Sport

Luis Enrique paralajmëron Italinë: Po i afron data për të humbur

Enrique: Mua më pëlqen një Botëror çdo dy vite, pasi është diçka shumë tërheqëse për tifozët dhe futbollistët.

Published

5 years ago

on

Vetëm pak muaj pas eliminimit në gjysmëfinalet e Kampionatit Europian, Spanja do të ketë mundësinë të hakmerret ndaj Italisë, në një tjetër gjysmëfinale, por këtë herë atë të Nations League, që do të luhet mbrëmjen e 6 tetorit, në mitikun milanez “San Siro”.

“Furia Roja” bëri një ndeshje mjaft të mirë ndaj të kaltërve, duke dominuar takimin, por në fund nuk shkoi përtej barazimit 1-1 dhe u eliminua pas ekzekutimit të 11-metërshave, ndërsa pas këtij suksesi, Italisë iu hap udha për të ngritur lart trofeun e shumëlakmuar. Trajneri Luis Enrique vlerësoi maksimalisht “të kaltrit” e Mancinit, që prej vitesh kanë harruar shijen e humbjes, megjithatë theksoi se dita që Italia të rikthehet te disfata nuk është shumë e largët, duke e paralajmëruar për përballjen direkte.

“Italia është në formë mjaft të mirë, pasi ka fituar Europianin me meritë dhe ka zgjatur serinë e pathyeshmërisë. Megjithatë siç e thotë psikologu ynë, nuk është e largët dita kur do të humbë. Në Europian bëmë mjaft mirë, por nuk ia dolëm të kualifikohemi. Jemi dy skuadra me stil të ngjashëm loje, ndaj shpresoj që të përsëritim një tjetër ndeshje të bukur në Milano”, u shpreh trajneri spanjoll.

Për “Final Four”-in e Nations League, Luis Enrique ka grumbulluar për herë të parë edhe talentin 17-vjeçar të Barcelonës, Gavi, për të cilin flet me superlativa dhe shpjegon edhe arsyet e ftesës. “Është një lojtar që e njoh mjaft mirë dhe nuk kam aspak dyshime për rendimentin e tij. Për më tepër, mungesat e shumta në këtë periudhë, më japin mundësi ta grumbulloj dhe ta shoh nga afër rritjen e tij”, tha Luis Enrique.

Së fundi mes FIFA-s dhe UEFA-s ka nisur një luftë në distancë, pasi qeveria europiane e futbollit ka dalë kundër organizimit të Kupës së Botës çdo dy vite, megjithatë edhe Luis Enrique ka mendimin e tij në këtë debat.

“Mua më pëlqen një Botëror çdo dy vite, pasi është diçka shumë tërheqëse për tifozët dhe futbollistët, por në fund kalendarin e ngjeshur e vuajnë këta të fundit. Ndaj mendoj se më përpara duhet të rishikohet kalendari sezonal dhe të reduktohet numri i ndeshjeve diku tjetër”, u shpreh spanjolli.

Related Topics:
Continue Reading

Sport

Kosova nis pa medalje garën në Grand Prix të xhudos

Published

10 hours ago

on

June 26, 2026

By

Në Qingdao të Kinës ka nisur të premten Grand Prix i xhudos, ku në ditën e parë u paraqitën tri xhudiste nga Kosova, por pa arritur të sigurojnë vazhdim në garë për medalje.

Në kategorinë deri në 48 kilogramë, Erza Muminoviq e nisi mirë garën duke e fituar luftën e parë ndaj Su Yon Jon nga Koreja e Veriut, por u ndal në xhiron e dytë pas humbjes ndaj kinezes Wenna Zhuang.

Fatjona Kasapi u eliminua në luftën e parë në kategorinë deri në 52 kilogramë, pasi u mposht nga bartësja e parë, gjermanja Mascha Ballhaus.

Ndërkohë, edhe Flaka Loxha u ndal që në përballjen e parë në kategorinë deri në 57 kilogramë, duke pësuar nga Maysa Pardayeva e Turkmenistanit.

Të shtunën në garë për Kosovën do të zbresin Laura Fazliu dhe Dardan Cena.

D.L

Continue Reading

Sport

Holanda fiton bindshëm, Tunizia eliminohet pa pikë

Published

11 hours ago

on

June 26, 2026

By

Holanda ka regjistruar një fitore të sigurt 3:1 ndaj Tunizisë në Kansas City, duke e mbyllur fazën e grupeve në vendin e parë të Grupit F me shtatë pikë.

