Sport

Mario Rui “tradhton” Napolin, Legia shtang Leicesterin, Olympiacos “pushton Stambollin

Një sfidë mjaft e zjarrtë u zhvillua edhe në Stamboll.

Published

5 years ago

on

“Ndaj rusëve nuk do të jetë e lehtë, pasi vlerësojnë maksimalisht ndeshjet europiane”, pati paralajmëruar dje Luciano Spalletti, por të tijtë duket se nuk e vlerësuan deklaratën e trajnerit dhe panë të mposhteshin 2-3 me përmbysje nga skuadra e Spartakut të Moskës.

Napolitanët e nisën ndeshjen në mënyrë perfekte dhe gjetën golin e avantazhit që në minutën e parë me maqedonasin Eljif Elmas, megjithatë më pas u “tradhtuan” nga portugezi Mario Rui që u ndëshkua me karton të kuq në të 29-ën dhe la të tijtë përreth një orë lojë me një lojtar më pak.

Kaq mjaftoi që rusët të gjejnë golin e barazimit me Quincey Promes në fillim të pjesës së dytë dhe më pas të marrin avantazhin me Ignatov në të 81-tën. Numrat në fushë u balancuan në minutën e 82-të, por pikërisht kur Napoli u hodh në sulm për të shmangur humbjen, holandezi Promes shënoi golin e dytë personal dhe të tretin për Spartaskun e Moskës.

Victor Osimhen provoi të rihapë takimin në minutën e 94-t, por nuk kishte më kohë për të shmangur humbjen dhe tani Napoli do të duhet të mendojë për dopio-sfidën me Legian, ku është i dëmtuar të fitojë, për të mos rrezikuar kalimin më tej.

Dy javë më parë befasoi me një gol në minutat shtesë rusët e Spartakut të Moskës, ndërsa mbrëmjen e sotme Legia e Varshavës festoi një tjetër sukses minimal, këtë herë përballë një emri të madh si anglezët e Leicester.

Polakët gjetën golin në minutën e 31-të me anë të Emreli, ndërsa në fushë nuk ishte titullar asnjë nga tre shqiptarët dhe në pjesën e dytë u aktivizua për 20 minuta vetëm sulmuesi i Kosovës, Lirim Kastrati.

Një sfidë mjaft e zjarrtë u zhvillua edhe në Stamboll, ku Fenerbahce vendase priti grekët e Olympioacos, me këta të fundit që morën tre pikët falë një fitoreje bindëse 0-3. Soares zhbllokoi sfidën për grekët në minutat e para, ndërsa më pas në pjesën e dytë ishte Masouras që shënoi dy herë, duke vulosur suksesin.

Pas barazimit 2-2 me Real Sociedadin, holandezët e PSV Eindhoven ia dolën të triumfojnë me rezultatin e thellë 1-4 në transfertën ndaj austriakëve të Sturm Graz-it. Në sfidën tjetër të grupit, baskët e Real Sociedad nuk shkuan dot përtej barazimit 1-1 ndaj francezëve të Monaco.

Merr fitoren e dytë në po kaq ndeshje në grup, edhe Lyoni, që ia doli të triumfojë me rezultatin e pastër 3-0 ndaj danezëve të Brondby-t. Këta të fundit u mbrojtën mirë, por rezistuan vetëm 64 minuta, sepse më pas e nxorën tre herë topin nga rrjeta.

Eintrachti i Frankfurtit mori tre pikët vetëm në minutat shtesë, kur Pacienca ekzekutoi saktë një penallti dhe vulosi fitoren minimale 0-1 në transfertën ndaj belgëve të Antwerp, ndërsa Sparta e Pragës triumfoi po me shifrat 1-0 ndaj Rangers.

Related Topics:
Continue Reading

Sport

Lineker dhe Rooney kritikojnë Tuchelin pas eliminimit të Anglisë: “Na kushtoi me vendimet e tij”

Published

7 hours ago

on

July 16, 2026

By

Legjendat e futbollit anglez, Gary Lineker dhe Wayne Rooney, kanë drejtuar kritika të forta ndaj përzgjedhësit të Anglisë, Thomas Tuchel, pas humbjes 2:1 ndaj Argjentinës në gjysmëfinalen e Kupës së Botës.

Gary Lineker vlerësoi se qasja taktike e Anglisë pas golit të epërsisë ishte e gabuar dhe tepër mbrojtëse.

“Ne shënuam një gol, pastaj u kthyem në mbrojtje. Taktikisht ishte e habitshme, për të qenë plotësisht i sinqertë. Ishte një veprim negativ nga ana e Tuchelit”, deklaroi Lineker në podcastin “The Rest is Football”.

Kritikave iu bashkua edhe Wayne Rooney, i cili beson se vendimet e trajnerit gjerman ndikuan drejtpërdrejt në eliminimin e Anglisë.

“Vendimet që ka marrë Thomas Tuchel, duhet të jemi të sinqertë, na kanë kushtuar me eliminim”, u shpreh legjenda e Manchester Unitedit.

Anglia u eliminua në gjysmëfinale pas humbjes 2:1 nga Argjentina, e cila tashmë ka siguruar një vend në finalen e madhe të Kupës së Botës.

