Sport

Mancini nuk humb besimin: Do të shkojmë në Botëror dhe mbase do e fitojmë

“Kam shumë besim se do të shkojmë në Botëror’.

Published

5 years ago

November 16, 2021

Betim Gashi

Trajneri i Italisë, Roberto Mancini nuk e bën dramë barazimin 0-0 në ndeshjen ndaj Irlandës së Veriut që e çon kombëtaren e tij në fazën play-off dhe jo drejtpërdrejt në finalet e Botërorit të Katarit.

“Playoff-i. Kam shumë besim se do të shkojmë në Botëror dhe me shumë mundësi do ta fitojmë atë. Duhet ta kishim fituar ndeshjen me Bullgarinë. Patëm dy penallti me Zvicrën. Ndeshje që mund të përfundonin në avantazhin tonë”, deklaroi tekniku.

Më tej, Mancini foli dhe për ekipin e Irlandës së Veriut, i cili sipas tij u mbrojt me 10 veta dhe ia arriti qëllimit që të mos pësonte.

“Në mars, do të jetë krejt një tjetër gjë. Duhet të luajmë të gjitha mundësitë. Jam i bindur se kemi një ekip shumë të mirë dhe jam i qetë”, përfundoi Mancini.

Vendi

Akil Gjakova mbyll garën pa medalje në Abu Dhabi

Published

19 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

19 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

21 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/