Lajmet

​Maqedonci: Në asnjë moment ushtarët e Kosovës nuk kanë mbetur pa ushqim

Published

on

Në seancën e sotme ku po diskutohet për kater vjet qeverisje të Albin Kurtit, ministri i Mbrojtjes, Ejup Maqedonci është kritikuar nga opozita për çështjen e ushqimit për ushtarët e Forcës së Sigurisë së Kosovës.

Lidhur me ketë, Maqedonci tha se në asnjë moment ushtarët e Kosovës nuk kanë mbetur pa ushqim.

Sipas tij koncepti i ri i qëndrueshmërisë ofron ushqim më kualitet me kosto më të ulët.

“Asnjëherë nuk kemi pasur mbetje të ushtarëve pa bukë, në asnjë rast gjatë kësaj kohe dhe mua po më vjen keq seriozisht për këtë shkëputjen time që ju e keni me ushtarët duke qenë edhe për shkak të kaluarës tuaj edhe me gjendjen në ushtri. Në asnjë moment, në asnjë rast ushtarët e Kosovës nuk kanë mbetur pa ushqim. Në asnjë moment dhe në asnjë rast nuk ka pasur të shërbyer ushqim i cili nuk ka qenë në përputhje me standardet që kërkohet për ushqyerjen e ushtarëve. Normalisht ka pasur një vështirësi në ditët e para kur kemi ndryshuar konceptin e ushqimit dhe kjo ka ardhur për arsyen se kemi bërë ndërprerjen e një fenomeni që ka dëmtuar për vite të tëra ushtrinë atë të dhënies së kontratave emergjente”, tha ai.

Pas tij reagoi edhe shefi i grupit parlamentar të PDK-së, Abelard Tahiri i cili tha se njoftimin për mungesë të ushqimit e kanë marr nga letra e komandantit të FSK-së, Bashkim Jashari.

“Skandalin sa i përket ushqimit të ushtrisë së Kosovës nuk e kemi zbuluar ne, jemi njoftuar nga gjenerali, Bashkim Jashari – komandant i ushtrisë së Kosovës, të ka kërcënuar me pezullim të të gjitha aktiviteteve ushtarake nëse nuk rregullohet çështja e ushqimit. Këtu jemi njoftuar ne për mungesën e ushqimit…këtë çështje nuk e ka banalizuar askush dhe nuk besoj që të bënë nder as ty me thënë se nuk mund ta quash letrën e gjeneralit Bashkim Jashari banale, nëse thua është banale, atëherë prej asaj pjese ka ardhur banaliteti ”, theksoi ai.

Lajmet

​Arrestohet një person nën dyshimet për sulm ndaj KFOR-it dhe Policisë së Kosovës

Published

on

By

Prokuroria Speciale e Kosovës ka arrestuar të dyshuarin S.R nën dyshimin për sulm ndaj pjesëtarëve të KFOR-it dhe Policisë së Kosovës në maj të vitit 2023.

Sipas Prokurorisë Speciale për veprimet e mëtutjeshme publiku do të njoftohet në kohë.

Prokuroria Speciale e Republikës së Kosovës, në koordinim me hetuesit policorë nga Drejtoria për Krime të Rënda dhe Krim të Organizuar, ka arrestuar të dyshuarin S. R nën dyshimet për sulm ndaj pjesëtarëve të KFOR-it dhe të Policisë së Kosovës në maj të vitit 2023.Për veprimet e mëtutjeshme publiku do të njoftohet në kohë”, thuhet në njoftimin e PSRK së.

S.R është në mesin e të arrestuarve për trazirat në Zveçan para tri vjetësh.

Kujtojmw se, më shumë se 90 pjesëtarë të KFOR-it kishin pësuar lëndime, pas përleshjes me protestuesit serbë.

Dhuna në Zveçan shpërtheu pasi serbët lokalë kundërshtuan hyrjen e kryetarëve të rinj shqiptarë në ndërtesat komunale në Zveçan, Leposaviq dhe Zubin Potok – komuna në veri të Kosovës, të banuara me shumicë serbe, pas zgjedhjeve lokale të mbajtura më herët po atë vit, që u bojkotuan nga serbët.

