Sport

​“Deri sa t’i përfundojnë skuadrat tjera stadiumin e parë, Llapi do të ketë stadiumin e dytë”, Batatina zbulon detaje për stadiumin e ri në Llap

Published

2 years ago

on

Llapi pritet të bëhet me stadium të ri, i cili do të jetë me kritere evropiane. Kështu ka thënë trajneri i skuadrës llapjane, Tahir Batatina.

Batatina e zbuloi në detaje “projektin gjigant” për ta ndërtuar një stadium të ri në Llap, pasi qëllimi i tij është që Kombëtarja e Kosovës të luajë ndeshjet edhe në Llap dhe jo vetëm në Prishtinë. Trajneri i Llapit tha se është në pritje që Kuvendi Komunal në Podujevë të ndajë parcelën për ndërtimin e “stadiumit gjigant”, i cili pritet të ketë 12 mijë ulëse.

“Sa i përket stadiumit gjigant që do ta ketë Llapi, mendoj që në momentin që Kuvendi Komunal më mbështet, jemi në bisedime për ta ndarë një parcelë me skuadrën e Llapit, do të thotë jam duke u përgatitur që ta bëjë një projekt shumë gjigant, një projekt i cili do të thotë një stadium me kriteret evropiane ku do të mund të luajnë të gjitha ndeshjet edhe të kombëtares sonë. Qëllimi im është që Llapi duhet ta ketë një stadium që do të luajë edhe kombëtarja në Llap, jo vetëm në Prishtinë, një stadium me 12 mijë ulëse për të cilin shumë shpejtë presim që të ndahet parcela dhe unë kam biseduar me njerëz nga Ministria, nga Federata edhe nga Kuvendi Komunal që më ka mbështetur këtë projekt. Besoj që projektin do ta ndajmë bashkërisht, investime edhe nga UEFA e FIFA, në të cilat kam njerëz që kam biseduar dhe më kanë kërkuar që në momentin që ndahet parcela dhe dorëzohet projekti, do të mundohen të ndajnë pjesën e mjeteve financiare”, tha Batatina.

Po ashtu, Batatina bëri të ditur se stadiumi aktual “Zahir Pajaziti” në të ardhmen do t’i shërbejë akademisë së klubit, ndërsa thumboi skuadrat rivale duke thënë “deri sa t’i përfundojnë skuadrat tjera stadiumin e parë, Llapi do të ketë stadiumin e dytë”.

“Një gjë e tillë do të bëhet shumë shpejtë, besoj që nëse më përkrah Komuna me parcelën dhe të na e ndajë zyrtarisht, ndoshta deri sa t’i përfundojnë skuadrat tjera stadiumin e parë, Llapi do të ketë stadiumin e dytë, një stadium gjigant për arsye që në këtë drejtim do të fillojnë edhe punimet, edhe mirëpres do të thotë që Llapi ta ketë stadiumin gjigant me 12 mijë ulëse, e meriton. Ky stadium i cili është këtu (Zahir Pajaziti) do të na shërbejë në momente të caktuara për akademinë e futbollit, sepse Llapi tashmë do të jetë një lokomotivë e dytë e Kosovës”, tha Batatina.

Drejtuesit e Llapit dhe Kuvendi Komunal në Podujevë janë në bisedime për parcelën e cila do t’i ndahet klubit për stadiumin e ri, lokacioni i të cilit sipas Batatinës do të jetë në fshatin Surkish. /UBTnews/

Related Topics:
Continue Reading

Sport

Shishja e Pickfordit zbulon planin ndaj Messit dhe Argjentinës

Published

6 hours ago

on

July 16, 2026

By

Argjentina siguroi një vend në finalen e madhe të Kupës së Botës, pasi mposhti Anglinë me rezultat 2:1 në një gjysmëfinale plot emocione. Përveç festës së madhe në fushë, vëmendjen e rrjeteve sociale e tërhoqi edhe një moment i pazakontë pas përfundimit të takimit.

Menjëherë pas vërshëllimës së fundit të gjyqtarit, futbollistët argjentinas gjetën në fushë shishen e ujit të portierit anglez, Jordan Pickford. Në të ndodheshin shënime të detajuara me udhëzime për mënyrën se si duhej të reagonte në rast se ndeshja do të vendosej me penallti.

Në shishe ishin të shënuar emrat e lojtarëve kryesorë të Argjentinës, përfshirë Lautaro Martinez, Julian Alvarez, Enzo Fernandez dhe Lionel Messi. Pranë secilit emër kishte udhëzime specifike, si: “shtiru sikur do të hidhesh majtas, por hidhu djathtas”, “qëndro në qendër” ose “hidhu djathtas”, duke treguar strategjinë e përgatitur nga stafi anglez për një seri të mundshme penalltish.

Kamerat filmuan momentin kur Nico Gonzalez, Lionel Messi dhe Marcos Senesi po e shikonin me kureshtje shishen, ndërsa një pjesë e bisedës së tyre u bë virale pas leximit të buzëve.

