Sport

Maqedonia e Veriut, Skocia, Sllovakia dhe Hungaria në Euro 2020

Published

5 years ago

November 13, 2020

Betim Gashi

Maqedonia e Veriut, Skocia, Sllovakia dhe Hungaria kanë fituar biletat e fundit për kualifikimin në Euro 2020. Euro 2020 që do të mbahet vitin e ardhshëm, tani më ka kompletuar 24 skuadrat që do të jenë pjesëmarrëse në Evropianin e vitit të ardhshëm.

Maqedonia e Veriut mbrëmë ka bërë historinë duke shënuar një fitore minimale, por më të rëndësishmen në historinë e saj, kështu duke u bërë kombëtarja e parë që kualifikohet në kampionatin evropian përmes Ligës së Kombeve. Veterani Goran Pandev ka shënuar golin e vetëm në këtë takim që i dha Maqedonisë së Veriut biletën e parë në histori të saj për një kompeticion kaq të madh.

Hungaria nga ana tjetër ka bërë një përmbysje të madhe ndaj Islandës, duke e befasuar në minutat e fundit. Goli i Siggurdson nuk i mjaftoi Islandës që të marrë kualifikimin për në Evropianin e vitit të ardhshëm. Nego barazoi në minutën e 88-të, teksa çmenduria ndodhi në minutën e 92, kur e gjithë pankina e Hungarisë u ngrit në këmbë pas golit të Szoboszlai. Hungarezët i pret grupi i vdekjes, me ish-kampionin e botës Gjermaninë, kampionin e Evropës Portugalinë dhe kampionin e botës Francën.

Skocia e ka mposhtur Serbinë, duke ia mohuar Serbisë kualifikimin në Evropian. Skocia fitoi pas 120 minutave ndaj Serbisë, ku përmes penaltive fitoi pas dështimit të Mitrovic për të shënuar. 1-1 u mbyll koha e rregullt, me golat e Christie në minutën e 52 dhe sulmuesit të Real Madridit, Luka Jovic.

Sllovakia ka arritur që me rezultat të ngushtë ta mposhtë Irlandën Veriore në udhëtim falë golave të Kucka dhe Duris që shënuan për t’i dhënë biletën Sllovakisë për në kampionatin Evropian. Lojtarët vendas nuk arritën të shënonin, por këtë e bëri Skriniar që shënoi autogol në portën e tij, çka edhe e ndihmoi Irlandën e Veriut ta dërgojë ndeshjen në vazhdime, ku më pas triumfuan sllovakët./UBTNews

Sport

Champions League, City dhe Chelsea luftojnë për rikthim

Published

9 hours ago

March 17, 2026

UBTNews

Manchester City dhe Chelsea, përballen me një mision shumë të vështirë për të siguruar kualifikimin në çerekfinale të UEFA Champions League.

Të dy skuadrat pësuan humbje të thella në ndeshjet e para, City u mposht 3:0 nga Real Madrid në “Santiago Bernabeu”, ndërsa Chelsea humbi 5:2 ndaj Paris Saint-Germain në Paris. Ndeshjet e kthimit zhvillohen sot nga ora 21:00.

Përmbysja e disavantazheve të tilla ndaj skuadrave si Real Madridi dhe PSG konsiderohet shumë e vështirë, duke pasur parasysh cilësinë dhe përvojën e tyre në garat evropiane. Megjithatë, te City mbizotëron besimi. Kapiteni Bernardo Silva theksoi se skuadra do të luftojë deri në fund, pavarësisht rezultatit të parë negativ.

Nga ana tjetër, Chelsea synon reagim në shtëpi, edhe pse përballet me mungesën e kapitenit Reece James për shkak të lëndimit. Trajneri Liam Rosenior ka kërkuar përqendrim maksimal dhe shmangie të gabimeve ndaj kampionit në fuqi.

Në kampin e PSG-së, Ousmane Dembele theksoi se skuadra e tij do të hyjë në fushë për fitore, duke paralajmëruar një tjetër ndeshje të fortë ndaj londinezëve.

