Lajmet

Maroku voton për ‘rishqyrtimin’ e marrëdhënieve me BE-në

Vendi po e akuzon BE-në për ndërhyrje pas një rezolute që i kërkon të respektojë lirinë e shtypit.

Publikuar

Ligjvënësit marokenë votuan njëzëri të hënën për të rishikuar lidhjet me Parlamentin Evropian, duke e akuzuar atë për ndërhyrje pas një rezolute që i kërkonte mbretërisë të respektonte lirinë e shtypit.

Në një deklaratë pas seancës së tyre, ligjvënësit marokenë e quajtën rezolutën evropiane “një sulm të papranueshëm kundër sovranitetit, dinjitetit dhe pavarësisë së institucioneve gjyqësore në mbretëri”.

Ata thanë se kjo kishte “dëmtuar seriozisht besimin themelor” mes tyre.

Si rezultat, Parlamenti i Marokut “vendosi të rishqyrtojë marrëdhëniet e tij me Parlamentin Evropian dhe t’i paraqesë ato për një vlerësim të përgjithshëm”, tha Rachid Talbi Alami, kryetar i Dhomës së Përfaqësuesve. Ai nuk dha detaje të tjera, përcjell UBT News.

Sipas një marrëveshjeje të vitit 1996, Maroku dhe Bashkimi Evropian kanë qenë të lidhur në marrëdhënie të ngushta ekonomike dhe tregtare, veçanërisht në bujqësi dhe peshkim.

“Vendimet e tyre nuk do të na frikësojnë dhe ne nuk do të ndryshojmë rrugën dhe qasjen tonë” tha Mohammed Ghiat, president i Tubimit Kombëtar të të Pavarurve, partia më e madhe në koalicionin qeverisës të Marokut.

Ligjvënësit evropianë në Strasburg i kishin kërkuar Marokut të“respektonte lirinë e shprehjes dhe lirinë e medias” dhe “të garantonte një gjyq të drejtë për gazetarët e burgosur”.

Disa ligjvënës e panë ish-fuqinë koloniale të Marokut, Francën, si shtytëse të masës evropiane./UBTNews/

Lajmet

Kurti: 600 mijë euro për Onkologjinë, investim substancial

Publikuar

nga

600 mijë euro është kostoja e renovimit të Klinikës së Onkologjisë në Qendrën Klinike Universitare të Kosovës (QKUK). Bashkë me renovimin është shtuar edhe numri i shtretërve.

Në ceremoninë e përurimit të renovimeve të kësaj klinike, i pranishëm ishte edhe kryeministri Albin Kurti e ministri i Shëndetësisë, Arben Vitia.

Kryeministri Kurti, ka thënë se janë bërë renovime substanciale prej rreth 600 mijë eurosh në këtë klinikë dhe se krahas renovimeve, është shtuar edhe buxheti për blerjen e barnave.

“Kemi një investim substancial prej 600 mijë euro që e ka transformuar në mënyrë fort domethënëse për mjekët, infermierët, stafin mbështetës që janë gjithsej 70 por para së gjithash për pacientët. I kanë pasur 45 shterët e tash i kanë 60 shtretër. Dhe së shpejti do të jenë 110. Me aksliratorin e ri të cilin e kemi instaluar lista e pritjes është zero. Ky investim kap shifrën 1 milion e 444 mijë euro. Unë jam i lumtur që mora vesh se procesi i dhënies së vaksinës HPV-së i sëmundjes së kancerit të mitrës është duke shkuar mirë, lista esenciale e barnave është zgjedhuar  dhe se buxheti është shtuar. Nga 24 milion euro në 60 milion euro. Në Kosovë qytetarët e Republikës blejnë 120 milion euro barna gjysmën e blejnë ata e gjysmën tjetër paguan shteti. Nga dy rezonanca magnetike vetëm këto tri vite janë edhe tri rezonanca të reja. Terapia tabletare tash ipet edhe në Prizren. Është një ditë e veçantë për pacientët, mjekët e stafin të cilët i falënderoj nga zemra”, ka thënë Kurti.

Nga ana tjetër ministri i Shëndetësisë, Arben Vitia ka thënë se është shumë i lumtur pasi që tash pacientët marrin shërbime pa listë të pritjes.

