Ish-presidenti francez, Nicolas Sarkozy, u ul sot në bankën e të akuzuarve në një gjyq të shumëpritur, ku ai akuzohet për financimin e paligjshëm të fushatës së tij presidenciale të vitit 2007 nga regjimi i ish-udhëheqësit libian, Moamer Gaddafi. Ky proces, i cili nisi në Gjykatën Penale të Parisit, shënon një moment të rëndësishëm në historinë politike dhe juridike të Francës.

Sarkozy, i cili udhëhoqi vendin nga viti 2007 deri në vitin 2012, akuzohet për pranim të financimeve të paligjshme në vlerë prej miliona eurosh nga Libia. Prokuroria pretendon se këto fonde, të transferuara përmes rrugëve të dyshimta, ndihmuan në financimin e fushatës së tij që e çoi drejt presidencës.

Së bashku me Sarkozy, në bankën e të akuzuarve ndodhen edhe 12 individë të tjerë, përfshirë ish-ministrat Claude Guéant, Brice Hortefeux dhe Éric Woerth. Ata përballen me akuza për financim të paligjshëm të fushatës, shpërdorim të fondeve publike dhe ryshfet.

Nëse shpallet fajtor, Sarkozy rrezikon një dënim deri në 10 vjet burg, së bashku me një gjobë të rëndë financiare. Të njëjtin dënim mund të përballojnë edhe disa nga bashkëpunëtorët e tij kryesorë. Ky rast ka përfshirë hetime të gjera ndërkombëtare, me kërkesa për ndihmë juridike nga 21 vende dhe mbi 73 procesverbale që formojnë bazën e akuzave. Dëshmitë përfshijnë dokumente financiare dhe deklarata të disa zyrtarëve libianë që pohojnë lidhjen e Sarkozy me fondet e Gaddafit.

Ky nuk është rasti i parë që Sarkozy përballet me drejtësinë. Në dhjetor të vitit të kaluar, ai u dënua me një vit burg për ryshfet dhe ndikim të paligjshëm, duke u urdhëruar të mbajë një byzylyk elektronik si pjesë e dënimit të tij. Marrëveshjet mbi këtë dënim pritet të finalizohen në javët në vijim.

Seancat e gjyqit, të planifikuara të zgjasin deri më 10 prill, pritet të jenë një spektakël mediatik dhe politik. Çështja ka shkaktuar tronditje të mëdha në skenën politike franceze, duke vënë në pikëpyetje integritetin e figurave të larta shtetërore.

Nicolas Sarkozy vazhdon të mohojë çdo akuzë, duke i cilësuar ato si një komplot politik dhe një sulm ndaj trashëgimisë së tij si president. Megjithatë, presioni mbi të dhe bashkëpunëtorët e tij sa vjen e rritet, ndërsa opinioni publik pret me kureshtje përfundimin e këtij procesi historik./UBTNews/

Presidenti i zgjedhur i SHBA-së, Donald Trump është “i fortë dhe i paparashikueshëm” dhe këto cilësi mund të jenë një faktor vendimtar në qasjen e tij politike ndaj pushtimit rus të Ukrainës, sipas presidentit ukrainas Volodymyr Zelenskyy.

Megjithatë, Zelenskyy tha se nuk do të jetë e mundur t’i jepet fund gati tre viteve të luftës brenda një dite, siç pretendoi Trump gjatë fushatës së tij zgjedhore se mund ta bënte.

“Faza ‘e nxehtë’ e luftës mund të përfundojë mjaft shpejt, nëse Trump është i fortë në pozicionin e tij,” tha Zelenskyy në një intervistë televizive ukrainase, duke iu referuar luftimeve në fushën e betejës.

“Unë besoj se (Trump) është i fortë dhe i paparashikueshëm. Do të dëshiroja shumë që paparashikueshmëria e Presidentit Trump të drejtohej kryesisht ndaj Federatës Ruse,” tha Zelenskyy.

