Kulturë

Malala synon të ndryshojë historitë e treguara nga Hollywood

Ajo kritikoi Hollywood-in për mungesën e përfaqësimit të tij për myslimanët dhe njerëzit nga Azia.

Published

3 years ago

September 30, 2022

UBT news

Malala ka qenë prej kohësh e njohur për aktivizmin e saj global, por tani ajo po kthen punën e saj diku tjetër – në Hollywood.

Duke folur në eventin “Variety’s Power of Women”, Malala Yousafzai, e cila u bë aktiviste pasi u qëllua nga talibanët, kritikoi Hollywood-in për mungesën e përfaqësimit të tij për myslimanët dhe njerëzit e tjerë kryesisht nga Azia. Ajo synon ta ndryshojë këtë.

“Unë nuk pres që Hollywood të ndryshojë sepse është gjëja e duhur për të bërë, apo edhe sepse është e mirë për biznesin. Unë dua që ju ta bëni këtë sepse jeni artistë dhe e dini që arti i përket të gjithëve”, tha Malala.

Por ajo nuk po kërkon vetëm përfaqësim.

“Për mua, përfaqësimi është vetëm një çmim ngushëllues”, tha ajo. “Unë dua që shfaqjet tona dhe miqtë tanë të jenë të zakonshme”.

Vitin e kaluar, Malala nënshkroi një partneritet shumëvjeçar me Apple për të zhvilluar programe origjinale për Apple TV+. Ofertat e saj kanë për qëllim të përfshijnë drama, komedi, dokumentarë, animacion dhe seri për fëmijë, të gjitha përmes kompanisë së saj të prodhimit Extracurricular.

Megjithëse 25% e popullsisë së botës është myslimane, një studim i publikuar në vitin 2022 zbuloi se muslimanët përbëjnë vetëm 1% të personazheve që flasin në televizion.

Një raport tjetër, i botuar në vitin 2021, zbuloi se personazhet femra nga Azia dhe të ishujve të Paqësorit kanë më shumë gjasa se personazhet femra të çdo race tjetër të objektivizohen në ekran.

“Shumë nga mikeshat e mija janë gra të reja me ngjyrë”, tha Malala para audiencës së drejtuesve dhe krijuesve të Hollivudit. “Ne po shikojmë ‘Ted Lasso’, ‘Succession’, ‘The Crown’, të gjitha. Pra, ju lutemi pyesni veten, nëse ne mund t’i duam këto histori, çfarë ju bën të mendoni se njerëzit nuk do të jenë të interesuar për tonat?”/UBTNews/

Related Topics:film apple Hollywood Malala

Up Next

11 nga filmat më të mirë për t’u parë këtë tetor

Don't Miss

Adrien Brody del në mbrojtje të “Blonde”: Filmi kishte qëllim që të tregonte një përvojë traumatike!

Mënyra e Jetës

Dilema e perdeve: cilat i përshtaten më mirë ambientit tuaj?

Published

4 hours ago

November 8, 2025

UBT News

Perdet e gjata arrijnë deri në dysheme dhe japin ndjesi elegance e hapësire më të madhe.

Janë ideale për dhoma dite, dhoma gjumi dhe ambiente me tavane të larta. Për vendosje më estetike, shufra e perdes duhet të jetë rreth 15–20 cm mbi kornizën e dritares.

Avantazhet:

Zgjerojnë vizualisht hapësirën

Krijojnë pamje luksoze

Ruajnë ngrohtësinë

Të përshtatshme për dyer ballkoni

Perdet e shkurtra janë praktike kur dritarja ndodhet mbi radiator, banak apo tavolinë.

Avantazhet:

Nuk pengojnë ngrohjen

Të lehta për larje

Ideale për kuzhina, dhoma fëmijësh dhe hapësira të vogla

Materialet:

Zgjidhni pëlhura të lehta për kuzhina dhe më të dendura për privatësi më të madhe.

Kombinimi ideal:

Perdet rrotulluese ose veneciane me draperi anësore ofrojnë funksionalitet dhe stil.

Perdet e gjata japin elegancë, ato të shkurtra praktikë. Zgjidhni sipas nevojave të hapësirës dhe stilit që dëshironi. /A.Z/UBT News/

Lifestyle

Mos e merrni stresin në shtëpi: Si të mos mendoni për punën në fundjavë?

Published

8 hours ago

November 8, 2025

UBT News

Gjetja e ekuilibrit të duhur mes suksesit profesional dhe kohës personale është shpesh një sfidë e madhe, thuajse e pamundur, por jo e paarritshme.