Ndeshja nisi furishëm për holandezët, të cilët kaluan në epërsi që në minutën e tretë pas një autogoli të Ellyes Skhirit. Vetëm katër minuta më vonë, Brian Brobbey dyfishoi avantazhin, duke e çuar rezultatin në 2:0.

Tunizia u rikthye në lojë në minutën e 54-t me golin e Hazem Mastourit, por Holanda reagoi shpejt. Në minutën e 62-të, Jan Paul van Hecke vulosi fitoren me golin për 3:1.

Me këtë disfatë, Tunizia i humbi të tre ndeshjet e grupit dhe i jep fund paraqitjes në turne.

D.L

Continue Reading

Sport

Japonia pa humbje, Suedia kalon si e treta

Published

12 hours ago

on

June 26, 2026

By

Japonia dhe Suedia kanë siguruar kualifikimin në fazën e nokautit të Kupës së Botës, pasi barazuan 1:1 në ndeshjen e fundit të Grupit F.

Takimi, i zhvilluar të premten në Arlington para rreth 70 mijë shikuesve, ishte vendimtar për renditjen përfundimtare të grupit. Japonia kaloi në epërsi në minutën e 56-të me golin e Daizen Maedës, ndërsa Suedia reagoi shpejt dhe barazoi gjashtë minuta më vonë, kur Anthony Elanga realizoi për 1:1.

Japonia e mbylli fazën e grupeve pa humbje, duke grumbulluar pesë pikë dhe duke siguruar vendin e dytë në grup. Ndërkohë, Suedia, që në kualifikime kishte përfunduar pas Kosovës, avancoi nga pozita e tretë me katër pikë.

Në fazën e nokautit kualifikohen tetë përfaqësueset më të mira të vendeve të treta nga 12 grupet e turneut, ndërsa Suedia ishte njëra prej tyre.

Për Japoninë, ky është kualifikimi i tretë radhazi nga faza e grupeve dhe i pesti në shtatë pjesëmarrje në Kupën e Botës.

Edhe Suedia vazhdon serinë pozitive, pasi ka kaluar fazën e grupeve në secilin prej katër edicioneve të fundit në të cilat është kualifikuar.

D.L

Foto: aljazeera

Continue Reading

Sport

Fitorja ndaj SHBA-së nuk i mjaftoi Turqisë për kualifikim

Published

12 hours ago

on

June 26, 2026

By

Turqia e mbylli me fitore paraqitjen në Kupën e Botës, por suksesi 3:2 ndaj SHBA-së nuk mjaftoi për të siguruar një vend në fazën e nokautit.

Në ndeshjen e zhvilluar në Inglewood, të premten në mëngjes sipas kohës së Kosovës, turqit triumfuan falë një goli dramatik të Kaan Ayhan në minutën e 98-të. Megjithatë, dy humbjet e mëparshme ndaj Australisë dhe Paraguait rezultuan fatale për ekipin turk, që e mbylli garën në vendin e fundit të Grupit D me tri pikë.

SHBA-ja, pavarësisht humbjes, e ruajti pozitën e parë në grup me gjashtë pikë dhe avancoi në fazën tjetër. Australia u rendit e dyta me katër pikë, ndërsa Paraguai përfundoi i treti, gjithashtu me katër pikë, dhe pritet të sigurojë kalimin tutje si një nga ekipet më të mira të vendeve të treta.

Për Turqinë shënuan Arda Güler në minutën e 10-të, Burak Yılmaz në të 31-tën dhe Kaan Ayhan në minutën e 98-të. Për SHBA-në realizuan Auston Trusty në minutën e tretë dhe Sebastian Berhalter në minutën e 49-të.

Amerikanët, të cilët e kishin siguruar më herët kualifikimin, u paraqitën me një formacion të ndryshuar, duke aktivizuar nëntë lojtarë të rinj nga minuta e parë.

Turqia kishte udhëtuar drejt SHBA-së me pritshmëri të larta, pasi në plejof kishte eliminuar Kosovën, por dështimet në dy ndeshjet e para ia pamundësuan vazhdimin e garës.

Në ndeshjen tjetër të Grupit D, Australia dhe Paraguai barazuan 0:0.

D.L

Foto:.theguardian

Continue Reading

Të kërkuara