Trump, i cili merr detyrën më 20 janar, nuk e ka pasqyruar publikisht politikën e tij për Ukrainën, por komentet e tij të mëparshme kanë vënë një pikëpyetje nëse Shtetet e Bashkuara do të vazhdojnë të jenë mbështetësi më i madh dhe më i rëndësishëm ushtarak i Ukrainës.

Zelenskyy është i etur të garantojë se mbështetja e Uashingtonit vazhdon të vijë dhe ai u takua me Trump në Nju Jork edhe para zgjedhjeve presidenciale në SHBA në nëntor.

Me luftën që do të hyjë në vitin e saj të katërt muajin e ardhshëm dhe me Trumpin gati për të hyrë në Shtëpinë e Bardhë, pyetja se si dhe kur mund të përfundojë konflikti më i madh i Evropës që nga Lufta e Dytë Botërore ka dalë në pah.

Rusia kontrollon rreth një të pestën e Ukrainës dhe ka kapitalizuar vitin e kaluar në dobësitë në mbrojtjen e Ukrainës për të avancuar ngadalë në zonat lindore, pavarësisht humbjeve të larta të trupave dhe pajisjeve.

Trajektorja e luftës nuk është në favor të Ukrainës. Vendi është stenografi në vijën e parë dhe ka nevojë për mbështetje të vazhdueshme nga partnerët e tij perëndimorë.

Trump iu përgjigj në mënyrë të favorshme mundësisë së ngritur nga presidenti francez Emmanuel Macron për vendosjen e paqeruajtësve perëndimorë në Ukrainë për të mbikëqyrur një marrëveshje që ndalon luftimet, tha Zelenskyy.

Ai u takua me Trump dhe Macron në Paris muajin e kaluar.

“Por unë ngrita një çështje, duke thënë se nuk dëgjuam se cilat vende specifike do t’i bashkohen kësaj nisme dhe nëse SHBA do të jenë atje,” tha Zelenskyy.

Udhëheqësi ukrainas është i vendosur që vendi i tij të bëhet anëtar i NATO-s. 32 vendet anëtare të aleancës thonë se Ukraina do të anëtarësohet një ditë, por jo derisa të përfundojë lufta.

“Zlokimi i trupave evropiane (për të ruajtur paqen në Ukrainë) nuk duhet të përjashtojë të ardhmen e Ukrainës në NATO”, tha Zelenskyy në një intervistë televizive.

Zelenskyy e përshkroi inkursionin nga forcat ukrainase në rajonin kufitar të Kurskut të Rusisë si një “kart shumë të fortë” në çdo negociatë të ardhshme të paqes.

Në një përpjekje për të kundërshtuar lajmet e zymta nga vija e frontit, Ukraina pushtoi një pjesë të Kurskut gushtin e kaluar në atë që ishte pushtimi i parë i territorit rus që nga Lufta e Dytë Botërore.

Por, inkursioni nuk e ndryshoi ndjeshëm dinamikën e luftës dhe analistët ushtarakë thonë se Ukraina ka humbur rreth 40% të tokës që kapi fillimisht.

Megjithatë, Zelenskyy tha se arritja u bëri përshtypje vendeve në Azi, Amerikën e Jugut dhe Afrikë dhe dëmtoi reputacionin ushtarak të Rusisë.

Kryeministri kanadez Justin Trudeau mund të shpallë dorëheqjen nga pozita e tij si lider i Partisë Liberale dhe kryeministër, pas nëntë vjetësh në detyrë, sipas burimeve të afërta me të. Edhe pse nuk është marrë ende një vendim përfundimtar, raportimet sugjerojnë se njoftimi mund të bëhet publik nesër, përpara një takimi të rëndësishëm të ligjvënësve liberalë.

Dorëheqja e tij pritet të krijojë një vakuum udhëheqjeje në partinë qeverisëse, në një kohë kur sondazhet tregojnë humbje të mundshme të rëndë për liberalët ndaj konservatorëve të opozitës në zgjedhjet e ardhshme.