D.L

Continue Reading

Sport

Romero dhe Martinez kundër Gary Neville: “Ne përgjigjemi në fushë”

Published

7 hours ago

on

July 16, 2026

By

Mbrojtësit e Argjentinës, Cristian Romero dhe Lisandro Martinez, kanë reaguar ashpër ndaj kritikave të legjendës së futbollit anglez, Gary Neville, duke i cilësuar komentet e tij si të padrejta.

Neville kishte kritikuar paraqitjet e dy mbrojtësve argjentinas, por pas fitores së Argjentinës ndaj Anglisë me rezultat 2:1 në gjysmëfinalen e Kupës së Botës, Romero dhe Martinez nuk i kursyen përgjigjet e tyre.

“E vetmja gjë që shpresoj kur të dal në pension është të mos bëhem aq budalla. Shpresoj të mos kritikoj asnjë lojtar”, deklaroi Romero për “DSports”.

Edhe Lisandro Martinez ishte i drejtpërdrejtë në reagimin e tij ndaj kritikave.

“Jemi mësuar që njerëzit të flasin gjithmonë për ne. Duket sikur atyre u pëlqen ta bëjnë këtë, por ne përgjigjemi në fushë, gjithmonë me respekt”, tha mbrojtësi argjentinas.

Argjentina siguroi një vend në finalen e madhe pas triumfit ndaj Anglisë, ndërsa në sfidën për titull do të përballet me Spanjën të dielën.

D.L

Continue Reading

Sport

Shishja e Pickfordit zbulon planin ndaj Messit dhe Argjentinës

Published

13 hours ago

on

July 16, 2026

By

Argjentina siguroi një vend në finalen e madhe të Kupës së Botës, pasi mposhti Anglinë me rezultat 2:1 në një gjysmëfinale plot emocione. Përveç festës së madhe në fushë, vëmendjen e rrjeteve sociale e tërhoqi edhe një moment i pazakontë pas përfundimit të takimit.

Menjëherë pas vërshëllimës së fundit të gjyqtarit, futbollistët argjentinas gjetën në fushë shishen e ujit të portierit anglez, Jordan Pickford. Në të ndodheshin shënime të detajuara me udhëzime për mënyrën se si duhej të reagonte në rast se ndeshja do të vendosej me penallti.

Në shishe ishin të shënuar emrat e lojtarëve kryesorë të Argjentinës, përfshirë Lautaro Martinez, Julian Alvarez, Enzo Fernandez dhe Lionel Messi. Pranë secilit emër kishte udhëzime specifike, si: “shtiru sikur do të hidhesh majtas, por hidhu djathtas”, “qëndro në qendër” ose “hidhu djathtas”, duke treguar strategjinë e përgatitur nga stafi anglez për një seri të mundshme penalltish.

Kamerat filmuan momentin kur Nico Gonzalez, Lionel Messi dhe Marcos Senesi po e shikonin me kureshtje shishen, ndërsa një pjesë e bisedës së tyre u bë virale pas leximit të buzëve.

“Shikoni çfarë gjeta. Ka shënime për Lautaron, Julianin…”, dëgjohet të thotë Nico Gonzalez, ndërsa Messi e shikon me habi përmbajtjen e shishes dhe kërkon t’i përkthehen udhëzimet e shkruara në anglisht.

Pamjet u shpërndanë me shpejtësi në rrjetet sociale, ku shumë tifozë e cilësuan momentin si një nga skenat më interesante dhe kurioze pas përfundimit të ndeshjes.

D.L

Continue Reading

Lajmet

Argjentina përmbys Anglinë me magjinë e Messit dhe arrin në finalen e madhe

Published

14 hours ago

on

July 16, 2026

By

Argjentina ka siguruar një kualifikim dramatik për në finalen e madhe pasi mposhti Anglinë me rezultatin 2:1 në gjysmëfinalen e zhvilluar në Atlanta. Edhe pse anglezët kaluan të parët në avantazh në minutën e 55-të me golin e Anthony Gordon, argjentinasit nuk u dorëzuan dhe treguan një karakter të jashtëzakonshëm në minutat e fundit të lojës.

Lionel Messi ishte sërish vendimtar duke dhuruar dy asistime kyçe: fillimisht për supergolin e Enzo Fernandezit që barazoi shifrat në minutën e 85-të, dhe më pas për Lautaro Martinezin, i cili shënoi golin e fitores në minutën e 92-të.

Me këtë përmbysje të madhe, Argjentina shkon në finalen e dytë radhazi dhe ka shansin e artë të mbrojë trofeun e Kupës së Botës të fituar në Katar në vitin 2022, një sukses që historikisht e kanë arritur vetëm Brazili dhe Italia shumë kohë më parë.

Ndeshja finale do të luhet këtë të dielë në New Jersey në orën 21:00, ku Argjentina do të përballet me Spanjën, e cila eliminoi Francën. Ndërkohë, Anglia dhe Franca do të diskutojnë vendin e tretë të shtunën në orën 23:00. /E.A/

Continue Reading

Të kërkuara