Lajmet

“Masat e reja dëmtojnë bizneset, Qeveria të kompensojë humbjet”

Published

4 years ago

on

Vendimi për anulimin e dasmave dhe ahengjeve, si dhe kufizimi i orarit të punës për gastronominë, ka bërë që komuniteti i bizneseve të kërkojë kompensimin e humbjeve gjatë kësaj periudhe.

Kryetari i bordit të Odës së Afarizmit të Kosovës, Skënder Krasniqi thotë se vendimi i Qeverisë së Kosovës për masat e reja antiCOVID i ka goditur edhe njëherë bizneset.

Krasniqi në një intervistë për KosovaPress e quan të ngutshëm një vendim të tillë, teksa shton se nuk u morën parasysh kërkesat e tyre.

“Kërkesat tona kanë qenë që t’i mbulojnë humbjet. Humbjet duhet të mbulohen për ndalesat që bëhen. Duhet t’iu dalim në ndihmë punëtorëve dhe bizneseve kur shteti ua ndalon të drejtën e punës. Me Kushtetutë, punëtori ka të drejtë me punu dhe çdo ndalesë që ia bënë shteti duhet të rezultojë me ndihmë financiare dhe nëse kjo nuk ndodhë, atëherë është ajo mungesa e komunikimit të shtetit me qytetarin e vet”, thotë ai.

Sipas tij, shtrëngimi i madh dhe i menjëhershëm i masave antiCOVID, nuk do të duhej të ndodhte me kaq nguti, pasi që fillimisht do të duhej që shteti të sigurohej që popullata është vaksinuar. Derisa thekson se dëmet e këtij vendimi janë të mëdha.

“Çdo veprim që merr qeveria do të duhej që paraprakisht të analizojmë për efektet dhe kundërefektet që jep një vendim i tillë. Në këtë rast, vendimi i shpejt që është marrë për ndalim i ka dëmtuar shumë bizneset, sepse bizneset filluan edhe falë ardhjes së diasporës, të gjenerojnë të hyra të mira që të mbulojnë shpenzimet për të cilat qeveria nuk iu ka dalë në ndihmë, as kjo e as ajo tjetra. Gjatë gjithë kohës së pandemisë, ndihma e qeverisë ka qenë shumë e vobektë si në aspektin financiar, ashtu edhe në aspektin e përkrahjes ligjore. Ky veprim i ka dëmtuar shumë bizneset”, thotë ai.

Oda e Afarizmit të Kosovës ka kërkuar nga Qeveria e Kosovës që të shtyjë vendimin për anulimin e dasmave dhe atë të kufizimit të orarit të punës për gastronominë, por që Krasniqi thotë se nuk është përfill kërkesa e tyre.

“Në kemi kërkuar që të shtyhet deri më 15 shtator në mënyrë që të mos vijë një bllokadë e shpejt. Ne jemi të vetëdijshëm për dëmet që i shkakton COVID-i, por do të duhej që rregullat paraprakisht të analizohen, jo të bëhet hapje e plotë dhe tash mbyllje, sepse i dëmton bizneset shumë, por edhe punëtorët, të cilët janë angazhuar gjatë kësaj kohe. Ka pasur rritje të të punësuarve për këtë situatë dhe të gjithë tash do të largohen nga puna. Këta nuk kanë përkrahje financiare, sikurse nuk ka biznesi si rezultat i investimit që ka bërë, qoftë me mjetet që ka bërë për të blerë gjërat”, shprehet ai.

Krasniqi shtoi se nuk kanë marrë asnjë përgjigje nga institucionet shtetërore lidhur me kërkesat e tyre.

“Nuk kemi marrë asnjë përgjigje… I kemi kërkuar edhe ministrit të Shëndetësisë takim që të ketë shtyrje por nuk kemi mundur me e realizu. Edhe kryeministrit i kemi kërkuar që të shtyhet, por nuk kemi marrë asnjë përgjigje nga ta”, thotë Krasniqi.

Krahas mungesës së ndihmës financiare, kryetari i bordit të OAK-së, thotë se ka mungesë edhe të përkrahjes ligjore dhe të komunikimit të institucioneve me sektorin privat.

“Dëmet do të jenë me dhjetëra miliona, por edhe qindra-mijëra punëtorë do të mbesin pa punë, të cilët kanë qenë të punësuar si punëtorë sezonal dhe të cilëve iu është ndërprerë automatikisht puna për shkak të vendimit. Ne kemi kërkuar që shteti të ndajë buxhet dhe të ndihmojë bizneset që afektohen. Këtë nuk e ka bërë shteti dhe ky është dëm që u shkaktohet edhe biznesit por edhe shtetit”, shton ai.

Masat e reja anti-COVID kanë hyrë në fuqi më 20 gusht.

