Sport

Gjigantët evropianë në garë për shërbimet e talentit të River Plate

17-vjeçari është lojtari më i ri që ka luajtur në ‘SuperClasico’ mes Boca Juniors dhe River Plate.

Published

2 years ago

March 13, 2024

Betim Gashi

Javë më parë u raportua se Barcelona kishte filluar të ndiqte nga afër situatën e talentit të River Plate, Franco Mastantuono. Ndërsa së fundmi thuhet se edhe Real Madridi i është bashkuar kësaj gare.

17-vjeçari është lojtari më i ri që ka luajtur në ‘SuperClasico’ mes Boca Juniors dhe River Plate, dhe gjithashtu u bë golashënuesi më i ri ndonjëherë për River.

Sipas ‘TNT Sports’, Los Blancos do të konsiderojë një ofertë për të në vitin 2025. Pikërisht atëherë kur ai mbush 18 vjeç dhe mund të kalojë ligjërisht në Evropë.

Megjithatë, deri atëherë, ata janë të lumtur ta lënë atë të vazhdojë të zhvillohet në kampionatin argjentinas, ku edhe po aktivizohet aktualisht.

Tani për tani ai ka një kontratë deri në vitin 2025 me River Plate, por besohet se argjentinasit janë duke punuar për një marrëveshje të re me Mastantuono.

Përveç Barcelonës, PSG dhe Manchester United gjithashtu janë lidhur me të, dhe klauzola e tij e lirimit me kontratën aktuale është 30 milionë euro./UBTNews/

Related Topics:barcelona River Plate Franco Mastantuono

Up Next

Futbollisti i Real Madridit ndryshon kombëtaren, FIFA miraton vendimin e tij

Don't Miss

Maurizio Sarri njofton dorëheqjen nga Lazio

Sport

Rekord i Wembanyama-s nuk mjafton, Spurs humbin ndaj Timberwolves

Published

30 minutes ago

May 5, 2026

UBTNews

Rekord historik i Victor Wembanyama nuk mjaftoi për San Antonio Spurs, të cilët u mposhtën në ndeshjen e parë gjysmëfinale të Konferencës në plejof nga Minnesota Timberwolves me rezultat të ngushtë 104:102.

Ylli i Spurs, Victor Wembanyama, zhvilloi një paraqitje të jashtëzakonshme duke vendosur rekord të ri në plejofin e NBA-së me 12 bllokada. Përveç kësaj, ai kontribuoi edhe me 11 pikë dhe 15 kërcime, duke regjistruar gjithashtu një “triple-double” të rrallë me bllokada – duke u bërë vetëm lojtari i tretë në histori që arrin këtë arritje që nga viti 1973/74, kur NBA filloi t’i regjistronte bllokimet si statistikë zyrtare.

Megjithatë, performanca e tij nuk mjaftoi për fitore, pasi Minnesota arriti ta mbyllë ndeshjen në favor të saj në fundin e një dueli shumë të fortë.

“Duhet të jemi më të mirë”, deklaroi Wembanyama pas ndeshjes, duke pranuar nevojën për përmirësim në vazhdim të serisë.

Sport

City ndalet në garën për titull pas barazimit me Evertonin

Published

2 hours ago

May 5, 2026

UBTNews

Manchester City ka humbur hapin në garën për titullin e Premier League pas një barazimi dramatik 3:3 ndaj Everton FC, në një ndeshje të xhiros së 35-të.

Skuadra e Pep Guardiolës u ndal në këtë përballje të hënën mbrëma, duke mbetur tashmë pesë pikë prapa liderit Arsenal FC, i cili ka 76 pikë, ndërsa City është në vendin e dytë me 71 pikë, por me një ndeshje më pak të zhvilluar.

City shmangu humbjen në sekondat e fundit, kur Jeremy Doku realizoi golin e barazimit 3:3 në minutën e 97-të. Ai kishte shënuar edhe golin e parë për vendasit në minutën e 43-të. Gol tjetër për Cityn realizoi Erling Haaland në minutën e 83-të.

Nga ana tjetër, Evertoni përmbysi përkohësisht rezultatin në pjesën e dytë. Fillimisht barazoi me Thierno Barryn në minutën e 68-të, më pas kaloi në epërsi me Jake O’Brien në minutën e 73-të, ndërsa Barry shënoi edhe golin e tretë në minutën e 81-të.

Me këtë barazim, Evertoni mban vendin e 10-të me 48 pikë.

Sport

Sevilla fiton 1:0 ndaj Real Sociedadit, Adnan Januzaj mbetet në bankinë

Published

2 hours ago

May 5, 2026

UBTNews

Fitore minimale, por me shumë peshë për Sevilla FC, ku aktivizohet edhe mesfushori kosovar Adnan Januzaj.

Skuadra andaluziane arriti të hënën një triumf të rëndësishëm ndaj Real Sociedad, duke fituar me rezultat 1:0. Golin vendimtar e realizoi sulmuesi me përvojë Alexis Sánchez në minutën e 50-të, duke i siguruar ekipit tri pikë jetike në garën për mbijetesë.

Januzaj nuk u aktivizua në këtë përballje, duke e ndjekur ndeshjen nga stoli.

Me këtë fitore, Sevilla ngjitet në vendin e 17-të me 37 pikë, duke bërë një hap të rëndësishëm larg zonës së rrezikut. Në anën tjetër, Real Sociedadi mbetet në pozitën e nëntë me 43 pikë.

Sport

“Shqiponjat e Kastriotit” dominojnë në Spanjë

Published

19 hours ago

May 4, 2026

UBTNews

Pilotët e rinj nga Shqiponjat e Kastriotit kanë shkëlqyer në garën ndërkombëtare të paraglidizmit në disiplinën Accuracy Landing, e mbajtur në Alicante, duke dominuar konkurrencën me rezultate të jashtëzakonshme.

Në këtë garë morën pjesë 115 pilotë, ndërsa vetëm 61 prej tyre arritën të kualifikohen për fazën konkurruese. Ekipi nga Kosova u dallua me performancë të lartë, duke fituar shumicën e medaljeve kryesore.

Talenti 14-vjeçar Arbër Shala zuri vendin e parë, duke hyrë në histori të këtij sporti, ndërsa Migjen Shala u rendit i treti dhe Lisjeta Thaqi përfundoi në vendin e pestë. Në konkurrencën e femrave, Lisjeta Thaqi fitoi vendin e parë, ndërsa Anisa Shala u rendit e katërta.

Dominimi vazhdoi edhe në kategorinë e juniorëve, ku Arbër Shala fitoi sërish vendin e parë, ndërsa vendi i dytë i takoi Anisa Shalës.

Sukseset individuale u kurorëzuan edhe me triumfin ekipor, ku Kosova zuri vendin e parë, duke dëshmuar nivelin e lartë të përgatitjes dhe punës së vazhdueshme të klubit nën drejtimin e trajnerit Fanol Shala.