Sipas ekspertes së karrierës Emily Durham, nëse keni vështirësi të vendosni kufij mes punës dhe jetës personale, filloni nga fundjavat. Fokusohuni te mënyrat si mund të ndaloni së menduari për punën gjatë këtyre ditëve të lira.

Më poshtë janë tre strategji që ekspertët rekomandojnë për t’u shkëputur mendërisht nga puna gjatë fundjavës:

1. “Pastroni” email-et dhe përfundoni detyrat para se të mbyllni javën

Për të pasur një fundjavë të qetë, duhet të përgatiteni të premten. Para se të largoheni, organizoni kutinë postare e listën e detyrave. Nuk është e nevojshme t’i përgjigjeni çdo email-i, mjafton të përcaktoni prioritetet dhe të arkivoni pjesën tjetër në një dosje që e hapni të hënën.

Durham thekson rëndësinë e krijimit të një ndjesie “mbylljeje” para se të shkëputeni nga kompjuteri i punës të premten. Mos harroni të fikni ose të çaktivizoni njoftimet nga aplikacionet e punës.

Sa më të qarta të jenë kufijtë që vendosni mes karrierës e kohës personale, aq më shumë i jepni mundësi mendjes dhe trupit të çlodhen.

2. Planifikoni diçka konkrete për të premten në mbrëmje

Fundjava fillon që të premten pasdite, mos e lejoni të shkojë dëm. Shpesh, përpiqemi të përfundojmë çdo detyrë të premten dhe përfundojmë duke punuar më shumë se zakonisht, duke hyrë në fundjavë të lodhur dhe pa energji.

Ekspertët e karrierës këshillojnë të bëni plane specifike për të premten në mbrëmje, qoftë një kafe me miqtë, një aktivitet relaksues apo edhe një takim te estetistja juaj. Këto plane do t’ju motivojnë të mbyllni detyrat në kohë dhe të largoheni nga puna pa ndjesi faji apo pasiguri.

3. Fikeni telefonin e punës

E kemi thënë dhe e themi sërish: vendosni kufij të qartë. Pse të mbani kontakt me punën në fundjavë, kur është koha për të pushuar dhe për t’u marrë me veten dhe të dashurit tuaj?

Kur themi “telefoni i punës”, nuk nënkuptojmë pajisje fizike, por çdo aplikacion, apo email që ju kthen te puna. Fikeni ose vendosini në heshtje. Sa më të fortë të jenë kufijtë që vendosni mes punës e jetës personale, aq më shumë i jepni vetes hapësirë për të rifituar energjinë.

Mos punoni falas në fundjavë. Mos sakrifikoni jetën personale për email-e që mund të presin të hënën. /A.Z/UBT News/

Lifestyle

Fundjavë me shi? Ja si ta kaloni bukur pa dalë nga shtëpia

Published

9 hours ago

November 8, 2025

UBT News

Kur jashtë bie shi dhe planet në natyrë dështojnë, fundjava mund të kthehet në një mundësi të shkëlqyer për pushim, kujdes për veten dhe aktivitete të thjeshta që sjellin mirëqenie.

Ja disa ide praktike për ta shijuar kohën në shtëpi:

1. Krijoni një atmosferë të ngrohtë

Ndezni disa qirinj aromatikë, përgatisni një filxhan çaj apo çokollatë të ngrohtë dhe dëgjoni muzikë të qetë. Shiu jashtë dhe qetësia brenda krijojnë kombinimin perfekt për relaks.

2. Organizoni shtëpinë

Shfrytëzoni këtë kohë për të rregulluar dollapin, për të hequr gjërat e panevojshme apo për të sistemuar bibliotekën. Një hapësirë e pastër ndikon direkt në qetësinë mendore.

3. Lexoni ose shikoni një film të mirë

Një ditë me shi është koha ideale për t’u zhytur në një libër që e keni lënë përgjysmë, ose për të parë një film a serial që ju relakson.

4. Gatuani diçka ndryshe

Përgatitja e një recete të re mund të jetë argëtuese dhe terapeutike. Aroma e gatimit e mbush shtëpinë me ngrohtësi dhe ju jep ndjesinë e një fundjave të plotë.

5. Kujdes për veten

Një maskë fytyre, një banjë e ngrohtë apo pak joga e lehtë – janë mënyra të thjeshta për t’u rilidhur me veten dhe për të rifituar energjinë.

Mos e shihni shiun si pengesë, por si një ftesë për të ndalur ritmin. Një fundjavë e tillë mund të jetë pikërisht ajo që ju duhet për t’u qetësuar, për t’u frymëzuar dhe për të rifilluar javën me më shumë energji. /A.Z/UBT News/