtë proces.

Në fokus të diskutimeve të këtij viti janë temat e sigurisë dhe zhvillimit rajonal si dhe domosdoshmëria e bashkëpunimit përballë sfidave dhe kërcënimeve të përbashkëta në një botë gjithnjë e më të paqëndrueshme, raporton KosovaPress.

Gjatë punimeve të këtij procesi, Gërvalla do të zhvillojë një sërë takimesh bilaterale me homologë dhe përfaqësues të lartë të vendeve pjesëmarrëse.

Procesi i Berlinit, i nisur në vitin 2014, mbetet nisma qendrore për bashkëpunim politik, ekonomik dhe shoqëror mes vendeve të Ballkanit Perëndimor dhe partnerëve evropianë./D.B/KP

Continue Reading

Lajmet

Përurohet rruga që lidh zonën e dytë ekonomike të Gllavicës me magjistralen mes Shtimes dhe Ferizajt

Published

on

By

Në komunën e Shtimes sot është përuruar rruga që lidh Zonën e dytë Ekonomike të Gllavicës me rrugën magjistrale mes Shtimes dhe Ferizajt, investim ky që pritet të ndikojë drejtpërdrejt në zhvillimin ekonomik të komunës dhe më gjerë.

Kryetari i Komunës së Shtimes, Qemajl Aliu, tha se kjo rrugë është një hap i rëndësishëm drejt funksionalizimit të zonës ekonomike.

Jemi në përurimin e rrugës që të dërgon te zona e dytë ekonomike në Gllavicë, rrugë e cila këtë zonë ekonomike e lidh me rrugën magjistrale mes Shtimës dhe Ferizajt. Është investim mbi 600 mijë euro, rrugë me gjerësi shtatë metra, me kanale kulluese, kanalizim atmosferik për ujëra të zeza, trotuar, me ndriçim, me të gjitha normat e një rruge që i lidhë magjistralen mes dy qyteteve”, tha Aliu.

Ai shtoi se rruga është në shërbim të funksionalizimit të zonës ekonomike, ndërsa përveç saj, komuna ka bërë edhe investime të tjera në këtë zonë.

Kjo rrugë është në shërbim të funksionalizimit të zonës ekonomike dhe përveç kësaj rruge, ne kemi bërë afro gjysmë milioni euro investime në zonën ekonomike dhe presim që pranverën e ardhshme, siç edhe jemi zotuar me fillu funksionalizimin dhe vendosjen e bizneseve në këtë zonë, e cila do të ndihmojë dhe shërbejë në zhvillimin ekonomik të gjithëmbarshëm në Komunën e Shtimes, por edhe përreth. Kjo zonë ekonomike ka diku 37 hektarë dhe pritet me qenë një nga zonat më të mëdha me biznese”, tha Aliu.

Ky investim i ka kushtuar Komunës së Shtimës mbi 600 mijë euro./D.B/KP

Continue Reading

Të kërkuara