Lajmet

Maqedoni: Virusi “Delta” agresiv dhe me përhapje të shpejt

Published

5 years ago

on

As temperaturat e larta të motit e as vaksinat anti COVID nuk ishin të mjaftueshme për të parandaluar një valë të re të pandemisë në Maqedoni të Veriut. Megjithëse pritej të vinte në tetor, vala e katër mori hov në fillim të gushtit.

Për krahasim si sot një vit më parë, kur ende nuk kanë qenë të zbuluara vaksinat anti-kovid ka pasur vetëm 139 raste të reja, kurse për të gjithë muajin gusht kishte më tepër të shëruar se sa të prekur.

Në katër javët e fundit shohim një rritje rapide të të prekurve ku nga 15 të infektuar u bënë 588 dhe nga asnjë të vdekur në bazë ditore tani ka nga 8 pacientë që ndërruan jetë dhe spitalet po mbushen shpejtë.

Instituti i Shëndetit Publik

21 korrik: 2.550 teste – 15 të infektuar – 6 të shëruar – 0 të vdekur

28 korrik: 3.593 teste – 47 të infektuar – 14 të shëruar – 0 të vdekur

04 kusht: 5.276 teste – 164 të infektuar – 18 të shëruar – 3 të vdekur

11 kusht: 5.780 teste – 588 të infektuar – 26 të shëruar – 8 të vdekur

Për të pasur efikasitet imunizimi i popullsisë ndaj një pandemie agresive siç është CoVid19, vaksinimi masiv i popullsisë është dashur të bëhet në periudhë shumë të shkurtër.

Kështu tha epidemiologu Aleksandar Stojakov, duke kritikuar autoritetet se kjo valë e katër që posa fillon nuk do të ndodhte në pike të verës nëse i gjithë vaksinimi do bëhej gjatë pranverës. Ish-kreu i QSHP tani në pension tha se vjet kur ishin të ndaluara plotësisht eventet janë mbajtur ilegalisht mbi 440 dasma, ndërsa sivjet ky numër i madh i ahengjeve familjare do të qoj në derexhe apokaliptike situatën epidemiologjike në vend.

“Këtu definitivisht është parë leverdia ekonomike prandaj tani e paguajmë koston e lartë. Por e paguajnë njerëzit që nuk duhej ta paguajnë. Punonjësit shëndetësor nuk mund të shohin asnjë ditë të bardhë. Edhe ata janë në rrezik ta bartin virusin në shtëpitë e tyre edhe ata kanë familje. Nuk janë vetëm paratë! Nuk është në pyetje vetëm qejfi, edhe shëndeti publik duhet të ruhet. Asgjë nuk e respektua dhe për fat të keq do të kemi valë të katër sepse u zvarrit procesi i vaksinimit.”- deklaroi Aleksandar Stojanov, Epidemiolog.

Sipas shifrave të Ministrisë së Shëndetësisë vaksinimi ka kaluar 1 milionëshin me një dozë, por realisht të imunizuar komplet janë më pak se gjysmë milioni i qytetarëve apo ¼ e popullsisë në vend. Në katër ditët e fundit është dyfishuar numri i të interesuarve për vaksinim prej kurse u mor vendimi se që nga e hëna e 16 gushtit do të ketë masa kufizuese për të pa vaksinuarit.

Në pikat e vaksinimit si dhe në terren në të gjithë shtetin gjatë ditës së djeshme dozën e parë e kanë marrë 8,914 qytetarë, kurse gjatë 24 orëve të fundit gjithsej u aplikuan 16,020 vaksina. Në total prej fillimit të imunizimit anti-kovid janë dhënë 1.016.700 vaksina, prej tyre 454,788 janë me re vaksina.”

Por sa të mbrojtur jemi si komunitet në nisjen e valës së re të pandemisë kur shifrat kanë prej ditësh tregojnë të infektuar mbi 10% e të testuarve?! Të dhënat zyrtare tregojnë se kategoritë më të ndjeshme të qytetarëve si të moshuarit, të sëmurët kronik dhe të punësuarit nëpër institucionet vitale të shtetit nuk janë plotësisht të imunizuar. Vetëm 66% e të moshuarve mbi 70 vjeç kanë marrë nga një dozë, ndërsa mezi arriti 50% i të vaksinuarve mbi moshën 50 vjeçe./Alsat/

Related Topics:
Continue Reading

Vendi

Shabani e Qerimi deklarohen sërish të pafajshëm për spiunazh në favor të BIA-s serbe

Published

6 minutes ago

on

October 9, 2026

By

Të akuzuarit Bedri Shabani dhe Muharrem Qerimi janë dalë sërish para Gjykatës, ku janë deklaruar të pafajshëm për veprën penale “Spiunazh”.

Sipas aktakuzës së Prokurorisë Speciale, të dy të pandehurit dyshohen se kanë vepruar si bashkëpunëtorë të Agjencisë së Inteligjencës dhe Sigurisë së Serbisë (BIA), duke mbledhur dhe dërguar informacione e materiale të ndjeshme në favor të shtetit serb.

