Sport

Manaj: Ndaj Spanjës luajmë për ta bërë historinë

Published

2 years ago

June 20, 2024

Betim Gashi

Sulmuesi i Shqipërisë, Rey Manaj është shprehur i bindur se në sfidën e radhës në Kampionatin Evropian, atë kundër Spanjës, Shqipëria do të zbres në fushë me qëllimin për të marrë fitoren jetime dhe për të bërë histori duke u kualifikuar në fazën tjetër të Euro 2024.

Në konferencë për media, Manaj tha se fakti që nuk morën pikët e plota ndaj Kroacisë i ka lënë të zhgënjyer, por që tani vëmendja është tek Spanja.

“Besoj se mund të kishim arritur tre pikëshin, patëm ato katër minuta që na bënë dy gola. Besoj se goli i dytë mund të jepej faull, por gjyqtari tha se nga VAR-i nuk kishte asgjë. Jemi një çikë pishman që nuk morëm dot tre pikëshin sepse do të ishte shumë e rëndësishme se tani duhet të fitojmë se nuk bën me Spanjën për ta kaluar grupin dhe presim sot në darkë si do të shkojë Spanja me Italinë, normalisht se po të fitojë Spanja sot besoj se mund të kemi akoma më shumë shanse, por këto tri ditë do të përgatitemi që të bëjmë historinë dhe të marrim tri pikë kundër Spanjës”.

Ai shtoi se ekipi është i motivuar dhe shumë i vetëdijshëm që ndeshja ndaj Spanjës vendos fatin e Shqipërisë.

“Ekipi është shumë i motivuar, besojmë që edhe ndeshja e fundit është ndeshje o brenda o jashtë dhe normalisht të gjithë lojtarët si ata që do të luajnë nga fillimi si ata të stolit do të jenë të përqendruar 100 përqind sepse e pamë shumë mirë që në dy minuta mund të futet një lojtar në minutën e 35’ të ndryshojë ndeshjen dhe të bëjë gol. Emocionet janë të mëdha sepse është Kampionat Evropian, gjithë Shqipëria i ndjekë këto ndeshje si e gjithë bota”, theksoi Manaj:

Sa i përket synimit për të gjetur golin e parë, Manaj theksoi se më e rëndësishme është ecuria e kombëtares se sa objektivat personale të lojtarëve.

“Besoj se edhe Spanja ka mbrojtës shumë të mirë. Rëndësi për mua ka që ekipi të shkojë përpara, jemi ekip kombëtar dhe kryesorja është që kombëtarja të eci sa më përpara, e jo individualiteti”, tha Manaj në fund.

Kundër Spanjës, Shqipëria do të luajë më 24 qershor me fillim nga ora 21:00.

Related Topics:Rey Manaj Shqipëria Kampionati Evropian 2024

Up Next

Vulini serbëve: Dëgjojeni këngën “vrite, vrite serbin”, para se të shkoni me pushime në Shqipëri a Kroaci

Don't Miss

“Deri sa t’i përfundojnë skuadrat tjera stadiumin e parë, Llapi do të ketë stadiumin e dytë”, Batatina zbulon detaje për stadiumin e ri në Llap

Sport

Drita rikthehet në Superligë

Published

1 hour ago

April 21, 2026

UBTNews

Skuadra e Drita ka siguruar rikthimin në Superligën e basketbollit, pasi të hënën mbrëma mposhti Proton Cable Prizreni me rezultat të ngushtë 92:91.

Kjo ishte fitorja e dytë e Dritës në plejofin për inkuadrim, duke vulosur kështu ngjitjen në elitë për edicionin e ardhshëm. Në ndeshjen e parë finale, skuadra nga Gjilani kishte triumfuar bindshëm me rezultat 85:71.

Në këtë përballje vendimtare, Ardian Ibishi u dallua me paraqitje të gjithanshme, duke kontribuar me 18 pikë, 12 kërcime dhe katër asistime. Ndërkohë, Jay Walker ishte realizatori më i mirë me 20 pikë, të shoqëruara me nëntë kërcime dhe tre asistime.

