Lajmet
Maqedonia e Veriut gjen bakter në një mostër uji nga Kosova
Agjencia e Ushqimit dhe Veterinarisë në Maqedoninë e Veriut ka nisur një inspektim të të gjitha dërgesave të ujit burimor të importuar nga Kosova, pas zbulimit të bakterit koliform në një mostër uji nga Kosova. Informacion është raportuar nga Shërbimi maqedonas i Radios Evropa e Lirë.
Disa media në Maqedoninë e Veriut kanë publikuar vendimin e agjencisë, sipas të cilit bëhet fjalë për ujin e markës “Rugove”. Pronari i kompanisë Rugova, Visar Kelmendi, ka konfirmuar për Radio Evropa e Lirë se shitjet e ujit të markës Rugove në Maqedoninë e Veriut po vazhdojnë, ndërsa ka sqaruar se analizat laboratorike të mëpasshme nuk kanë treguar asnjë problem me cilësinë e ujit.
Kelmendi ka shpjeguar se problemi është shfaqur për shkak të një analize të parë të papërshtatshme, që kishte konstatuar praninë e baktereve koliform, por pas analizave të mëtejshme në Maqedoninë e Veriut, në Kosovë dhe në një shtet të tretë, u konfirmua se uji është i sigurt për përdorim. Ai shtoi se uji kontrollohet rregullisht nga laboratori i brendshëm dhe certifikohet nga Instituti Kombëtar i Shëndetit Publik në Kosovë.
Në një reagim të lëshuar gjatë ditës, Korporata Rugove theksoi se mostra që u analizua ishte pjesë e procedurës standarde të kontrollit kufitar dhe se pas analizës së dytë u konfirmua se uji është i pastër dhe i pijshëm. Ata theksuan se çdo interpretim që vë në dyshim cilësinë e ujit është i pabazuar.
Përkundër kësaj, prania e baktereve koliform në ujë të pijshëm mund të tregojë për mundësinë e pranisë së patogjenëve të cilët mund të shkaktojnë sëmundje. Sipas Departamentit të Shëndetësisë i Shtetit të Uashingtonit, kur bakteri koliform gjendet në ujë, operatorët e sistemit të ujit duhet të identifikojnë burimin e ndotjes.
Agjencia e Ushqimit dhe Veterinarisë në Shkup ka njoftuar se do të marrin mostra nga çdo dërgesë e ujit burimor dhe pijeve joalkoolike nga Kosova për t’i testuar për mikroorganizma, në përputhje me rregullat për kërkesat mikrobiologjike për ushqim.
Përveç kësaj, Maqedonia e Veriut ka rritur kontrollin edhe për frutat dhe perimet e importuara nga të gjitha vendet, për të siguruar që këto produkte të jenë të sigurta për konsum dhe të mos përmbajnë mbetje pesticidesh.
Agjencia ka theksuar se produktet që nuk do të kalojnë kontrollet e sigurisë nuk do të lejohen të shiten në treg./UBTNews/
Lajmet
Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë
Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.
Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.
Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.
Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.
Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.
2 hapa të thjeshtë për të parandaluar formimin e mykut në lavatriçe
Messi, rikthim i shkurtër te Barcelona?
Kura shtëpiake për gjunjë të fortë dhe pa inflamacion
Sonte në UBT TV: Podcast me Profesorin Gaz Ejupi
Mike Tyson kërkon revansh me Jake Paul
Jennifer Lawrence flet për bashkëpunimin e qetë dhe profesional me Robert Pattinson
Si të ulni shtypjen e gjakut me vetëm këtë ushqim?
Bellingham dhe Foden rikthehen në kombëtaren e Anglisë
Bruce Willis, buzëqesh në plazh gjatë një daljeje të rrallë publike
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën