Lajmet

Mali i Zi premton mbështetje për Kosovën drejt anëtarësimit në NATO

Me këtë rast ata kanë nënshkruar një marrëveshje në fushën e mbrojtjes.

Published

4 years ago

on

Mali i Zi mbështet Kosovën në rrugën e saj drejt anëtarësimit në NATO dhe Bashkim Evropian, ka thënë ministri i Mbrojtjes, Rasko Konjevic. Ai është pritur me ceremoni shtetërore nga ministri i Mbrojtjes, Armend Mehaj, i cili ka përsëritur synimin e Kosovës për anëtarësim sa më shpejtë në organizatat ndërkombëtare të sigurisë.

Ministri kosovar i Mbrojtjes i ka kërkuar homologut të tij malazez mbështetje që edhe Kosova të bëhet sa më shpejtë anëtare e plotë e Kartës së Adriatikut, iniciativë kjo e nisur në vitin 2003 nga atëkohë vendet aspirante për t’u anëtarësuar në NATO, si Shqipëria, Kroacia e Maqedonia e Veriut, e njohur si A-3, e që pesë vite më vonë iu bashkuan edhe Mali i Zi e Bosnja Hercegovina duke u shndërruar në iniciativën A-5, e që rrit ndërveprimin mes këtyre vendeve dhe adoptimin e standardeve të NATO-s nëpërmjet stërvitjeve të përbashkëta dhe aktiviteteve të bashkëpunimit të njësive respektive.

“Jemi të orientuar në anëtarësimin sa më të shpejtë të Kosovës në NATO. Mali i Zi si shtet mik i yni duke vlerësuar angazhimin e Kosovës, sidomos Ministrisë së Mbrojtjes na mbështet në orientimin tonë, në iniciativa rajonale por edhe në orientimin tonë drejt anëtarësimit të plotë në NATO. Mali i Zi dhe ministri na ka ofruar mbështetje në procesin, por edhe realizimin e synimeve tona që kemi, edhe për anëtarësim në organizata rajonale, ju e dini që sivjet Mali i Zi është nikoqir i organizatës rajonale A-5, këtu kam kërkuar mbështetje që Kosova të jetë sa më shpejtë anëtare e plotë e A-5-shes. Paqja, siguria dhe stabiliteti rajonal janë jetike, sidomos për shtetet e Ballkanit, kjo është e ardhmja jonë, e ardhmja e përbashkët, euroatlantike, ashtu siç e kemi borxh vendet e rajonit të sinkronizohemi dhe koordinohemi drejt integrimit të plotë në misionin e vizionin e përbashkët euroatlantik”, ka thënë Mehaj.

Ministri i Mbrojtjes së Malit të Zi, Rasko Konjevic ka thënë se Mali i Zi do mbështesë Kosovën në aspiratën e saj për t’u bërë pjesë e nismave rajonale.

“Këto takime ishin edhe një mundësi për të shkëmbyer mendime për çështjet aktuale rajonale, unë ritheksova vendosmërinë e Malit të Zi se kudo që të mundet, Mali i Zi do ta mbështesë Republikën e Kosovës në aspiratën e saj për t’u bërë pjesë e disa nismave rajonale ose për të avancuar statusin e saj, kështu që ne besojmë se përmes këtij lloji të bashkëpunimit rajonal do të vendoset një bashkëpunim shtesë, do të thosha, politik dhe i sigurisë dhe të dërgohet një mesazh diku nga Mali i Zi, Kosova dhe vendet e tjera të rajonit, se cili është thelbi dhe çfarë do të thosha është një vizion i përbashkët, që është që ky rajon të jetë pjesë e Bashkimit Evropian… Kudo që të jetë e mundur, Mali i Zi do të jetë në ndihmë, sepse ne duam të ndihmojmë Kosovën dhe vendet e tjera që ndajnë vizionin dhe vizioni i Malit të Zi është që përveç nga anëtarësimi në NATO do të jetë, sa më shpejt që është e mundshme anëtare me të drejta të plota e Bashkimit Evropian në kuptimin që të plotësojmë të gjitha standardet që duhen për të qenë pjesë e shoqërisë së vendeve të zhvilluara dhe demokratike”, ka thënë ai.

Një memorandum bashkëpunimi e kanë nënshkruar ministri i Mbrojtjes së Kosovës dhe ai i Malit të Zi, dokument ky i cili pritet të thellojë marrëdhëniet në mes të dy shteteve.

Ministri Armend Mehaj ka bërë të ditur se përmes kësaj marrëveshjeje do të zgjerojnë bashkëpunimin në fushën e mbrojtjes, që sipas tij, është i domosdoshëm në aspektin e sigurisë dhe stabilitetit.

“Bashkëpunimi do të shtrihet në shkëmbimin e përvojave profesionale sa i përket kuadrove tona akademike, specialisitike, e deri te angazhimi në mbështetje reciproke me kapacitete operacionale në rast të emergjencave që është e domosdoshme për të dy shtetet por edhe në rajon. Thellimi i vazhdimit të këtij bashkëpunimi do të lehtësojë edhe efektivitetin që po ballafaqohemi, por edhe kërcënimet që janë njëjta për të dy shtetet por edhe rajonit, dhe rreziqet që na i prek mjedisin e sigurisë rajonale”, ka thënë Mehaj.

Mali i Zi, përpos pjesë e iniciativës A-5, prej qershorit të vitit 2017 është edhe pjesë e NATO-s. 

Related Topics:
Continue Reading

Lajmet

MINT dënon KEDS-in edhe me 25 mijë euro gjobë për njehsorët elektrikë

Published

1 hour ago

on

June 24, 2026

By

Ministria e Industrisë, Ndërmarrësisë, Tregtisë dhe Inovacionit (MINT), përmes Agjencisë së Metrologjisë së Kosovës (AMK) dhe Inspektoratit Qendror të Mbikëqyrjes së Tregut, po vazhdon aksionin për mbikëqyrjen dhe verifikimin e njehsorëve elektrikë në territorin e Kosovës.

Gjatë kontrolleve të realizuara së fundmi, inspektorët kanë identifikuar pesë njehsorë elektrikë me afat të skaduar të verifikimit metrologjik. Për shkak të kësaj shkeljeje, ndaj operatorit ekonomik KEDS është shqiptuar një gjobë në vlerë prej 25 mijë eurosh.

MINT dhe AMK kanë bërë të ditur se verifikimet e matësve do të vazhdojnë edhe në ditët në vijim, me qëllim të garantimit të matjes së saktë të konsumit të rrymës, mbrojtjes së të drejtave të konsumatorëve dhe respektimit të ligjit.

“Institucionet përgjegjëse mbeten të përkushtuara për të siguruar që çdo njehsor elektrik në përdorim të jetë i verifikuar dhe në përputhje me kërkesat ligjore, duke garantuar transparencë dhe besueshmëri në procesin e matjes”, thuhet në njoftim.

Po ashtu, ministria u ka bërë thirrje të gjithë qytetarëve që kanë dyshime apo dëshmi lidhur me funksionimin e njehsorëve të tyre elektrikë, t’i adresojnë ankesat përmes numrit të telefonit +383 46 311 000 (në Viber) ose në adresën elektronike: [email protected]. /E.A/

 

Continue Reading

Lajmet

Rutte në Shtëpinë e Bardhë: Takim me Trumpin për të zbutur tensionet

Published

1 hour ago

on

June 24, 2026

By

Sekretari i Përgjithshëm i NATO-s, Mark Rutte, do të zhvillojë këtë të mërkurë një takim me presidentin amerikan, Donald Trump, në Shtëpinë e Bardhë. Ky takim vjen si një përpjekje për të ulur tensionet mes Uashingtonit dhe aleatëve evropianë, përpara samitit të rëndësishëm të aleancës që do të mbahet në korrik.

Marrëdhëniet mes administratës Trump dhe vendeve evropiane janë përkeqësuar ndjeshëm kohët e fundit, veçanërisht pas mospajtimeve të thella lidhur me luftën në Iran dhe kërkesave të vazhdueshme të SHBA-së që aleatët të rrisin shpenzimet e tyre për mbrojtje.

Sipas burimeve të “Euronews”, Rutte do të paraqesë të dhëna që dëshmojnë një rritje rekord të investimeve ushtarake nga vendet anëtare. Ai pritet të argumentojë se presioni i ushtruar nga vetë Trump ka ndikuar drejtpërdrejt në këtë rritje financiare, duke theksuar se shpenzimet e përgjithshme të aleancës kanë prekur shifrën prej një trilion dollarësh. Po ashtu, Rutte do të vërë në dukje se rritja e prodhimit ushtarak ka hapur vende të reja pune edhe në Shtetet e Bashkuara.