“Shumë i lumtur e i gëzuar që një Klinikë kaq vitale për një grup të pacientëve tash e tutje do të marrin shërbime pa listë të pritjes. Falënderoj stafin e Klinikës së Onkologjisë të cilët kanë ndihmuar të rinovimin rrënjësor. Uroj të ketë më pak sëmundje të tilla. Rrallë kund edhe në rajon i kanë mundësitë të marrin shërbime të tilla modern”, ka thënë Vitia.

Vazhdo të lexosh

Lajmet

Tri ditë zie në Liban për presidentin dhe ministrin iranian

Publikuar

nga

Libani shpalli të hënën tri ditë zie kombëtare për presidentin dhe ministrin e jashtëm iranian, të cilët u vdiqën si pasojë e përplasjes së helikopteri gjatë natës pranë kufirit me Azerbajxhanin.

Grupi i armatosur i Libanit Hezbollah gjithashtu ka shprehur ngushëllimet e tij për dyshen.

“Libani ka shpallur tri ditë zie për vdekjen e presidentit iranian Ebrahim Raisi”, tha ministri i Jashtëm libanez Najib Mikati.

Hezbollahu me bazë në Liban, një nga forcat paraushtarake më të forta në Lindjen e Mesme konsiderohet padyshim partneri më i fuqishëm joshtetëror i Iranit.

Presidenti iranian Ebrahim Raisi vdiq në një aksident me helikopter në provincën e Azerbajxhanit Lindor të vendit, së bashku me Ministrin e Jashtëm Hossein Amir-Abdollahian dhe zyrtarë të tjerë, njoftoi televizioni shtetëror iranian Press TV. Helikopteri u rrëzua të dielën në mjegull të dendur dhe ekipet e kërkimit luftuan për orë të tëra në terren malor dhe mot të keq. Vdekjet e disa prej liderëve më të lartë të vendit vijnë në një kohë trazirash në rajonin e gjerë, pasi lufta në Gaza ka përshkallëzuar tensionet./UBTNews/

Vazhdo të lexosh

Lajmet

Ministrja e Katarit për Zhvillim Social dhe Familje takohet me Osmanin

Publikuar

nga

Presidentja e Kosovës, Vjosa Osmani, ka pritur në takim ministren për Zhvillim Social dhe Familje të Katarit, Maryam bint Ali bin Nasser Al-Misnad.

Nga ky takim, gazetarët janë lejuar të marrin pamje, ndërsa nuk është paralajmëruar ndonjë konferencë për media.

Vazhdo të lexosh

Lajmet

Kush ishte Ebrahim Raisi?

Publikuar

nga

Ebrahim Raisi, ish-presidenti i Iranit, vdekja e të cilit u konfirmua vetëm pak orë pas përplasjes së një heikopteri, ishte një klerik i linjës së ashpër, i afërt me liderin suprem të Iranit, Ajatollah Ali Khamenei.

63-vjeçari erdhi në pushtet pas një fitoreje dërrmuese në zgjedhjet ku u përjashtuan shumë kandidatë të shquar të moderuar dhe reformistë dhe shumica e votuesve qëndruan larg.

Raisi u lind në vitin 1960 në Mashhad, qyteti i dytë më i madh i Iranit. Si student ai mori pjesë në protesta kundër Shahut të mbështetur nga Perëndimi, i cili përfundimisht u rrëzua në vitin 1979 në një Revolucioni Islamik të udhëhequr nga Ayatollah Ruhollah Khomeini.

Pas revolucionit, ai iu bashkua gjyqësorit dhe shërbeu si prokuror në disa qytete ndërsa trajnohej nga Ayatollah Khamenei, i cili u bë president i Iranit në vitin 1981.

Qeverisja e Raisit u përshkua me protesta antiqeveritare, të cilat u shpërndanë në vende të ndryshme përreth Iranit në vitin 2022. Ai gjithashtu u përball me thirrje të vazhdueshme nga shumë iranianë dhe aktivistë të të drejtave të njeriut për një hetim mbi dyshimet për rolin e tij në ekzekutimet masive të të burgosurve politikë në vitet 1980./UBTNews/

Vazhdo të lexosh

Të kërkuara