“Shikoni çfarë gjeta. Ka shënime për Lautaron, Julianin…”, dëgjohet të thotë Nico Gonzalez, ndërsa Messi e shikon me habi përmbajtjen e shishes dhe kërkon t’i përkthehen udhëzimet e shkruara në anglisht.

Pamjet u shpërndanë me shpejtësi në rrjetet sociale, ku shumë tifozë e cilësuan momentin si një nga skenat më interesante dhe kurioze pas përfundimit të ndeshjes.

D.L

Continue Reading

Lajmet

Argjentina përmbys Anglinë me magjinë e Messit dhe arrin në finalen e madhe

Published

7 hours ago

on

July 16, 2026

By

Argjentina ka siguruar një kualifikim dramatik për në finalen e madhe pasi mposhti Anglinë me rezultatin 2:1 në gjysmëfinalen e zhvilluar në Atlanta. Edhe pse anglezët kaluan të parët në avantazh në minutën e 55-të me golin e Anthony Gordon, argjentinasit nuk u dorëzuan dhe treguan një karakter të jashtëzakonshëm në minutat e fundit të lojës.

Lionel Messi ishte sërish vendimtar duke dhuruar dy asistime kyçe: fillimisht për supergolin e Enzo Fernandezit që barazoi shifrat në minutën e 85-të, dhe më pas për Lautaro Martinezin, i cili shënoi golin e fitores në minutën e 92-të.

Me këtë përmbysje të madhe, Argjentina shkon në finalen e dytë radhazi dhe ka shansin e artë të mbrojë trofeun e Kupës së Botës të fituar në Katar në vitin 2022, një sukses që historikisht e kanë arritur vetëm Brazili dhe Italia shumë kohë më parë.

Ndeshja finale do të luhet këtë të dielë në New Jersey në orën 21:00, ku Argjentina do të përballet me Spanjën, e cila eliminoi Francën. Ndërkohë, Anglia dhe Franca do të diskutojnë vendin e tretë të shtunën në orën 23:00. /E.A/

Continue Reading

Sport

Anglia dhe Argjentina përballen sonte për biletën e finales

Published

24 hours ago

on

July 15, 2026

By

Gjithçka është gati për një spektakël të madh futbollistik. Anglia dhe Argjentina do të përballen sonte në gjysmëfinalen e Kupës së Botës, në një duel ku vetëm njëra prej tyre do të sigurojë vendin në finalen e madhe, aty ku tashmë pret Spanja, e cila eliminoi Francën.

Përballja pritet të jetë jashtëzakonisht e fortë, pasi të dyja kombëtaret kanë treguar cilësi dhe karakter gjatë gjithë turneut. Anglia synon të rikthehet në finalen e Botërorit dhe të vazhdojë ëndrrën për trofeun e shumëpritur, ndërsa Argjentina kërkon një tjetër finale, duke u mbështetur te përvoja dhe mentaliteti fitues që e ka karakterizuar në ndeshjet eliminatore.

Të dyja skuadrat kanë kaluar pengesa të vështira për të arritur në mesin e katër kombëtareve më të mira të botës, ndërsa sonte nuk do të ketë vend për gabime. Një moment magjik, një gol apo një pritje vendimtare mund të përcaktojë ekipin që do të përballet me Spanjën në finalen e madhe.

Me yje në të dyja kampet dhe me miliona tifozë që do ta ndjekin sfidën nga e gjithë bota, kjo gjysmëfinale premton emocione, ritëm të lartë dhe futboll të nivelit më të lartë. Fituesi do të sigurojë biletën për finalen, ndërsa humbësi do të duhet të kënaqet me ndeshjen për vendin e tretë.

D.L

Continue Reading

Sport

FIFA pritet të gjobisë lojtarët dhe trajnerët që kritikuan gjyqtarët

Published

1 day ago

on

July 15, 2026

By

Lojtarët dhe trajnerët që kanë kritikuar publikisht gjyqtarët gjatë Kupës së Botës mund të përballen me masa disiplinore dhe gjoba nga FIFA pas përfundimit të turneut.

Sipas një gazetari të The Athletic, të cituar nga mediumi kroat Jutarnji, përzgjedhësi i Anglisë, Thomas Tuchel, ai i Egjiptit, Hossam Hassan, si dhe mbrojtësi i Zvicrës, Manuel Akanji, janë ndër emrat që kanë shprehur kritikat më të ashpra ndaj arbitrimit.

Burime pranë FIFA-s kanë bërë të ditur se organi qeverisës i futbollit botëror nuk dëshiron të komentojë procedurat disiplinore aktuale apo të mundshme. Megjithatë, sipas të njëjtave burime, nuk përjashtohet mundësia që pas përfundimit të Kupës së Botës të ndërmerren masa ndaj atyre që kanë shkelur rregulloret disiplinore.

Vendimi për çdo sanksion do të bazohet në raportet e gjyqtarëve dhe në vlerësimin e rrethanave të secilit rast.

FIFA ka vepruar në mënyrë të ngjashme edhe pas Kupës së Botës në Katar në vitin 2022, kur sanksionoi disa federata për shkelje të ndryshme disiplinore.

D.L

Continue Reading

Të kërkuara