Related Topics:
Continue Reading

Bota

Dronët rus godasin Kharkivin, 4 viktima dhe dhjetëra të plagosur

Published

55 minutes ago

on

August 18, 2025

By

Katër persona humbën jetën dhe 17 të tjerë u plagosën nga sulmet ruse me dron në qytetin lindor të Ukrainës, në Kharkiv edhe pas takimit Trump-Putin.

Sulmi vjen disa orë para takimit të paralajmëruar mes presidentit të SHBA Donald Trump dhe presidentit Ukrainas Volodymir Zelenksy në Uashington.

Edhe më herët Kharkiv ishte goditur me raketa balistike duke lënë të plagosur 11 persona.

Continue Reading

Aktualitet

Komuna e Prishtinës refuzon kërkesën ndaj autobusëve të Podujevës

Published

1 hour ago

on

August 18, 2025

By

Komuna e Prishtinës, në bashkëpunim me Policinë e Kosovës, ka ndaluar kthimin e autobusëve të Podujevës nga Xhamia e Llapit, duke theksuar se kjo nuk do të lejohet si pikë kthimi. Drejtori i Mobilitetit në Komunën e Prishtinës, Donat Lushaku, tha se kërkesa e Shoqatës së autobusëve të Podujevës për ta bërë kthimin në këtë lokacion është e papranueshme për komunën.

Lushaku tha se Shoqata e autobusëve e kishte paralajmëruar grevën para dhjetë ditësh dhe se për këtë kishte pasur një takim të premten me policinë. Ai tha se policia e kishte konfirmuar se greva mund të mbahej si e drejtë ligjore dhe kushtetuese, por pa penguar qarkullimin.

“Shoqata e autobusëve të Podujevës e pat paralajmëruar para 10 ditësh këtë grevë. Ne kemi pasur një takim ditën e premte në polici bashkë me të njëjtit dhe ju kemi dhënë disa propozime për ta zgjidhur situatën. Ndërkohë, policia ju ka konfirmuar atyre madje edhe me vendim me shkrim, siç kemi marrë informacion sot se greva mund të zhvillohet, sepse është e drejtë kushtetuese dhe ligjore. Mirëpo, nuk mund të ketë pengesë në qarkullim të komunikacionit, që nënkupton se sikurse herën e kaluar autobusët nuk mund të qëndrojnë për ta bllokuar ndonjërin nga shiritët, siç ka qenë rasti i mëhershëm te Komuna apo edhe tash siç është bërë bllokimi tek lagja Top Hane”, tha ai.

Ai bëri të ditur se masat e marra nga komuna bashkë me policinë kanë qenë largimi i tabelave të autobusëve dhe shqiptimi i gjobave.

“Masat që i kemi marrë si komunë bashkë me policinë ka qenë largimi i tabelave të atyre autobusëve, pastaj shqiptimi i gjobave nga ana e policisë. Ne e kemi arritur një marrëveshje paraprake me ta që ata të hyjnë në qytet nga Kodra e Trimave, të vazhdojnë tek shkolla Model, tek rruga Zagrebi, të vazhdojnë tek stacioni i autobusëve, të kthehen në këtë rrugëtim, e të njëjtin ta përfundojnë duke shkuar në Podujevë. Por të njëjtit në disa raste nuk e kanë respektuar, madje edhe disa hyrje-dalje në Stacionin e autobusëve nuk i kanë bërë ashtu siç është paraparë, por ka më pak hyrje-dalje se sa që duhej të ishin. Andaj ne shpresojmë dhe jemi edhe për dialog, kuptohet në mirëkuptim me ta me idenë që të vazhdohet kjo formë e marrëveshjes e jo të hyhet në qytet dhe të ketë kthim nga i ashtuquajtura stacioni tek Xhamia e Llapit”, tha ai.

Lushaku tha se komuna është e hapur për dialog me Shoqatën e autobusëve, por vetëm në kuadër të marrëveshjes ekzistuese.

Ai shtoi se një tjetër kërkesë e Shoqatës ka qenë që dy nga linjat e kontraktuara të komunës të mos shkelin në territorin e Podujevës, çështje që duhet të diskutohet mes dy komunave.

 

Continue Reading

Aktualitet

​Publikohet aktgjykimi i plotë i Gjykatës Kushtetuese për Kuvendin

Published

1 hour ago

on

August 18, 2025

By

Gjykata Kushtuese e Kosovës ka publikuar aktgjykimin e plotë lidhur me bllokadën në Kuvend. Masa e përkohshme është mbajtur në fuqi deri në publikimin e aktgjykimit dhe publikimit të tij në Gazetën Zyrtare.

