Sport

Maurizio Sarri njofton dorëheqjen nga Lazio

Lazio morën humbjen e tyre të 12-të të këtij sezoni në Serie A të hënën në mbrëmje nga Udinese, me rezultat 2-1 në ‘Stadio Olimpico’.

Published

2 years ago

March 12, 2024

Betim Gashi

Maurizio Sarri ka vendosur të japë dorëheqje nga Lazio si pasojë e formës së dobët të ekipit.

Lazio morën humbjen e tyre të 12-të të këtij sezoni në Serie A të hënën në mbrëmje nga Udinese, me rezultat 2-1 në ‘Stadio Olimpico’.

Presidenti i klubit, Claudio Lotito dhe drejtori sportiv Angelo Fabiani vendosën ta thërrasin skuadrën në një kamp stërvitor, duke dashur që gjërat të ndryshojnë përpara 10 ndeshjeve të fundit të sezonit.

Ata janë ende në garë për Coppa Italia, ku do të përballen me Juventusin në gjysmëfinale muajin e ardhshëm.

Siç raportohet nga Fabrizio Romano, ‘Calciomercato.com’ dhe ‘La Lazio Siamo Noi’, Sarri ka vendosur të largohet nga Lazio dhe ka komunikuar vendimin e tij për të dhënë dorëheqjen, duke lënë menjëherë postin në klub.

Trajneri italian pati një takim të tensionuar me skuadrën pas humbjes së fundit, ku u përpoq të kuptonte rënien e tyre./UBTNews/

Related Topics:ekipi Lazio Maurizio Sarri

Up Next

Gjigantët evropianë në garë për shërbimet e talentit të River Plate

Don't Miss

Gjiganti i Premier League-s ka shfaqur interes për shërbimet e Albion Rrahmanit

Sport

Rekord i Wembanyama-s nuk mjafton, Spurs humbin ndaj Timberwolves

Published

2 hours ago

May 5, 2026

UBTNews

Rekord historik i Victor Wembanyama nuk mjaftoi për San Antonio Spurs, të cilët u mposhtën në ndeshjen e parë gjysmëfinale të Konferencës në plejof nga Minnesota Timberwolves me rezultat të ngushtë 104:102.

Ylli i Spurs, Victor Wembanyama, zhvilloi një paraqitje të jashtëzakonshme duke vendosur rekord të ri në plejofin e NBA-së me 12 bllokada. Përveç kësaj, ai kontribuoi edhe me 11 pikë dhe 15 kërcime, duke regjistruar gjithashtu një “triple-double” të rrallë me bllokada – duke u bërë vetëm lojtari i tretë në histori që arrin këtë arritje që nga viti 1973/74, kur NBA filloi t’i regjistronte bllokimet si statistikë zyrtare.

Megjithatë, performanca e tij nuk mjaftoi për fitore, pasi Minnesota arriti ta mbyllë ndeshjen në favor të saj në fundin e një dueli shumë të fortë.

“Duhet të jemi më të mirë”, deklaroi Wembanyama pas ndeshjes, duke pranuar nevojën për përmirësim në vazhdim të serisë.

Sport

City ndalet në garën për titull pas barazimit me Evertonin

Published

3 hours ago

May 5, 2026

UBTNews

Manchester City ka humbur hapin në garën për titullin e Premier League pas një barazimi dramatik 3:3 ndaj Everton FC, në një ndeshje të xhiros së 35-të.

Skuadra e Pep Guardiolës u ndal në këtë përballje të hënën mbrëma, duke mbetur tashmë pesë pikë prapa liderit Arsenal FC, i cili ka 76 pikë, ndërsa City është në vendin e dytë me 71 pikë, por me një ndeshje më pak të zhvilluar.

City shmangu humbjen në sekondat e fundit, kur Jeremy Doku realizoi golin e barazimit 3:3 në minutën e 97-të. Ai kishte shënuar edhe golin e parë për vendasit në minutën e 43-të. Gol tjetër për Cityn realizoi Erling Haaland në minutën e 83-të.

Nga ana tjetër, Evertoni përmbysi përkohësisht rezultatin në pjesën e dytë. Fillimisht barazoi me Thierno Barryn në minutën e 68-të, më pas kaloi në epërsi me Jake O’Brien në minutën e 73-të, ndërsa Barry shënoi edhe golin e tretë në minutën e 81-të.

Me këtë barazim, Evertoni mban vendin e 10-të me 48 pikë.

Sport

Sevilla fiton 1:0 ndaj Real Sociedadit, Adnan Januzaj mbetet në bankinë

Published

3 hours ago

May 5, 2026

UBTNews

Fitore minimale, por me shumë peshë për Sevilla FC, ku aktivizohet edhe mesfushori kosovar Adnan Januzaj.

Skuadra andaluziane arriti të hënën një triumf të rëndësishëm ndaj Real Sociedad, duke fituar me rezultat 1:0. Golin vendimtar e realizoi sulmuesi me përvojë Alexis Sánchez në minutën e 50-të, duke i siguruar ekipit tri pikë jetike në garën për mbijetesë.

Januzaj nuk u aktivizua në këtë përballje, duke e ndjekur ndeshjen nga stoli.

Me këtë fitore, Sevilla ngjitet në vendin e 17-të me 37 pikë, duke bërë një hap të rëndësishëm larg zonës së rrezikut. Në anën tjetër, Real Sociedadi mbetet në pozitën e nëntë me 43 pikë.

Sport

“Shqiponjat e Kastriotit” dominojnë në Spanjë

Published

20 hours ago

May 4, 2026

UBTNews

Pilotët e rinj nga Shqiponjat e Kastriotit kanë shkëlqyer në garën ndërkombëtare të paraglidizmit në disiplinën Accuracy Landing, e mbajtur në Alicante, duke dominuar konkurrencën me rezultate të jashtëzakonshme.

Në këtë garë morën pjesë 115 pilotë, ndërsa vetëm 61 prej tyre arritën të kualifikohen për fazën konkurruese. Ekipi nga Kosova u dallua me performancë të lartë, duke fituar shumicën e medaljeve kryesore.

Talenti 14-vjeçar Arbër Shala zuri vendin e parë, duke hyrë në histori të këtij sporti, ndërsa Migjen Shala u rendit i treti dhe Lisjeta Thaqi përfundoi në vendin e pestë. Në konkurrencën e femrave, Lisjeta Thaqi fitoi vendin e parë, ndërsa Anisa Shala u rendit e katërta.

Dominimi vazhdoi edhe në kategorinë e juniorëve, ku Arbër Shala fitoi sërish vendin e parë, ndërsa vendi i dytë i takoi Anisa Shalës.

Sukseset individuale u kurorëzuan edhe me triumfin ekipor, ku Kosova zuri vendin e parë, duke dëshmuar nivelin e lartë të përgatitjes dhe punës së vazhdueshme të klubit nën drejtimin e trajnerit Fanol Shala.