Te skuadra prizrenase, më efikasi ishte Rron Dahsyla me 23 pikë, shtatë kërcime dhe nëntë asistime, ndërsa kontribut të rëndësishëm dha edhe Qendrim Ajazaj me 21 pikë, dhjetë kërcime dhe katër asistime.

Sport

Fenerbahçe synon rikthimin e Muriqit

Published

1 hour ago

April 21, 2026

UBTNews

Sulmuesi kosovar Vedat Muriqi vazhdon të jetë një nga figurat kryesore te RCD Mallorca, ku po kalon një periudhë shumë të suksesshme. Megjithatë, në mediat turke vazhdojnë të qarkullojnë lajme për një rikthim të mundshëm të tij në Superligën turke.

Sipas raportimeve të publikuara të martën nga Sabah dhe të shpërndara më pas nga media të tjera, Fenerbahçe thuhet se ka arritur një marrëveshje paraprake me sulmuesin kosovar. Po sipas këtyre burimeve, klubi turk është i gatshëm të nisë bisedimet me Mallorcën për transferimin e tij, ndërsa vlera fillestare për negociata mendohet të jetë rreth 10 milionë euro.

Ndërkohë, në disa raportime është përmendur edhe FC Barcelona si një destinacion i mundshëm për Muriqin, megjithëse vetë lojtari ka theksuar vazhdimisht se ndihet i kënaqur në klubin aktual.

Muriqi mbetet i lidhur me Mallorcën me kontratë afatgjatë deri në vitin 2029, çka e bën çdo transferim të mundshëm të varur nga negociatat mes klubeve.

Sport

Dienit Isufi shpallet “Ylli i Javës” në Superligë

Published

20 hours ago

April 20, 2026

UBTNews

Federata e Futbollit e Kosovës, në bashkëpunim me sponsorin zyrtar Albi Mall, ka vazhduar traditën e ndarjes së çmimit “Ylli i Javës”, që i takon futbollistit më të spikatur në Superliga e Kosovës.

Për javën e 29-të të këtij edicioni, ky vlerësim i është dhënë për herë të dytë futbollistit të KF Dukagjini, Dienit Isufi.

Isufi pati një paraqitje vendimtare në fitoren 3:2 ndaj SC Gjilani, ku shënoi një gol dhe fitoi një penallti për skuadrën e tij, duke kontribuar drejtpërdrejt në sigurimin e tri pikëve shumë të rëndësishme.

Vlerësimi është bërë nga Komisioni i Veteranëve të Futbollit, i cili ka çmuar ndikimin e tij në rezultat dhe performancën gjatë ndeshjes.

Pas marrjes së çmimit, Isufi u shpreh i kënaqur për vlerësimin, duke theksuar rëndësinë e fitores ndaj Gjilanit dhe objektivat e ekipit në vazhdim. Ai theksoi se synimi i KF Dukagjini mbetet fitimi i Kupës së Kosovës dhe sigurimi i një vendi në garat evropiane, ndërsa falënderoi familjen, bashkëlojtarët dhe stafin për mbështetjen.

Ky është një tjetër moment i rëndësishëm për Isufin, i cili po vazhdon të tregojë formë të lartë në kampionatin kosovar.

Sport

Bayern shkruan histori, shpallet kampion për herë të 35-të në Bundesliga

Published

21 hours ago

April 20, 2026

UBTNews

Bundesliga ka kurorëzuar edhe një herë dominimin e Bayern Munich, i cili është shpallur kampion për herë të 35-të në histori.

Skuadra bavareze e siguroi titullin e sezonit 2025/26 pas një fitoreje bindëse 4–2 ndaj Stuttgartit, duke e mbyllur garën shumë javë para fundit të kampionatit. Ky sukses vjen si dëshmi e vazhdimësisë së dominimit të Bayernit në futbollin gjerman.

Nën drejtimin e Vincent Kompany, Bayern ka zhvilluar një sezon të jashtëzakonshëm, duke treguar forcë të madhe si në sulm ashtu edhe në konsistencë gjatë gjithë kampionatit.

Ky është titulli i 35-të kampion në histori për klubin më të suksesshëm gjerman, duke e thelluar edhe më shumë diferencën me rivalët në Bundesligë dhe duke konfirmuar epokën e dominimit bavarez në futbollin gjerman.