Bedri Shabani akuzohet se nga një datë e papërcaktuar deri më 5 qershor 2024, kur edhe u arrestua, i ka dërguar BIA-s të dhëna për Ushtrinë Çlirimtare të Kosovës (UÇK) dhe eprorët e saj. Ndër to përfshihen informacione për Spitalin Ushtarak të UÇK-së në Mollopolc të Shtimes si dhe për masakrën e Reçakut. Këto të dhëna ai ia kishte transmetuar zyrtarit të BIA-s, Sërgjan Rosiq, si dhe ish-komandantit të Policisë së Serbisë për Ferizajn, Bogoljub Janiçeviq, përmes telefonatave, e-mail-eve dhe takimeve fizike në Serbi.

Ndërkaq, Muharrem Qerimi akuzohet se nga viti 2012 e deri me arrestimin e tij më 5 qershor 2024, ka mbledhur dhe dërguar informacione lidhur me luftën e UÇK-së, emra të pjesëtarëve të Policisë së Kosovës, AKI-së, IPK-së, si dhe emra dëshmitarësh të Dhomave të Specializuara në Hagë. Informacionet i kishte kaluar po ashtu zyrtarit të BIA-s, Sërgjan Rosiq, përmes komunikimeve telefonike dhe takimeve në territorin e Serbisë. /E.A/

Continue Reading

Lajmet

Hapet ekspozita fotografike “Kronologjia e Lirisë” nga Ridvan Slivova në Prishtinë

Published

38 minutes ago

on

October 9, 2026

By

Sot, më 9 tetor 2026, me fillim nga ora 18:00, në hapësirat e Barabar Centre në Prishtinë, do të hapet ekspozita fotografike e titulluar “Kronologjia e Lirisë”, me autor fotografin e njohur Ridvan Slivova.

Ngjarja organizohet në kuadër të festivalit ndërkombëtar të fotografisë “Fotoist”. Ekspozita sjell një kronikë të fuqishme vizuale të periudhës së luftës në Kosovë, duke dokumentuar ngjarje tragjike – përfshirë Masakrën e Gollakut – si dhe momente të tjera kyçe të rezistencës dhe rrugëtimit të popullit të Kosovës drejt lirisë.

Të gjithë të interesuarit dhe dashamirët e artit e historisë mund të marrin pjesë në këtë ngjarje ose të informohen më shumë përmes uebfaqes zyrtare të festivalit, www.fotoist.org.

Continue Reading

Botë

Rritet në pesë numri i viktimave nga shembja e ndërtesës në Stamboll, përfundojnë kërkim-shpëtimet

Published

60 minutes ago

on

October 9, 2026

By

Ka arritur në pesë numri i personave të vdekur nga shembja e tre kateve të një pallati shtatëkatësh në lagjen “Cevizli” të zonës Maltepe, në anën aziatike të Stambollit, pasi nga rrënojat u nxorën edhe tre trupa të tjerë.

Sipas njoftimit zyrtar të Prefekturës së Stambollit, katër persona ndërruan jetë në vendngjarje, ndërsa një i pestë vdiq në spital nga plagët e marra. Operacionet e kërkim-shpëtimit u përmbyllën zyrtarisht sot në orën 06:15 pas gjetjes së trupit të fundit, ndërsa në vendngjarje po vazhdon pastrimi i rrënojave.

Si masë paraprake sigurie, autoritetet kanë evakuuar 55 banorë nga tre ndërtesa fqinje, prej të cilëve 44 persona janë strehuar përkohësisht në hotele.

Ndërkohë, shkaqet e shembjes mbeten nën hetim të rreptë. Ekspertët kanë marrë mostra të betonishtes dhe armaturës metalike për analiza, ndërsa policia ka arrestuar arkitektin e ndërtesës dhe përgjegjësin e kantierit të ndërtimit. Ministri i Brendshëm, Mustafa Çiftçi, konfirmoi përmbylljen e fazës së kërkimeve dhe u shpreh ngushëllime familjeve të viktimave. /TRT/

Continue Reading

Lajmet

Presidentja Shiroka Pula priti në takim drejtorin e AKI-së, Petrit Ajeti

Published

2 hours ago

on

October 9, 2026

By

Presidentja e Republikës së Kosovës, Justina Shiroka Pula, ka pritur sot në takim drejtorin e Agjencisë së Kosovës për Inteligjencë (AKI), Petrit Ajeti.

Gjatë këtij takimi, drejtori Ajeti i ka shprehur urimet presidentes Shiroka Pula me rastin e marrjes së detyrës së re, si dhe e ka njoftuar me hollësi mbi situatën e përgjithshme dhe aktuale të sigurisë kombëtare në vend.

Po ashtu, gjatë bisedës u vendos theksi te rëndësia e bashkëpunimit dhe bashkërendimit të vazhdueshëm ndërmjet institucioneve të sigurisë, me synim mbrojtjen e rendit kushtetues dhe garantimin e një mjedisi të sigurt për të gjithë qytetarët e Republikës së Kosovës. /E.A/

 

Continue Reading

Të kërkuara