Megjithatë, pakënaqësia e administratës amerikane tashmë është reflektuar në hapa konkretë. Pentagoni ka njoftuar një sërë masash që reduktojnë pjesëmarrjen afatgjatë të SHBA-së në aleancë.

Pas kritikave të hapura të kancelarit gjerman, Friedrich Merz, ndaj strategjisë ushtarake amerikano-izraelite në Iran, Presidenti Trump njoftoi menjëherë tërheqjen e pesë mijë trupave amerikane nga territori gjerman.

Samiti i ardhshëm i NATO-s, i cili është planifikuar të mbahet më 7 dhe 8 korrik në Ankara të Turqisë, pritet të fokusohet kryesisht në sigurinë evropiane dhe atë arktike, si dhe në zgjerimin e kapaciteteve të prodhimit ushtarak. /Euronews/ /E.A/

 

 

 

 

Continue Reading

Lajmet

Madonna: Filmi biografik për jetën time u anulua për shkak të mosmarrëveshjeve për buxhetin

Published

2 hours ago

on

June 24, 2026

By

Këngëtarja e njohur amerikane Madonna ka zbuluar se filmi biografik për jetën e saj u anulua pas mosmarrëveshjeve me studion Universal Pictures lidhur me buxhetin e projektit.

Në një intervistë për revistën Interview, artistja tha se historia e jetës së saj kërkonte një prodhim të madh dhe, rrjedhimisht, një buxhet të konsiderueshëm.

Madonna tregoi se kishte propozuar zhvendosjen e xhirimeve në Serbi për të ulur kostot, por ideja nuk u mbështet nga studioja. Sipas saj, drejtuesit e projektit nuk ishin të bindur se ajo do të qëndronte atje për realizimin e filmit.

Projekti u njoftua fillimisht në vitin 2020, me Madonnën në rolin e regjisores. Aktorja Julia Garner ishte përzgjedhur për të interpretuar këngëtaren pas një procesi të gjatë audicionesh.

Megjithatë, në vitin 2023 u raportua se filmi, i cili mbante titullin e përkohshëm “Who’s That Girl”, ishte anuluar.

Madonna zbuloi gjithashtu se kishte shqyrtuar mundësinë e realizimit të historisë së saj si serial për Netflix, por hasi në pengesa ligjore pasi të drejtat e skenarit mbetën në pronësi të Universal Pictures.

Artistja tha se zhvillimi i një seriali rezultoi më i ndërlikuar sesa kishte parashikuar, duke kërkuar bashkëpunim me skenaristë të shumtë dhe gjetjen e ekipit të duhur krijues për ta çuar projektin përpara./A.K/

Continue Reading

Lajmet

Hapet ekspozita e Hazir Rekës kushtuar rezistencës së minatorëve të Kosovës

Published

2 hours ago

on

June 24, 2026

By

Është hapur ekspozita e fotografit të njohur Hazir Reka, e cila sjell në vëmendje një nga periudhat më të rëndësishme të historisë së Kosovës, vitet 1988–1989 dhe rezistencën e minatorëve të Trepçës.

Në këtë ngjarje morën pjesë kryeministri në detyrë Albin Kurti, ministrja e Kulturës Saranda Bogujevci, si dhe përfaqësues të institucioneve dhe komunitetit kulturor.

Fotografitë e ekspozuara dokumentojnë protestat dhe grevat e minatorëve, veçanërisht grevën historike në Stantërg të Trepçës, duke dëshmuar për përpjekjet e tyre në kërkim të lirisë, dinjitetit dhe barazisë.

Sipas organizatorëve, fotografitë nuk paraqesin vetëm momente historike, por edhe kujtesë të gjallë të sakrificës dhe qëndresës qytetare.

Përmes objektivit të tij, Hazir Reka ka krijuar një arkiv të rëndësishëm të kujtesës kolektive, duke ruajtur dëshmi të vlefshme të rrugëtimit historik të Kosovës.

Ekspozita është mbështetur nga Ministria e Kulturës, Rinisë dhe Sportit./A.K/

Continue Reading

Të kërkuara