Në takimet e tjera, Sporting CP përballet me Bodo/Glimt, ku norvegjezët kanë epërsi 3:0 nga ndeshja e parë. Ndërkohë, Arsenal FC dhe Bayer Leverkusen nisin nga barazimi 1:1, duke lënë gjithçka të hapur për kualifikim.

Sport

Sfida e fortë në Romë për karatistët kosovarë

Published

12 hours ago

March 17, 2026

UBTNews

Ka përfunduar gara prestigjioze Karate 1 Premier League Rome 2026, e mbajtur në Romë, Itali, ku morën pjesë edhe përfaqësuesit e Federatës të Karatesë së Kosovës.

Në këtë turne të nivelit më të lartë botëror, ku garojnë vetëm 32 sportistët më të mirë në secilën kategori, Kosovën e përfaqësuan Islam Selmani në kategorinë -60 kg dhe Betim Maliqi në kategorinë -75 kg.

Selmani nuk arriti të vazhdojë garën për shkak të një lëndimi që pësoi gjatë fazës së grupeve, ndërsa Maliqi pati paraqitje solide, por nuk arriti të kalojë këtë fazë të garës.

Për të dy garuesit, kjo ishte hera e parë që merrnin pjesë në një kompeticion të këtij niveli. Në këtë aktivitet, ata u shoqëruan nga trajneri i përfaqësueses, Agron Tosuni.

Federata e Karatesë e Kosovës u ka uruar sportistëve suksese në garat e ardhshme dhe rezultate edhe më të mira në skenën ndërkombëtare.

Sport

Humbje për Agnesa Veselin në “Montenegro Cup”

Published

13 hours ago

March 17, 2026

UBTNews

Në kuadër të turneut ndërkombëtar Montenegro Cup, që po zhvillohet në Budva, Mali i Zi, boksierja Agnesa Veseli u paraqit në kategorinë 51 kg.

Ajo u përball me ukrainasen Sofia Turbnina, por nuk arriti të sigurojë fitore në këtë duel.

Turneu po mbledh boksierë të rinj nga vende të ndryshme të Evropës dhe shërben si një mundësi e rëndësishme për fitimin e përvojës ndërkombëtare dhe zhvillimin e tyre në arenën sportive.

Sport

Goditje për Neymarin, mbetet jashtë Brazilit

Published

13 hours ago

March 17, 2026

UBTNews

Neymar Jr ka reaguar me zhgënjim pasi nuk është përfshirë në listën e fundit të Kombëtarja e Brazilit.

Sulmuesi i Santos FC pranoi se ndihet i mërzitur dhe i trishtuar për këtë vendim, por theksoi se do të vazhdojë të punojë për t’u rikthyer në formën më të mirë.

Ish-lojtari i FC Barcelona dhe Paris Saint-Germain ndau një mesazh emocional, ku nënvizoi se përjashtimi nuk e ndryshon fokusin e tij. Ai u shpreh se do të vazhdojë të përqendrohet në përmirësimin e përditshëm përmes stërvitjes dhe ndeshjeve.

“Jam i mërzitur dhe i trishtuar që nuk jam thirrur, por fokusi mbetet i njëjtë: ditë pas dite, stërvitje pas stërvitjeje, ndeshje pas ndeshjeje,” është shprehur Neymar.

Mungesa e tij në listë lidhet kryesisht me problemet e fundit fizike dhe periudhën e gjatë të rikuperimit, të cilat kanë ndikuar në ritmin dhe formën e tij në fushë. Për këtë arsye, stafi teknik i Brazilit ka vendosur të mbështetet te lojtarët që aktualisht janë në formë optimale.

Ndërkohë, në përfaqësuesen braziliane po zhvillohet edhe një proces rinovimi, ku gjithnjë e më shumë hapësirë po u jepet futbollistëve të rinj, në funksion të ndërtimit të skuadrës për sfidat e ardhshme madhore.