Lajmet

Magdalena Andersson është një hap më afër që të bëhet kryeministrja e parë femër e Suedisë

Andersson, ministrja e financave, ishte e vetmja kandidate për postin e kryetarit të partisë.

Published

5 years ago

on

Magdalena Andersson u zgjodh unanimisht të enjten si kryetare e re e Partisë Social Demokrate (SAP) të Suedisë, duke i hapur rrugën asaj për t’u bërë kryeministrja e parë femër në vend, përcjell UBT News.

Zgjedhja e saj në këtë pozicion vjen pesë muaj pasi kryeministri i SAP Stefan Lofven dha dorëheqjen pasi humbi një votë besimi në parlament. Ai u rivendos në korrik pasi siguroi një koalicion të ri, por papritur njoftoi në gusht se do të tërhiqej në nëntor.

Ekonomistja 54-vjeçare mund të bëhet kryeministrja e parë femër në historinë suedeze, me kusht që të fitojë një votë në parlament.

“Kam rënë dakord të bëhem kryetare e partisë sepse e di që Suedia mund të bëjë më mirë”, tha Andersson në një deklaratë.“Dhe sepse e di që jemi ne socialdemokratët që kemi zgjidhjet për problemet me të cilat përballet Suedia”, shtoi ajo.

Löfven, i cili është kryeministër, ende nuk ka bërë të ditur datën e saktë të dorëheqjes së tij, e cila duhet të shkaktojë procesin parlamentar të zgjedhjes së Andersson.

Për ta pasuar atë, Andersson do të duhet të sigurojë mbështetjen e të Gjelbërve – me të cilët SAP ka qenë në koalicione të shumta – si dhe nga Partia e Majtë dhe Partia e Qendrës, të cilat kishin aleanca besimi dhe furnizimi me qeverinë e Löfven.

Edhe pse shpallur kampione e barazisë gjinore, Suedia është vendi i fundit nordik që nuk ka pasur kurrë kryeministre femër.

Nëse ajo siguron postin kryesor të vendit, atëherë do t’i duhet të drejtojë partinë e saj në zgjedhjet e ardhshme të përgjithshme, të planifikuara për në shtator 2022, pasi mbështetja për socialdemokratët ka rënë./UBTNews/

Related Topics:
Continue Reading

Lajmet

Nora Gjakova diplomon në UBT, xhudistja përmbyll me sukses studimet në Shkencat e Sportit

Published

23 minutes ago

on

September 24, 2026

By

Xhudistja kosovare dhe kampionia olimpike, Nora Gjakova, ka diplomuar në UBT, në Fakultetin e Shkencave të Sportit dhe të Lëvizjes, në programin “Shëndeti dhe Aktiviteti Fizik”.
Gjakova, e cila ndër vite ka përfaqësuar Kosovën në garat më të rëndësishme ndërkombëtare të xhudos, ka përfunduar studimet me një temë diplome që lidhet drejtpërdrejt me sportin që e ka shoqëruar gjatë gjithë karrierës së saj.
Tema e punimit të saj ishte “Monitorimi i shkallës së lodhjes akute dhe rikuperimit pas një ndeshjeje të simuluar të xhudos përmes metodës indirekte (two-point velocity), të bazuar në shpejtësi në teknikën Bench Press”.
Punimi është realizuar nën mentorimin e Asoc. Prof. Dr. Milaim Berishës.
Me këtë arritje akademike, Nora Gjakova i shton një tjetër sukses rrugëtimit të saj, kësaj radhe në fushën e arsimit dhe shkencës sportive.

Continue Reading

Lajmet

Arrestohet një zyrtar që dyshohet se mori ryshfet nga pronarë biznesesh

Published

1 hour ago

on

September 24, 2026

By

Policia e Kosovës ka arrestuar një person në Rahovec, i dyshuar për veprën penale “Marrja e ryshfetit”.

Sipas Policisë, i dyshuari, mashkull kosovar, në periudha dhe lokacione të ndryshme në zonën e Rahovecit, dyshohet se kishte kërkuar dhe pranuar ryshfet nga pronarë të bizneseve, në këmbim të moskryerjes së kontrolleve apo mosndëshkimit për shkeljet e ligjit.

Gjatë hetimeve, të zhvilluara në bashkëpunim me Prokurorinë Themelore në Gjakovë, janë siguruar dëshmi se i dyshuari dyshohet se kishte pranuar në disa raste shuma prej 300 deri në 500 euro nga pronarë të ndryshëm biznesesh.

Me urdhër të Gjykatës Themelore në Gjakovë, më 24 shtator janë kontrolluar ambienti i punës dhe veturat që i dyshuari kishte në shfrytëzim. Gjatë kontrollit është sekuestruar edhe një telefon celular.

Pas intervistimit, me vendim të prokurorit, i dyshuari është ndaluar për 48 orë./A.K/

Continue Reading

Lajmet

Ish-kreu i SHISH, Vlora Hyseni del nga GJKKO, iu komunikua masa e sigurisë “arrest në shtëpi”

Published

2 hours ago

on

September 24, 2026

By

Ish-kreu i SHISH, Vlora Hyseni sapo ka dalë nga GJKKO pas më shumë se 2 orësh.

Gazetarja e Top Channel, Anila Hoxha raporton se Hysenit i është komunikuar masa e sigurisë “arrest në shtëpi”.

Ajo u pyet nga gazetarët në lidhje me përgjimet e SPAK, por ka refuzuar të flasë.

Ndryshe, para se të hynte në gjykatë gjatë kalimit nga rruga drejt godinës, Hyseni është shprehur shkurtimisht ndaj pyetjes së gazetarëve nëse Agasit i janë kaluar nga ana e saj dokumente të klasifikuara, duke u shprehur: “Si kalon ti në takime me agjentët serb në dhomat e hotelit Rogner”. /Tch/

Continue Reading

Lajmet

Djemtë e ish-krerëve të UÇK-së vizitojnë familjen e Afrim Bunjakut

Published

2 hours ago

on

September 24, 2026

By

Endrit Thaçi, Klestor Veseli dhe Altin Krasniqi, djemtë e ish-krerëve të UÇK-së, kanë vizituar sot familjen e policit të Kosovës, Afrim Bunjaku, në përvjetorin e rënies së tij.

Vizita është zhvilluar në shenjë respekti dhe solidariteti me familjen Bunjaku, i cili u vra më 24 shtator 2023 gjatë sulmit në Banjskë.

Gjatë vizitës, ata kanë shprehur respekt për figurën dhe sakrificën e Bunjakut, duke qëndruar pranë familjes së tij në këtë ditë përkujtimi.

Afrim Bunjaku humbi jetën në krye të detyrës gjatë sulmit ndaj Policisë së Kosovës në Banjskë./A.K/

Continue Reading

Të kërkuara