Aktgjykimi i plotë:

“Gjykata vendosi: TË URDHËROJË, me 6 [gjashtë] vota për dhe 1 [një] kundër, Kryesuesin e Seancës Konstituive të Kuvendit të Republikës së Kosovës të vazhdojë me pikën 3 të rendit të ditës së Seancës Konstituive, të miratuar më 8 prill 2025, dhe në pajtim me paragrafin 2 të nenit 67 [Zgjedhja e Kryetarit dhe Nënkryetarëve] të Kushtetutë së Republikës së Kosovës, të ftojë përfaqësuesin e grupit më të madh parlamentar për të propozuar kandidatin/en për Kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në 3 (tre) herë për kandidatin/en e njëjtë”, thuhet në aktgjykimin e Kushtetueses të publikuar sot.

Gjykata Kushtetuese tha se deputetët e zgjedhur të Kuvendit të Kosovës nuk e kanë zbatuar Aktgjykimin e 26 qershorit 2025 dhe rrjedhimisht të gjitha seancat e mbajtura nga data 27 qershor deri më 26 korrik 2025 shpallen të pavlefshme.

Gjithashtu, gjykata tha se Kryesuesi i Seancës Konstituive të Kuvendit të Republikës së Kosovës, nuk ka vepruar në pajtueshmëri me Aktgjykimin e Gjykatës Kushtetuese të Republikës së Kosovës në rastin KO124/25, të 26 qershorit 2025 dhe rrjedhimisht veprimet e tij janë në papajtueshmëri me paragrafin 1 të nenit 116 [Efekti Juridik i Vendimeve] të Kushtetutës së Republikës së Kosovës.

Continue Reading

Aktualitet

Krasniqi: PDK do ta dërgojë në Kushtetuese vendimin e ZRRE-së për të mbrojtur bizneset

Published

1 hour ago

on

August 18, 2025

By

Partia e Demokratike e Kosovës (PDK) paralajmëron se gjatë kësaj jave do të dërgon në Gjykatën Kushtetuese vendimin e Zyrës së Rregullatorit për Energji, vendim ky i cili detyron mbi rreth 1 mijë e 400 biznese të dalin në të ashtuquajturin treg të lirë të energjisë.

Kryetari i PDK-së, Memli Krasniqi ka shkruar në Facebook se në konsultim me avokatin Faton Fetahu dhe ekipin e juristëve të PDK-së, kemi konstatuar se tashmë janë përmbushur të gjitha kushtet ligjore që ky vendim i ZRRE-së të ankimohet në Gjykatën Kushtetuese, gjë që do ta bëjmë gjatë kësaj jave.

“Ne do të kërkojmë masë të përkohshme, në mënyrë që ky vendim i dëmshëm të mos zbatohet deri në shqyrtimin përfundimtar të çështjes”, ka shkruar Krasniqi.

Ai ka thënë se që nga fillimi PDK është angazhuar me vendosmëri për ta ndalur ZRRE-në nga zbatimi i vendimit të saj të padrejtë, i cili i detyron mbi 1,300 biznese të dalin në të ashtuquajturin “treg të lirë” të energjisë – në kohën kur vetë ZRRE-ja nuk ka krijuar as kushtet minimale për një gjë të tillë.

“Këtë betejë e nisëm në gjykatat e rregullta, duke përdorur çdo mjet juridik në dispozicion. Por, edhe pse provat ishin të qarta dhe pasojat për ekonominë e vendit evidente, Gjykata Themelore e refuzoi kërkesën tonë, ndërsa Gjykata e Apelit e legjitimoi këtë refuzim, duke i hapur rrugë zbatimit të vendimit të ZRRE-së”, shkruan ai.

Sipas tij, ky nuk është vetëm një proces gjyqësor, por si një betejë për të mbrojtur biznesete e vendit.

“Është një betejë për të mbrojtur bizneset tona, ekonominë e vendit, punëtorët tanë dhe familjet e tyre nga një abuzim i pashembullt i pushtetit, i cili i ka detyruar qytetarët dhe ndërmarrjet të blejnë energji me çmime 280% më të larta – vetëm për të mbushur xhepat e kompanive të licencuara nga qeveria”.

Ai po ashtu ka thënë se PDK do të jetë deri në fund në krah të ndërmarrësve dhe qytetarëve të Kosovës, për ta ndalur këtë padrejtësi të madhe dhe për të mbrojtur interesin publik.

Ndryshe, nëntëdhjetë për qind e bizneseve janë shkyçur më 16 gusht nga furnizimi me energji elektrike, ndërsa pjesa tjetër e mbetur do të shkyçen gjatë ditëve të ardhshme.

Dhoma e Tregtisë dhe Industrisë Kosovë përmes një reagimi ka thënë se procesi ka një mori shkeljesh ligjore dhe procedural, derisa ka apeluar Qeverinë e Kosovës dhe ZRRE-në që të pezullojnë menjëherë zbatimin e vendimit dhe të hapin një proces të rishqyrtimit transparent.

 

Continue Reading

Të kërkuara