Lajmet

Mantilbardhët i japin një javë ultimatum qeverisë që të takohen, Syla: Kthena dinjitetin

Syla ka treguar se greva e stafit shëndetësorë këtë të enjte ka shkuar pa ndonjë incident.

Published

5 years ago

on

Një javë ultimatum i është dhënë Qeverisë së Kosovës që të reflektojë dhe t’i thërras në takim Federatën Sindikale të Shëndetësisë (FSSHK), në të kundërtën ata sërish do të vazhdojnë me grevën.

Kështu tha kryetari i Federatës Sindikale të Shëndetësisë së Kosovës (FSShK), Blerim Syla, i cili në konferencën për medie ka treguar se greva e stafit shëndetësorë këtë të enjte ka shkuar pa ndonjë incident.

Syla kërkon nga Kryeministri i Kosovës, Albin Kurti që të ulen dhe të dialogojnë për Ligjin për Pagat dhe në këtë mënyrë t’iu kthehet siç thotë ai dinjiteti i mantilbardhëve.

“Le të jetë ky mesazhi i fundit për qeverinë Kurti dhe gjithë akterët tjerë, të ulemi të bisedojmë mos na ndani prej pacientëve, prej popullit, ju lutemi mos na shtini të bëjmë gjeste të tilla që ne nuk po i dëshirojmë, por nëse ju keni vendosur që të keni trazira sociale është çështje e jua. Ne do ta ruajmë shtetin tonë që është i ndërtuar me mund e gjak. Nuk ka asnjë politikë në këtë vend[..]3’52 Zoti kryeministër të lutem dhe përgjërohem mos na detyroni me i zhvesh këta mantila në vazhdimësi, lërna të punojmë, lërna t’i shërojmë ata pacientë, kthena neve dinjitetin. Nuk ju kushton asgjë të takohemi, edhe ne jemi votuesit tuaj”, tha Syla.

Kryetari i SBAShK-ut, Rrahman Jasharaj i cili doli për ta mbështetur grevën e punëtorëve shëndetësorë kërkoi nga Kurti që të mos injorohen në të kundërtën do të ketë protesta dhe greva.

“Uroj që kjo grevë të jetë e fundit dhe veprimi i fundit sindikal dhe qeveria ta kuptojë këtë alarm dhe mesazh tuajin shumë të drejtë dhe të ulemi dhe të bisedojmë dhe të arrijmë zgjedhje sepse ligji për pagat është ligj jetësor, i lidhur me ne, kemi bërë shumë angazhime, kemi pas shumë pritje por kemi pas edhe shumë zhgënjime të cilat duhet t’i tejkalojmë dhe uroj që nga sot të ulemi me qeverinë mos të na injoroj sepse në të kundërtën do të kemi edhe protesta dhe greva të cilat dihet kur fillojnë por nuk e dimë kur përfundojnë”, u shpreh Jasharaj.

Dialog me qeverinë po kërkon edhe kryetari i BSPK-së Atdhe Hykolli.

“Ligji i pagave është shumë i rëndësishëm sidomos për neve si sindikata sepse e rregullon pagën e punëtoreve e që për këtë arsye jemi këtu. Po besoj që qeveria shpejt ka me thirre dhe do të ulemi, do të bisedojmë dhe do të ecim përpara”, tha Hykolli.

Greva ka përfunduar sot, ndërsa deri të enjten e ardhshme FSShK do të presë që Qeveria t’i ftojë në takim. 

Related Topics:
Continue Reading

Lajmet

Koncert festiv “Liria na Bashkon” në Gjakovë për Ditën e Çlirimit

Published

24 minutes ago

on

June 12, 2026

By

Në shënim të Ditës së Çlirimit, tre ansamble kombëtare shqiptare do të bashkohen në koncertin festiv “Liria na Bashkon”, duke sjellë një mbrëmje me këngë, valle dhe interpretime nga kultura shqiptare.

Në këtë ngjarje do të marrin pjesë Ansambli Kombëtar i Këngëve dhe Valleve “Shota” nga Kosova, Ansambli i Këngëve dhe Valleve Popullore nga Shqipëria, si dhe Ansambli Nacional i Këngëve dhe Valleve Popullore Shqiptare në Maqedoninë e Veriut.

Koncerti do të mbahet në Shtëpinë e Kulturës “Asim Vokshi” në Gjakovë, më 12 qershor 2026 në ora 19:00. /A.K/

Continue Reading

Lajmet

Maqedonci: UÇK hyri në Prishtinë dy ditë para NATO-s për të parandaluar masakrat serbe

Published

29 minutes ago

on

June 12, 2026

By

Ministri i Mbrojtjes, Ejup Maqedonci, ka zbuluar detaje të panjohura nga ditët e çlirimit në Podcastin e Media Grupit të UBT-së. Ai tregoi se më 10 Qershor 1999, një pjesë e njësive të UÇK-së nga Zona Operative e Llapit morën urdhër të futeshin urgjentisht në kryeqytet. Ky mision synonte mbrojtjen e popullatës civile nga trupat serbe para tërheqjes së tyre.

