Kulturë

Yjet me famë botërore dënojnë sulmet raciste drejtuar lojtarëve të kombëtares në Angli

Published

5 years ago

on

David Beckham, Little Mix dhe Sacha Baron Cohen janë vetëm disa ndër yjet që kanë dënuar abuzimin racist drejtuar lojtarëve të Anglisë pas humbjes së tyre finale të Euro 2020.

Skuadra angleze e futbollit erdhi afër fitimit të trofeut të tyre të parë të madh që nga Kupa e Botës në 1966, vetëm për t’u mposhtur nga Italia përmes një gjuajtje penalltish, raporton Associated Press, transmeton UBTNews.

Marcus Rashford, Jadon Sancho dhe Bukayo Saka nuk arritën të shënojnë dhe u vunë në shënjestër nga tifozët e zemëruar për humbjen e Anglisë, me shprehje të panumërta raciste.

Menaxheri i ekipit kombëtar të Anglisë, Gareth Southgate, Kryeministri, Boris Johnson dhe Duka i Kembrixhit, Princi William, të gjithë dënuan abuzimin ndaj tyre.

Ish kapiteni i Anglisë, David Beckham, vlerësoi performancën e ekipit dhe tha “ata të gjithë nuk meritojnë asgjë përveç falënderimeve dhe respektit”.

“Kushdo që nuk e mbështet dhe nuk respekton secilin nga ju sot nuk është tifoz i Anglisë. Në fitore apo humbje ne jemi me ju .. Mbani kokat lart..” kishte shkruar Beckham ndër të tjerash.

Ylli i Borat, Baron Cohen, i cili ka bërë fushatë kundër përmbajtjes së urrejtjes në mediat sociale, u bëri thirrje shefit të Facebook Mark Zuckerberg dhe shefit ekzekutiv të Twitter Jack Dorsey për të vepruar.

Ai tha: “Hej Mark Zuckerberg & Jack Dorsey – Facebook / Instagram dhe Twitter po përhapin sulme raciste ndaj këtyre atletëve me ngjyrë. Koha është për të hequr racizmin nga platformat tuaja një herë e përgjithmonë!”

Baron Cohen shtoi hashtagun #StopHateForProfit që në shqip nënkupton “ndaloni urrejtjen për përfitime”.

Gjithashtu grupi i njohur pop Little Mix, shpërndau një deklaratë në Instagram.

Krahas një fotografie të lojtarëve në fjalë, si dhe Sterling, grupi shkroi: “Nëse nuk ngriheni kundër racizmit, ju jeni gjithashtu pjesë e problemit. Ajo me të cilën janë dashur të merren këta të rinj është përtej turpshme. Ne qëndrojmë me ju Mbretër”.

Reperi i njohur dhe manjati amerikan, Sean “Diddy” Combs, gjithashtu mbështeti lojtarët. “Ne qëndrojmë me ju Mbretër”, shkroi ai së bashku me një foto të Rashford, Sancho, Saka dhe Raheem Sterling.

Ndërsa supermodelja Naomi Campbell e përshkroi racizmin si “të neveritshëm”.

Duke iu drejtuar lojtarëve në shënjestër, ajo shtoi: “Unë dua t’ju bëj të ditur se sa krenar jam për ju të gjithë, siç i dhatë të gjitha dhe mos i lini zërat injorantë brenda .. qëndroni në nivelin tuaj, ëndërroni edhe më shumë, arrini më lart dhe lërni këtë të ju drejtojë .. ju jeni fitues duke përmbushur pasionin e juaj gjatë jetës “.

Campbell shtoi hashtags #StopTheHate dhe #StopRacism.

Edhe aktori i Spider-Man, Tom Holland, e përshkroi sjelljen e disa tifozëve të Anglisë si “të neveritshme” pas raporteve jo vetëm të abuzimit racist, por përplasjeve të dhunshme brenda Wembley.

“Ju nuk jeni bashkatdhetarët e mi,” shkroi ai.

“Këta lojtarë nuk meritojnë asgjë përveç respektit. Ata na kanë dhënë kaq shumë në një kohë kaq të vështirë dhe ata duhet të trajtohen si mbretërit, jo të shqelmohen kur humbin.

Ju djem jeni tre luanë dhe të gjithë anglezët e mirë janë krenarë për ju dhe të gjithë ekipin dhe stafin dhe ne do t’ju mbështesim përsëri në Kupën e Botës”.

(Përktheu dhe përshtati UBTNews)

Related Topics:
Continue Reading

Lajmet

Kosova dhe Shqipëria prezantohen në Kanë me pavijon të përbashkët dhe premierën e filmit “Dua”

Published

9 hours ago

on

May 13, 2026

By

Qendra Kinematografike e Kosovës ka njoftuar hapjen e Pavijonit të Kosovës në kuadër të Marché du Film, tregut zyrtar të Festivalit të Filmit në Kanë. Ky prezantim shënon vazhdimësinë e pjesëmarrjes së Kosovës në një nga ngjarjet më të rëndësishme të industrisë botërore të filmit.

