Lajmet

Marokenët sfidohen me rritje drastike të çmimeve të produkteve ushqimore

Kjo ndërsa Ramazani afron.

Published

3 years ago

on

Blerësit po shqyrtojnë perimet në një treg të madh në Sale, pranë kryeqytetit maroken Rabat, por çmimet tejet të larta nënkuptojnë se ata kanë vëmendjen e tyre në atë që do të shpenzojnë përpara Ramazanit.

“Gjithçka është më e shtrenjtë”, tha Khadija El Asri, një banore e Sidi Moussa.

“Këto tre javët e fundit, kam blerë më pak perime dhe mish se zakonisht”.

Dhjetra karroca dore dhe kuti me prodhime rrinë në rrugën e tregut, ku zhurma e motoçikletave përzihet me zhurmën e negociatave të nxehta midis blerësve në vështirësi dhe tregtarëve që nuk lëshojnë pe për çmimet.

Inflacioni po shton presion shtesë, pikërisht ndërsa Maroku përgatitet për muajin e shenjtë Ramazanin, muajin e agjërimit që fillon në fund të marsit. Të ushqyerit gjatë syfyrit do të thotë se konsumi tenton të rritet gjatë muajit të shenjtë.

Inflacioni arriti në 8.3 për qind në bazë vjetore në fund të vitit 2022, kryesisht për shkak të ndërprerjeve globale të zinxhirit të furnizimit të përkeqësuar nga pushtimi rus i Ukrainës dhe ndikimi i tij në karburantet dhe kostot e transportit, sipas Bankës Botërore.

Në janar, indeksi i çmimeve të konsumit në vend arriti në 8.9 përqind, i nxitur nga një rritje prej 16.8 përqind në çmimet e ushqimeve.

Abdessalam El Mahdaoui, një 63-vjeçar në pension, thotë se çmimet ishin jashtë kontrollit.

“Dikur ishim në gjendje të blinim një shportë të tërë me perime për 100 dirhemë”, tha ai. “Sot, as 300 dirhemë nuk do t’ju blejnë atë — fuqia blerëse e njerëzve është përgjysmuar”.

Qeveria nën kritika
Kjo është në një vend ku paga minimale mujore arrin në vetëm 2,770 dirhemë (rreth 250 euro).

Një pronar i tezgave tha se çmimet po luhateshin çdo ditë.

“Domatet po shkojnë me tetë dirhemë për kilogram sot, nga 12 dirhemë dy ditë më parë”, tha ai, duke shtuar se nuk mund të shpjegojë pse.

Por në përgjithësi, çmimet po rriten, shoqëruar me kritika të ashpra nga opozita, sindikatat dhe madje edhe disa media.

Disa qytete të mëdha kanë parë protesta, megjithëse të kufizuara dhe shpesh të shtypura nga autoritetet.

Qeveria ka fajësuar për rritjen e çmimeve mashtrimin, spekulatorët dhe “manipulimin e çmimeve”.

Zëdhënësi i qeverisë, Mustapha Baitas thotë se autoritetet kanë kryer mbi 64 mijë kontrolle dhe kanë gjetur 3 mijë shkelje nga rritja e çmimeve deri tek ngatërrimi me cilësinë e ushqimit.

Situata është përkeqësuar nga kriza me të cilën përballet sektori i bujqësisë, i cili përbën 14 për qind të prodhimit të brendshëm bruto. Thatësira më e keqe në katër dekada është shoqëruar në javët e fundit nga një kohë e shpejtë e motit jashtëzakonisht të ftohtë.

“Thatësira i ka detyruar fermerët të heqin dorë nga kultivimi i tokës së tyre këtë sezon” për të mos përmendur koston e lartë të farërave dhe plehrave, tha eksperti i politikave bujqësore Abderrahim Handouf./UBTNews/

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

6 hours ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

6 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

8 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

8 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara