Teknologji

MB: 14-vjeçarja vdiq pas efekteve negative nga përmbajtja në internet

Molly Russell ishte “ekspozuar ndaj materialeve që mund të kenë ndikuar atë në një mënyrë negative”.

Published

3 years ago

September 30, 2022

UBT news

Një 14-vjeçare britanike vdiq nga një akt i vetëlëndimit ndërsa vuante nga “efektet negative të përmbajtjes në internet”, tha një mjek ligjor në një rast që hodhi në qendër të vëmendjes kompanitë e mediave sociale.

Molly Russell ishte “ekspozuar ndaj materialeve që mund të kenë ndikuar atë në një mënyrë negative dhe, përveç kësaj, ajo që kishte filluar si depresion ishte bërë një sëmundje më serioze depresive”, vendosi Andrew Walker në Gjykatën e Kërkimit të Londrës Veriore.

Adoleshentja “vdiq nga një akt i vetëlëndimit ndërsa vuante nga depresioni”, tha ai, por shtoi se nuk do të ishte “i sigurt” të konkludonte se ishte vetëvrasje.

Disa nga përmbajtjet që ajo shikonte ishin “veçanërisht grafike” dhe “normalizuan gjendjen e saj”, tha Walker.

Russell vdiq në nëntor të vitit 2017, duke e shtyrë familjen e saj të organizonte një fushatë që kishte fokus rreziqet nga mediat sociale.

“Ka shumë të tjerë të prekur në mënyrë të ngjashme tani”, tha babai i saj Ian Russell pas vendimit.

“Në këtë pikë, thjesht dua të them sado e errët të duket, ka gjithmonë shpresë”.

Seanca dëgjimore njëjavore u ndez kur avokati i familjes, Oliver Sanders, mori në pyetje një ekzekutiv të Instagramit.

Sanders i zemëruar e pyeti Elizabeth Lagone, drejtuese e shëndetit dhe mirëqenies në Meta, kompania mëmë e Instagramit, pse platforma i lejon fëmijët ta përdorin atë kur [aplikacioni] po “u lejonte njerëzve të vendosnin përmbajtje potencialisht të dëmshme”.

“Ju nuk jeni prind, ju jeni thjesht një biznes në Amerikë. Ju nuk keni të drejtë ta bëni këtë. Fëmijët që po hapin këto llogari nuk kanë kapacitet për të pranuar këtë”, tha ai.

Lagone kërkoi falje pasi iu shfaqën pamjet, të shikuara nga Russell, pamje të cilat “shkelnin politikat”.

Nga 16,300 postimet që Russell ruajti, shpërndau ose pëlqeu në Instagram në periudhën gjashtëmujore para vdekjes së saj, 2,100 kishin të bënin me depresionin, vetëdëmtimin ose vetëvrasjen, sipas hetimit.

NSPCC tha se vendimi “duhet të jetë një pikë kthese”.

“Kompanitë e teknologjisë duhet të mbajnë përgjegjësi kur nuk e bëjnë sigurinë e fëmijëve një prioritet”, shkroi NSPCC në Twitter./UBTNews/

Teknologji

Apple humbet dizajnerin kryesor të iPhone Air

Published

26 minutes ago

November 20, 2025

UBT News

Abidur Chowdhury, një nga dizajnerët kryesorë që kontribuoi në zhvillimin e iPhone Air, është larguar nga Apple për t’u bashkuar me një startup të paidentifikuar të inteligjencës artificiale.

Chowdhury u bë i njohur për publikun pasi u shfaq në videon prezantuese të iPhone Air.

Edhe pse ai nuk ishte i vetmi përgjegjës për drejtimin e projektit, largimi i tij ka lënë boshllëk të ndjeshëm në ekipin e dizajnit të kompanisë.

Ai i’u bashkua Apple 6 vjet më parë, në një periudhë të afërt me largimin e dizajnerit Jony Ive, i cili themeloi agjencinë kreative, LoveFrom.

Një tjetër projekt i lidhur me Ive, i quajtur io, u ble nga OpenAI, megjithëse Ive dhe LoveFrom vazhdojnë të operojnë si entitete të pavarura.

iPhone Air raportohet se po përballet me shitje të dobëta, por burimet thonë se kjo nuk lidhet drejtpërdrejt me largimin e Chowdhury.

Më herët qarkulluan thashetheme se iPhone Air 2 mund të vonohet, por jo domosdoshmërisht të anulohet plotësisht. /A.Z/UBT News/

Teknologji

Roblox vendos masa të reja për mbrojtjen e fëmijëve online

Published

23 hours ago

November 19, 2025

UBT News

Roblox do t’i ndalojë fëmijët të bisedojnë me të rritur të panjohur, si pjesë e masave të reja të sigurisë.

Platforma po vendos verifikim të detyrueshëm të moshës për përdoruesit që duan të përdorin opsionet e bisedës, duke nisur në dhjetor në Australi, Zelandë të Re dhe Holandë, e nga janari në gjithë botën.

Roblox është kritikuar për ekspozimin e fëmijëve ndaj përmbajtjeve të papërshtatshme dhe kontaktit me të rritur, dhe aktualisht përballet me disa padi në SHBA. Aktivistët paralajmërojnë se rreziqet mund të vazhdojnë, pavarësisht masave.