Continue Reading

Lajmet

Flamur Xhafa – CTO nga kompania Behamics, ndan përvojën nga industria me studentët e Sistemeve të Informacionit

Published

on

By

Fakulteti Sistemet e Informacionit, në kuadër të lëndës “Analiza dhe Dizajnimi i Sistemeve të Informacionit (SI)”, u mbajt një ligjëratë tematike me guest speaker Flamur Xhafa, CTO nga kompana Behamics.

Gjatë ligjëratës, Xhafa ndau me studentët përvojën e tij profesionale rreth industrisë së teknologjisë, mënyrës së realizimit të projekteve reale, si dhe praktikave që përdoren në punën e përditshme në kompani. Ai theksoi rëndësinë e mendimit analitik, punës në ekip dhe komunikimit të qartë në procesin e analizës dhe dizajnimit të sistemeve, duke i lidhur konceptet e lëndës me raste konkrete.

Në fokus të veçantë ishte edhe pjesa e këshillave dhe motivimit për studentët, ku u diskutua se si të përgatiten për tregun e punës, si të ndërtojnë profilin e tyre profesional, si të angazhohen në projekte praktike dhe si të shfrytëzojnë mundësitë për të hyrë sa më herët në një ambient real pune.

Ky bashkëpunim shërben si një urë lidhëse mes studentëve dhe industrisë, duke krijuar hapësirë për mundësi praktike, rrjetëzim profesional dhe një kuptim më të qartë të kërkesave të tregut.

 

Continue Reading

Lajmet

Sorensen: Dialogu Kosovë-Serbi vazhdon me shpresën që 2026-ta sjellë atë që 2025 s’mundi

Published

on

By

I dërguari i posaçëm i Bashkimit Evropian për dialogun ndërmjet Kosovës dhe Serbisë, Peter Sorensen, ka deklaruar se BE vazhdon të punojë për çështjet e dialogut “me shpresën që viti 2026 të sjellë atë që 2025 nuk arriti ta japë”.

Pas vizitës zyrtare që pati në Prishtinë, Sorensen ka thënë se palët duhet të ulen dhe të bisedojnë e se një takim do të thirret kur të jetë koha e duhur.

Tutje, Sorensen tha se pret me interes të lartë formimin e institutvcioneve në Kosovë, pas zgjedhjeve të fundit.

“Jam i lumtur që jam sërish në Kosovë, kjo është vizita ime e parë e këtij viti. Urime për zgjedhjet, pres me interes që Kuvendi të konstituohet dhe që Qeveria të formohet.

Ne vazhdojmë të punojmë për çështjet e dialogut, me shpresën që viti 2026 të sjellë atë që 2025 nuk arriti ta japë. Pikërisht për këtë arsye e nisa vitin me një vizitë këtu dhe më pas në Beograd gjatë kësaj jave.

Ajo që synojmë është që të dyja palët të ulen dhe të bisedojnë, duhet të gjejmë një mënyrë që kjo të ndodhë. Përfaqësuesja e Lartë i ka vizituar vendet vitin e kaluar dhe ka theksuar se do të ketë një takim kur koha të jetë e duhur.

Ajo do ta thërrasë takimin, palët do të marrin pjesë dhe më pas do të shohim se si do të ecet përpara”, ka deklaruar Sorensen.

Continue Reading

Lajmet

​Përfundon takimin me Kurtin, Sorensen pritet nga Osmani

Published

on

By

I dërguari i posaçëm i Bashkimit Evropian për dialogun Kosovë-Serbi, Peter Sorensen ka përfunduar takimin me kryeministrin në detyrë, Albin Kurti.

Ai u nis për në objektin e presidencës, ku u prit në takim nga e para e vendit, Vjosa Osmani.

Sipas informacioneve që KosovaPress ka siguruar, Sorensen pritet të japë një deklaratë për media pas takimit me Osmanin.

Vizita e Sorensen vjen pas zgjedhjeve të parakohshme parlamentare në Kosovë.

Kosova dhe Serbia kanë arritur marrëveshjen bazë të Brukselit dhe aneksin e Ohrit në vitin 2023, mirëpo e njëjta ende nuk ka gjetur zbatim.

Continue Reading

Të kërkuara