Aktualitet

“Marrëveshja e Uashingtonit do të përshpejtojë rritjen ekonomike të Kosovës e Ballkanit”

Published

5 years ago

on

Kryetari i Odës Ekonomike Amerikane në Kosovës, Arian Zeka, ka thënë se marrëveshja ekonomike ndërmjet Kosovës dhe Serbisë, e nënshkruar me 4 shtator në Uashington, do t’i sjellë përftime Kosovës dhe rajonit në përgjithësi.

Njëra nga pikat e marrëveshjes është edhe ajo për trafikun hekurudhor Prishtinë-Merdare dhe ajo Nish-Prishtinë.

Zeka në një prononcim për Ekonomia Online, thotë se shtrirja e trafikut hekurudhor deri në Detin Adriatik, do të ndihmojë që Kosova të shndërrohet në një nyje lidhës me shtetet e Ballkanit, por edhe për rajonin.

“Shtrirja e trafikut hekurudhor deri në një portë në Detin Adriatik, që supozojmë që do të jetë Porti i Durrësit, do të ndihmojë që Kosovë të shndërrohet në një nyje lidhëse me shtetet e Ballkanit, por edhe për rajonin më gjerë, duke bërë të përfitojë më tepër në aspektin ekonomik nga pozita qendrore gjeografike që ka në rajonin e Ballkanin Perëndimor”, ka thënë Zeka.

Ai ka thënë se investimi në këto projekte strategjike infrastrukturore do të ketë efekte zingjirore në zhvillimin ekonomik të Kosovës dhe Ballkanit në përgjithësi.

“Investimi në këto projekte strategjike infrastrukturore do të ketë efekt multiplikativ edhe në hallkat e tjera të zinxhirit ekonomik të Kosovës, por edhe të shteteve, për rreth që do të ndikojë në përshpejtimin e rritjes ekonomike të Kosovës dhe Ballkanit në përgjithësi”, është shprehur Zeka.

Përveç aspektit në investimet infrastrukturore, marrëveshja e 4 shtatorit, parasheh edhe sigurimin e financave për mbështetjen e kredive që kërkohen për ndërmarrjet e vogla e të mesme.

E sipas Zekës, kjo është e rëndësishme që ndërmarrjet të kenë mundësi për qasje në financa, për të investuar edhe në projekte tjera, e të cilat nuk janë specifikuar në marrëveshje.

Ai duke përmendur mundësinë për investime në Brezovicë, ka thënë se Qeveria duhet të përgatitet mirë, që të ofrojë kompani me përvojë në menaxhimin e këtyre qendrave rekreative.

“Ajo çka është e rëndësishme në këtë aspekt është se Kosovës dhe ndërmarrjeve potenciale që dëshirojnë të investojnë në qendrën rekreative në Brezovicë ose projekte të tjera të ngjashme mund të përfitojnë nga përkrahja financiare amerikane”.

“Qeveria do duhej të përgatitej shumë më mirë për dhënien me koncesion të Brezovicës, ashtu që të mund të tërhiqte kompani serioze ndërkombëtare të cilat kanë përvojën e duhur në menaxhimin e qendrave të ngjashme rekreative, që pastaj ne të mund ta vënim këtë aset të rëndësishëm në shërbim të zhvillimit ekonomik të vendit dhe krijimin e vendeve të reja të punës”, është shprehur Zeka.

Ai ka thënë se frytet nga marrëveshja mund të shihen shpejtë, por kjo varet edhe nga vullneti i dy shteteve se sa shpejtë do t’i përgjigjen zotimeve të dhëna për nënshkrimin e marrëveshjes.

Zeka, ka thënë se Oda Ekonomike Amerikane ka dhënë disa ide para nënshkrimit të kësaj marrëveshje, të cilat kanë gjetur vende në marrëveshjen mes dy shteteve me ndërmjetësimin e SHBA-së, siç ishte ideja e trafikut hekurudhor ndërmjet të dyja shteteve, por edhe nevoja e një funksionalizimit të vendkalimit të përbashkët kufitarë në Merdare, e cila do të duhej të ndikonte në përshpejtimin e procedurave të kalimit kufitar dhe të zhdoganimit të mallrave duke fuqizuar edhe më tej bashkëpunimit ekonomik.

Në ceremoninë e nënshkrimit të kësaj marrëveshjeje mori pjesë kryeministri i Kosovës, Avdullah Hoti dhe presidenti i Serbisë, Aleksandar Vuçiq. Marrëveshja u nënshkrua në prani të presidentit amerikan Donlad Trump.

Shtetet e Bashkuara u përfshin në këtë dialog më shumë, pasi më 4 tetor 2019, presidenti Trump e emëroi Richard Grenellin si të dërguarin e tij të posaçëm në këto bisedime.

Related Topics:
Continue Reading

Lajmet

Fillon dëshmia e dytë në gjykimin e Thaçit dhe të tjerëve në Hagë

Published

2 hours ago

on

March 3, 2026

By

Në Dhomat e Specializuara të Kosovës (DhSK) në Hagë ka nisur dëshmia e dytë e Prokurorisë në rastin ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit për vepra penale kundër administrimit të drejtësisë.

Dëshmitari i dytë, Koen Herlaar nga Instituti i Kriminalistikës së Holandës (IKH), ka treguar se punon aty që prej vitit 2009 si ekspert i kriminalistikës dhe se roli i tij është të ekzaminojë prova dhe gjurmë që lidhen me dokumentet dhe objektet e të dyshuarve. Ai tha:

“Ne bëjmë gjurmimet e materialeve, instrumenteve dhe mjeteve të ndryshme, ekzaminojmë objekte dhe lidhim gjurmët me dokumente ose persona të dyshuar. Mund të analizojmë edhe vendngjarjet dhe objektet e përfshira aty.”