Burimet raportojnë se presioni ndaj Trudeau është shtuar ndjeshëm pas sondazheve të pafavorshme dhe thirrjeve publike nga anëtarë të parlamentit liberal që ai të largohet. Konfliktet e brendshme brenda kabinetit, përfshirë një përplasje me ish-ministren e Financave Chrystia Freeland mbi çështjet e shpenzimeve publike, si dhe problemet në politikat e imigracionit dhe tensionet ekonomike, kanë kontribuar në rënien e mbështetjes për Trudeau.

Nëse ai vendos të japë dorëheqjen, kjo mund të sjellë thirrje për zgjedhje të parakohshme, me qëllim krijimin e një qeverie të qëndrueshme që të përballet me sfidat aktuale politike dhe ekonomike, përfshirë marrëdhëniet me administratën e presidentit të sapozgjedhur të SHBA-së, Donald Trump. Ndërkohë, zyra e kryeministrit nuk ka dhënë ende asnjë koment zyrtar lidhur me këto spekulime./UBTNews/

Një stuhi e madhe e borës, akullit, erërave dhe ulja e temperaturave në Shtetet e Bashkuara ka krijuar kushte të rrezikshme udhëtimi në shtetet qendrore dhe jugore të Shteteve të Bashkuara e deri në Bregun Lindor, duke detyruar autoritetet që të mbyllin shkolla dhe zyra qeveritare në disa shtete.

Bora dhe akulli kanë mbuluar rrugët kryesore në mbarë Kansasin, perëndimin e Nebraskës dhe pjesë të Indianas, ku Garda Kombëtare ka aktivizuar ekipet për të ndihmuar rreth kësaj situate. Pritet që në këto shtete të bjerë të paktën 20 centimetra dëborë, teksa erërat pritet të arrijnë deri në 72 kilometra në orë.

Shërbimi Kombëtar amerikan i Motit ka lëshuar paralajmërime për stuhi dëbore nga Kansasi dhe Misuri e deri në Nju Xhersi. Nga ky shërbim thanë se ka mundësi që të ketë reshje më të mëdha që janë regjistruar në një dekadë.

Vorbulla polare e ajrit ulra të ftohtë zakonisht rrotullohet rreth Polit të Veriut. Banorët në SHBA, Evropë dhe Azi përjetojnë të ftohtin e saj intensiv kur rrymat e ajrit zhvendosen drejt jugut.

Studimet kanë treguar se ngrohja e shpejt e Arktikut pjesërisht është fajtore për intensifikimin e vorbullës polare që po zgjeron ndikimin e saj.

Të hënën, më 6 janar, pritet që edhe në pjesë të tjera të vazhdojë mbyllja e shkollave për shkak të motit.

Në Marilend është shpallur gjendje e jashtëzakonshme një ditë më parë dhe përveç shkollave, atje është mbyllur edhe qeveria shtetërore. Autoritetet në Kentaki po ashtu kanë vendosur këtë masë.

Për shkak të akullit dhe dëborës janë raportuar për aksidente trafiku, teksa vetëm në Virxhinia janë raportuar të paktën 135 aksidente trafiku të dielën dhe autoritetet u kanë bërë thirrje shoferëve të qëndrojnë në shtëpi. Po ashtu, për shkak të motit është prekur edhe transporti ajror, teksa autoritetet kanë anuluar edhe fluturime.

Stuhia pritet të lëvizë të hënën drejt Ohajos dhe temperaturat e ftohta pritet të arrijnë deri në Florida në jug.

Nga 6 janari, dy e treta e shteteve lindore të SHBA-së pritet të përballen me temperatura të ulëta dhe erëra të ftohta, thanë meteorologët. Temperaturat, sipas tyre, mund të jenë nga 7 deri 14 gradë Celcius nën normale.

Shtetet verilindore amerikane me gjasë do të përballen me disa ditë të ftohta, thanë nga Shërbimi Kombëtar i Motit./REL/