Sipas ministrit, informacionet e kohës tregonin se forcat serbe në largim e sipër do të tentonin të bënin masakra të tjera dhe të plaçkitnin shtëpitë e shqiptarëve. Pjesë e këtij operacioni të rrezikshëm ishte edhe vetë Maqedonci. Ai kujton se ngritën flamujt në dy pika strategjike, në Kodrën e Trimave për të dhënë shenjën se UÇK-ja ishte në Prishtinë.

“Kemi ngritur flamujt si shenjë që Ushtria Çlirimtare e Kosovës është në Prishtinë. Ishim në uniforma dhe kishim vendosur pozicionet tona në mënyrë që të mos lejohej ndonjë masakër”, kujton ministri emocionet e asaj dite.

Gjatë intervistës, Maqedonci foli edhe për rrugëtimin e tij personal si 20 vjeçar, i cili nisi në vitin 1998, kur i’u bashkua UÇK-së nga Zvicra. Ai tregoi se stërvitjen teorike ushtarake në Shqipëri e kishte marrë nga Heroi i Kombit, Agim Ramadani. Pas një marshimi të vështirë 12-orësh nëpër borën e maleve të Pashtrikut, ai depërtoi në Kosovë për t’u angazhuar në zona të ndryshme operative.

“Ëndrra ime e parë ishte vetëm të kaloja kufirin, të prekja tokën e Kosovës, dhe çfarëdo që të ndodhte më pas nuk kishte rëndësi”, u shpreh Maqedonci për fillimet e tij në luftë.

Sot, si Ministër i Mbrojtjes, ai thotë se pasqyrimi i FSK-së është përmbushje e ëndrrës së dëshmorëve. Ai vuri në dukje investimet e mëdha prej 460 milionë eurosh në armatim gjatë katër viteve të fundit. Për Maqedoncin, modernizimi i ushtrisë sipas standardeve të NATO-s është garancia kryesore për të ruajtur paqen në vend.

“Kur përgatitesh për luftë, në fakt përgatitesh për ta shmangur luftën, sepse forca e dekurajon kundërshtarin”, potencoi në fund ministri Maqedonci. /E.A/

Continue Reading

Lajmet

Edmond Hajrizi: Liria e Kosovës, testament i sakrificës dhe unitetit

Published

37 minutes ago

on

June 12, 2026

By

Në 27-vjetorin e Ditës së Çlirimit të Kosovës, Presidenti i UBT-së, Prof. Dr. Edmond Hajrizi, ka vlerësuar rëndësinë historike të 12 Qershorit, duke e cilësuar këtë datë si një moment kyç në rrugëtimin e Kosovës drejt lirisë, paqes dhe ndërtimit të shtetit demokratik.
Sipas tij, kjo ditë përfaqëson kujtesën kolektive të sakrificës së popullit shqiptar për liri dhe njëkohësisht shërben si frymëzim për brezat e rinj që të kontribuojnë në zhvillimin dhe avancimin e vendit.
“12 Qershori mbetet një nga datat më të rëndësishme në historinë e Kosovës. Është dita kur kujtojmë me nderim të gjithë ata që sakrifikuan për lirinë tonë dhe reflektojmë mbi përgjegjësinë që kemi për ta ndërtuar një të ardhme më të mirë për vendin”, theksoi Hajrizi.
Ai shprehu mirënjohje për kontributin dhe mbështetjen e aleatëve ndërkombëtarë, veçanërisht të Shteteve të Bashkuara të Amerikës, NATO-s dhe vendeve evropiane, të cilat luajtën rol të rëndësishëm në ditët më vendimtare për Kosovën.
Në këtë përvjetor, UBT rikujton rëndësinë e ruajtjes së vlerave të lirisë, demokracisë dhe arsimit, duke theksuar se investimi në dije, inovacion dhe zhvillim profesional mbetet rruga më e sigurt për përparimin e vendit.
Dita e Çlirimit të Kosovës shënohet çdo vit më 12 qershor, në kujtim të hyrjes së forcave të NATO-s në Kosovë në vitin 1999, një ngjarje që shënoi fundin e luftës dhe fillimin e një kapitulli të ri për qytetarët e vendit.

Continue Reading

Lajmet

Tensionet në Ngushticën e Hormuzit, SHBA rrëzon dronë iranianë

Published

1 hour ago

on

June 12, 2026

By

Presidenti amerikan Donald Trump ka deklaruar se lufta me Iranin ka përfunduar, megjithatë situata në rajon mbetet e tensionuar pas zhvillimeve të fundit në Ngushticën e Hormuzit.

Sipas Sky News, një zyrtar i lartë amerikan ka deklaruar se forcat e Shteteve të Bashkuara kanë rrëzuar dy dronë iranianë kamikazë, të cilët dyshohet se po synonin anije tregtare në këtë zonë strategjike. Sipas të njëjtit burim, trafiku detar në ngushticë po vazhdon normalisht.

Ndërkohë, mediat iraniane raportojnë për shpërthime pranë bregdetit në jug të vendit dhe për një incident me një tanker, i cili pas paralajmërimit nga marina e Gardës Revolucionare është ndalur dhe ka respektuar kufizimet e lundrimit.

Pavarësisht deklaratave optimiste nga Uashingtoni, zhvillimet e fundit tregojnë se tensionet mes SHBA-së dhe Iranit mbeten të larta, veçanërisht rreth kontrollit të lundrimit në një nga rrugët detare më të rëndësishme në botë./A.K/

Continue Reading

Të kërkuara