Gjatë seancës, Bashkim Smakaj, Isni Kilaj dhe Fadil Fazliu kërkuan ndryshimin e kushteve të lirimit me kusht, por Prokuroria kundërshtoi dhe u obligua të zgjerojë parashtrimet më vonë. Ndërkaq, Hashim Thaçi, i pranishëm përmes video-lidhjes, u ankua për mungesë përkthimi gjatë procedurës.

Continue Reading

Lajmet

Kurti dhe Abdixhiku sërish takohen për zgjedhjen e presidentit

Published

2 hours ago

on

March 3, 2026

By

Kryeministri Albin Kurti dhe kryetari i LDK-së, Lumir Abdixhiku janë takuar edhe sot për të diskutuar mbi zgjedhjen e presidentit të Kosovës. Kjo ndoshta është edhe përpjekja e tyre e fundit, pasi afati për votim po shkon drejt fundit.

Ende nuk është propozuar asnjë kandidat dhe nuk është arritur ndonjë marrëveshje mes partive. Abdixhiku në takimin e djeshëm  ka theksuar se LDK nuk ka qëndrime përjashtuese ndaj asnjë kandidati, përfshirë edhe presidenten aktuale Vjosa Osmani, dhe se deri tani nuk është paraqitur asnjë emër konkret për mbështetje.

Ai gjithashtu ka shtuar se arritja e një konsensusi politik duket sfiduese dhe se një garë mes partive mund ta çojë vendin drejt krizës ose zgjedhjeve të reja.

Continue Reading

Lajmet

Ambasada e Kosovës në Abu Dhabi paralajmëron qytetarët për evakuim të mundshëm

Published

3 hours ago

on

March 3, 2026

By

Ambasada e Republikës së Kosovës në Abu Dhabi ka njoftuar qytetarët kosovarë -vizitorë dhe rezidentë për gatishmërinë e saj për evakuim në rast të bllokadës së hapësirës ajrore në Emiratet e Bashkuara Arabe.

Ambasada njofton se është në komunikim të vazhdueshëm me autoritetet lokale, institucionet shtetërore në Kosovë dhe Ambasadën në Riad, për të siguruar mënyrën më të shpejtë dhe më të sigurt të evakuimit të qytetarëve kosovarë.

Sipas njoftimit zyrtar, “Në momentin e domosdoshmërisë për evakuim emergjent, Ambasada do t’ju njoftojë menjëherë dhe do të organizojë fluturimet nga aeroportet në Jeddah ose Riyadh”.

Qytetarët që ndodhen në Emiratet e Bashkuara Arabe dhe nuk janë regjistruar ende, mund të kontaktojnë Ambasadën përmes emailit [email protected] ose numrit +971 54 709 2109, duke dërguar të dhënat e dokumentit të udhëtimit dhe vendin ku ndodhen. Kjo do të lejojë përgatitjen e lejes kaluese urgjente në kufirin e Arabisë Saudite në rast evakuimi bën të ditur njoftimi i Ambasadës.

Hetimi dhe koordinimi me autoritetet lokale dhe ato saudite, sipas Ambasadës se Kosovës në Abu Dhabi po vazhdojnë për të siguruar evakuimin e qytetarëve në rast nevoje.

Continue Reading

Aktualitet

Izraeli nis sulme të reja ndaj Teheranit dhe Bejrutit, ambasada amerikane në Riad goditet nga dy dronë

Published

3 hours ago

on

March 3, 2026

By

Në ditën e katërt të luftës SHBA–Izrael me Iranin, zhvillimet e fundit tregojnë për një përshkallëzim të mëtejshëm të situatës në rajon.

Izraeli ka nisur një valë të re “sulmesh ajrore të gjera” ndaj asaj që i cilëson si “objektiva ushtarake” në Teheran dhe Bejrut.

Ndërkohë, Ministria Saudite e Mbrojtjes ka bërë të ditur se ambasada e Shteteve të Bashkuara në Riad është goditur nga dy dronë, duke shkaktuar një zjarr të “kufizuar”.

Sipas mediave shtetërore iraniane, një ndërtesë komanduese dhe e personelit në një bazë ajrore amerikane në Bahrein është shkatërruar.

Një zyrtar iranian ka kërcënuar se do t’u “vërë flakën” çdo anijeje që përpiqet të kalojë nëpër Ngushticën e Hormuzit, një rrugë kyçe për furnizimet globale me energji.

Sekretari amerikan i Shtetit, Marco Rubio, ka deklaruar se “goditjet më të rënda ende nuk kanë ardhur” nga ushtria amerikane ndaj Iranit. Ai foli pasi presidenti Donald Trump i cilësoi sulmet e së shtunës si “mundësia e fundit dhe më e mirë” për të eliminuar “kërcënimet” nga Teherani.

Që nga fillimi i luftës, gjashtë ushtarakë amerikanë janë vrarë. Tre avionë luftarakë amerikanë u rrëzuan dje në Kuvajt në atë që u përshkrua si një “incident i dukshëm me zjarr miqësor”; megjithatë, ekuipazhet kanë mbijetuar.

Ndërkohë, kryeministri britanik Keir Starmer deklaroi para deputetëve se “nuk beson në ndryshimin e regjimit nga ajri”. Megjithatë, ai ka lejuar përdorimin e bazave ushtarake britanike nga SHBA për sulme “mbrojtëse” ndaj objekteve raketore iraniane. /BBC/

Continue Reading

Të kërkuara