Platforma ka rreth 80 milionë përdorues aktivë në ditë, nga të cilët 40% janë nën 13 vjeç. Verifikimi i ri i moshës, i bazuar në fytyrë, do të bëhet i detyrueshëm për qasjen në biseda, duke klasifikuar përdoruesit në grupe të ndryshme moshe.

Lojtarët do të mund të komunikojnë vetëm me persona brenda së njëjtës kategori, përveç kontakteve të besuara.

Nën-13 vjeçarët do të kenë ende të kufizuara mesazhet private, përveç nëse prindërit japin leje. Masat e reja vijnë mes shqetësimeve të vazhdueshme për sigurinë e fëmijëve në platformë. /A.Z/UBT News/

Teknologji

“Cloudflare” pranon gabimin pas rënies masive të faqeve në internet

Published

1 day ago

November 19, 2025

UBT News

Shumë faqe interneti të njohura, përfshirë “X” dhe “ChatGPT”, u përballën me rënie të martën për shkak të një problemi që preku kompaninë e njohur të infrastrukturës së internetit, “Cloudflare”, raporton “BBC”.

Mijëra përdorues raportuan vështirësi me uebfaqe dhe shërbime të ndryshme në platformën e monitorimit “Downdetector”, me raportimet që nisën rreth orës 12:00.

Sipas “Cloudflare”, ndërprerja e madhe u shkaktua nga një file konfigurimi i krijuar për menaxhimin e trafikut të kërcënimeve, i cili nuk funksionoi siç ishte parashikuar dhe “shkaktoi një bllokim” në softuerin që përpunon trafikun për shërbimet më të gjera të kompanisë.

“Ne kërkojmë falje ndaj klientëve tanë dhe internetit në tërësi që i zhgënjyem sot. Duke marrë parasysh rëndësinë e shërbimeve të ‘Cloudflare’, çdo ndërprerje është e papranueshme”, deklaroi kompania.

Megjithëse problemi është zgjidhur, “Cloudflare” njoftoi se disa shërbime mund të vazhdojnë të shfaqin gabime ndërsa rikthehen online.

Një gamë e gjerë aplikacionesh dhe faqesh u ndikuan nga ndërprerja, përfshirë edhe portalin KOHA.net.

“Cloudflare” është ndër ofruesit më të mëdhenj të sigurisë në internet, duke ofruar shërbime si verifikimi i trafikut për të dalluar përdoruesit realë nga robotët. Kompania thotë se rreth 20% e faqeve të internetit në botë përdorin shërbimet e saj. /A.Z/UBT News/

Automobilizëm elektrikë

Partneritet i ri! Ford sjell makinat e përdorura të certifikuara në Amazon

Published

2 days ago

November 18, 2025

UBT News

Dy vjet më parë, Hyundai njoftoi se do të shiste makina të reja përmes Amazon, me listat e para që u shfaqën në faqen e tyre në dhjetor të kaluar.

Ford po ndjek të njëjtin model. Kompania njoftoi se do t’i lejojë tregtarët të shesin automjetet e çertifikuara të përdorura përmes Amazon.

Tregtarët do të ruajnë kontrollin mbi çmimet dhe shërbimet, por klientët do të mund të shfletojnë, financojnë dhe blejnë automjetet online, duke caktuar marrjen e tyre në tregtarin përkatës. Blerësit do kenë mundësi të shikojnë makinat e disponueshme nga tregtarët pjesëmarrës të Ford brenda një rrezeje prej 75 miljesh. Listat përfshijnë çmimet, historikun e automjetit, specifikimet e plota dhe raportet e gjendjes.

Çdo automjet i CPO i nënshtrohet një inspektimi dhe mund të marrë një nga tre certifikimet: Gold, EV ose Blue.

Gold: Makina gjashtë vjeç ose më e re me më pak se 80,000 milje. Inspektim prej 172 pikash dhe garanci e kufizuar Ford Blue Advantage 12 muaj/12,000 milje.

EV: Inspektim prej 127 pikash, me kushtet e moshës/kilometrazhit të ngjashme me certifikatën Gold dhe garanci të përputhshme.

Blue: Përfshin automjete Ford e marka tjera deri 10 vjeç me më pak se 150,000 milje. Inspektim prej 139 pikash dhe garanci e kufizuar 90 ditë/4,000 milje për motorin, transmisionin, baterinë dhe sistemin elektrik.

Të gjitha automjetet përfshijnë ndihmë rrugore dhe një garanci 14-ditore/1,000 miljesh për kthim parash.

Tregtarët e Ford në Los Angeles, Seattle dhe Dallas janë të parët që ofrojnë CPO në Amazon, me tregje të tjera që do t’i ndjekin së shpejti.

Ata gjithashtu mund të ofrojnë opsione shtesë, si planet e zgjatura të shërbimit.

Një kontroll i shpejtë i inventarit brenda një rrezeje 75 miljesh nga Los Angeles tregon një gamë të gjerë automjetesh, përfshirë Jeep Cherokee 2018, Chevrolet Suburban 2023, Hyundai Elantra 2025 e modele Ford si Mustang Bullitt 2019 për pak më pak se 40,000 dollarë.

Shikoni inventarin këtu, duke ndryshuar vendndodhjen sipas nevojës. /A.Z/UBT News/