Për të 15-in vit me radhë, Qendra Kinematografike e Kosovës dhe Qendra Kombëtare e Kinematografisë e Shqipërisë po prezantojnë së bashku kinematografinë shqiptare përmes pavijonit të përbashkët Kosovë-Shqipëri, me synim forcimin e bashkëpunimit dhe rritjen e dukshmërisë ndërkombëtare të produksioneve nga të dy vendet.

Ky edicion shënohet edhe me një moment të veçantë: premierën botërore të filmit “Dua”, i cili është përzgjedhur në programin prestigjioz Semaine de la Critique, ku garon për katër çmime kryesore. Përzgjedhja në këtë program konsiderohet një nga vlerësimet më të rëndësishme për filma të rinj në Kanë.

Pjesëmarrja e përbashkët dhe prezantimi i filmit “Dua” pritet të forcojnë më tej praninë e kinematografisë shqiptare në skenën ndërkombëtare.

 

Continue Reading

Kulturë

Premiera botërore e filmit “DUA” sot në Festivalin e Cannes

Published

11 hours ago

on

May 13, 2026

By

Filmi me metrazh të gjatë “DUA”, me skenar dhe regji nga Blerta Basholli, sot shënon premierën botërore në Festivalin e Cannes, në kuadër të programit prestigjioz Semaine de la Critique.

“DUA” është përzgjedhur mes vetëm shtatë filmave të gjatë të këtij edicioni dhe bëhet filmi i parë nga Kosova që merr pjesë në këtë seksion konkurrues, ku garon për katër çmime kryesore. I vendosur në Kosovën e viteve ’90 dhe i frymëzuar nga përvoja personale e regjisores, filmi rrëfen historinë e një adoleshenteje introverte në kërkim të identitetit në një periudhë të trazuar politike dhe shoqërore.

Në rolin kryesor luan Piena Matoshi, ndërsa producentë të projektit janë Valon Bajgora dhe Yll Uka nga Ikonë Studio.

Si bashkëproducentë marrin pjesë Britta Rindelaub dhe Thomas Reichlin nga Alva Film , si dhe Amaury Ovise nga Kazak Productions . Projekti mbështetet nga institucione dhe fonde të ndryshme ndërkombëtare, përfshirë CNC, ARTE Cinema, Eurimages dhe Qendra Kinematografike e Kosovës.

Continue Reading

Lajmet

Në Durrës hapet ekspozita fotografike “Shqipëria 1921 – Eugène Pittard”

Published

12 hours ago

on

May 13, 2026

By

Në qytetin e Durrësit është hapur ekspozita fotografike “Shqipëria 1921 – Eugène Pittard”, e cila sjell për publikun pamje të rralla të Shqipërisë së fillimshekullit XX.

Në ceremoninë e hapjes morën pjesë nënkryetarja e Kuvendit, Klodiana Spahiu, si dhe ambasadorja e Zvicrës në Shqipëri, Ruth Huber. Ekspozita është realizuar në bashkëpunim ndërmjet Ambasadës së Zvicrës në Tiranë dhe FotoKlub Durrës, duke ofruar një udhëtim të veçantë vizual përmes fotografive të realizuara nga akademiku dhe antropologu zviceran Eugène Pittard dhe bashkëshortja e tij, Hélène Pittard.

Gjatë viteve 1921 dhe 1924, çifti Pittard udhëtoi nëpër Shqipëri duke dokumentuar jetën e përditshme, qytetet, fshatrat, peizazhet dhe traditat shqiptare. Përmes objektivit të tyre, ekspozita sjell dëshmi autentike të historisë dhe identitetit kombëtar shqiptar, të ruajtura në fotografi me vlerë të veçantë historike dhe kulturore.

Në fjalën e saj, Klodiana Spahiu e vlerësoi këtë nismë si një kontribut të rëndësishëm në promovimin e kujtesës historike dhe trashëgimisë kulturore shqiptare, duke falënderuar organizatorët për sjelljen e kësaj ekspozite për publikun durrsak.

Continue Reading

Lajmet

Ministria e Kulturës organizon aktivitete për Ditën Ndërkombëtare të Muzeut

Published

12 hours ago

on

May 13, 2026

By

Ministria e Kulturës, Rinisë dhe Sportit e Kosovës ka njoftuar organizimin e aktiviteteve të veçanta në kuadër të shënimit të Ditës Ndërkombëtare të Muzeut.

Sipas njoftimit, aktivitetet synojnë ta afrojnë publikun me koleksionet muzeale, historinë dhe trashëgiminë kulturore të vendit, përmes programeve edukative dhe prezantuese.

Në kuadër të agjendës do të organizohen vizita, ekspozita dhe aktivitete të hapura për qytetarët, duke e prezantuar muzeun si një hapësirë aktive të jetës kulturore dhe jo vetëm si vend ruajtjeje të objekteve historike.

Ministria ka ftuar qytetarët që të bëhen pjesë e aktiviteteve të planifikuara për shënimin e kësaj dite, me synimin për të promovuar rëndësinë e muzeve në ruajtjen dhe kultivimin e trashëgimisë kulturore.

Continue Reading

Të kërkuara